Isaia 41:8 - Iaai Bible 1901 (New Caledonia)

⁸ Ke haba u Isaraela lö a athnyabaik, ke Jekob at oge me ûca, mâtrâni Aberahama a hanok;

Isaia 41:8 ပူးပေါင်းရင်းမြစ်များ

I. Man Ûlabainy Je Than. 16:13

Öbun je mâtrâni Isaraela a lathnyabainy, Öbun laku Jekob tavat adre ûca.

II. Man Ûlabainy Je Than. 20:7

Hawa Khonguhmun lö, ca u at ame obâ tavat adre me labā hnyei ang hnyi hnyimakan lakem a at Isaraela, me ham e ka mâtrâni Aberahama a hânâm nyiele balua?

Salamo 105:6

Öbun ta je mâtrâni Aberahama a athnyabainy, Öbun je mâtrâni Jekob wale tavat a ûca.

Salamo 135:4

Anyin a Ja ame hia but ûcû Jekob hnân hobi kâu, Me Isaraela hnân tang omjehen ae ûnyi hnathu.

Salamo 136:21

Kʼame ham idra hnyei hnân hwajekhoû. Anyin a nyiele balua anyin ibetengiö:

Salamo 136:22

Wale a hnân jekhoû Isaraela a athnyabainy: Anyin a nyiele balua anyin ibetengiö.

Salamo 33:12

Hnahic hnen hnyei a Iehova Khongon; A tavat e ame ûca hnân hing jekhon.

Isaia 14:1

A NYIN ame he Iehova ka betenge ga Jekob, ke e ame he hmetu ka ûco Isaraela, me ip ödra hnyi idra: kʼ ame he je atkanyua ka tha e mödra, kʼ adre me he ka kece ka lap anyi Jekob.

Isaia 29:22

Anyin a wale, walang hna ha hnö Iehova at ame omeli Aberahama, haingen ge lap anyi Jekob, ka habe, Ame ca he Jekob ka hmehma walang ang, kʼ ame ca he ka löhau hnyimakan.

Isaia 42:1

WÂ bi ang athnyabaik, at o ge me cö; ûcanök, ame senyin kâu hnyekuk: oge hia but ip hanuk hon e; e ame he ka oâ hna owisa ka je Ethen.

Isaia 42:19

Ie wadröu, wale athnyabaik? me ie wejiji helâ me anyik ûthumetu oge me kunâ? ie wadröu helâ ma at ame ûsoköu mönya? ke wadröu helâ me athnyabai Iehova?

Isaia 43:1

KE walang ang, walang hna ha hnö Iehova at a up u Jekob, me at a huliwön u Isaraela, ka habe, Ca ot bi, anyin a oge hia but ûcö ânyâm möt; oge hia but hawâ iâm, anyin a atök ut u.

Isaia 43:10

Öbun tavat ohnathu nya, haingö Iehova, ke athnyabaik waleji oge me ûca: me me khanʼ öbun me labageju könya, me wâ ûnykûme a inya thibi; e ba ke Khong a ban ke bilik bi, ke haba khaca, me ba ke at hnyi hwabök.

Isaia 43:5

Ca ot bi, anyin a tha inya möu: oge me he ka hom ta je mâtrânâm ûheny jimeio, me ûkhaca-köuö u ûheny jimeû;

Isaia 44:21

Jekob lö, ûnykûme ta je ûnyi e, ke u Isaraela, anyin a u athnyabaik: oge me i up u, ke u athnyabaik: Isaraela lö, oge me ca he ka hnying u.

Isaia 45:4

Oge hia but ba iâm, ga Jekob a athnyabaik, ke ga Isaraela hnok hna ûca: oge hia but ham köu iâm ke ca khanö u bi inya.

Isaia 48:12

Ling nya ju Jekob me Isaraela waleji oge ûca: inya thibi; inya ang at a bân, ke inya minya ang at a biliny.

Isaia 49:3

ke e ame ha könya, ka habe, U thibi athnyabaik; a Isaraela, at oge me he ka hmanenang gan.

Isaia 51:2

Wâ thö kamöbun a Aberahama, me Sara at a hnöku öbun: anyin oge hawâ e ke tiga khaca, ke oge me ohnahicâ me osehia e.

Isaia 63:16

Anyin a u kamöhmun, eja ke ne a ne ca ö ʼhmun Aberahama, ke ca khanö Isaraela öhmun: Iehova lö, u thibi kamöhmun; at a ûcû öhmun hwân nyiele, wale iâm.

Jeremia 33:24

Hawa, u me ca ûnykûme hofuc hwan tavat ang waleji a haingodra, ka habe, Haba li lap waleji a ûca Iehova, me e ame hna degecâ but? ke adre me hûkotiâ lakeik, me me ca hnyei hmetu bi hnyi hnyimakodra.

Levitiko 25:42

Anyin a lathnyabaik odrin, waleji oge hum odrin ûnyi hnyi hnyei Aigupito: adre me ca he ka ûcû odrin helâ me hna ûco athnyaba.

Malaki 1:2

Oge hia but betenge gabun, haingö Iehova. Ke haingöbun, ka habe, U je hai but betenge gahmun hnyi ieû? Hawa, ca kei Esau Jekob? haingö Iehova: ke oge me betenge ga Jekob;

Mataio 3:9

ke ca ûnykûme he ka ha eû hnyi je hnyekubun, ka habe, Aberahama kamöta: anyin oge me ha köbun e khana Khong he ka okûâ lakon kö Aberahama ûnyi hnyi je veto ang.

Galatia 3:19

Ke hnân eû hnanyibu? Adre bi hanen e can ta je hna hanyâûâ, ke ne o but ame o thö mâtrân, wale adre ha bânâ kâu; ke hnen ta je angela hna otilâ e hnyi hnyamen at ame oûsoköuâ.

Deuteronomi 10:15

Ke so bi Iehova ame senyin ka lakâmâm me hnyok ködrin, me e ame ûca je mâtrânidrin hwabodrin, walʼ öbun e, ûnyi hnyi je hnyei hia, helâ me hnyi bong ang.

Deuteronomi 14:2

Anyin a u hnyei ae kap kö Iehova Khongom, ke haba Iehova ame ûcö u hnân iny hnyei ae ke bongon kâu, ûnyi hnyi je hnyei hia thithö eang hmelen.

Iakobo 2:23

me ame hwâdâ thö hofuc adre sit, ka habe, Aberahama ame labageju ka Khong, me adre me hâiâ e kâu hnân hwakecin ae wisa; me adre me hwenyi ien e, ka habe, Ihuminy Khong.