Isaia 41:28 - Iaai Bible 1901 (New Caledonia)

²⁸ Ke oge me wâ, ke ba at, ke ba at ha bongon unyidra, ke oge me hnei ödra, ke ba at ae khana thu ge ke hofuc.

Isaia 41:28 ပူးပေါင်းရင်းမြစ်များ

Isaia 46:7

Adre me vadren e hon abenyidra, kʼ adre me hom tilâ e, me ip e hnyi hnen, ke e ame tot; kʼ ame ca he bi ûnyi hnyi hnen: eke, ame he at ka tenge kâu, ke e ca khana he ka thu, me omelo e ûnyi hnyi anyin hmak.

Isaia 50:2

Ieû can a e ba at hnyi ûen oge me o hnyin? ke oge me hongot ke ba at âme ieû? Hawa, e okhulit hnyamok me ca khanö nya he ka omelo? ke ba but manik man he ka hûgûnâ? Wâ bi, hnyi hnok hna thawâ oge me omada köiö, me wia je wagewe me me hnyebuba bi: ame bokong ut haledra je wâ anyin ae ba köiö, ke adre mok ut ge beic.

Isaia 59:16

Ke e ame wâ ae ba at, me e ame lâiâ ae ba at ame khöûâ: anyin a wale ame ka ânyâ möt hobi kâu e hnen hnyamen bi; ke ame cö e anyin bi hwakecin ae wisa.

Isaia 63:5

Ke oge me wâ, me ba at ûhadruo; ke oge me lâiâ ae ba at hnân ci: anyin a wale ame hom möt könya hnen hing benyik; ke ame ci nya hnen bi anyik wathethot.

Isaia 65:12

me oge me he ka ip öbun hobi kâu hele vat, ke öbun e he hia ka iyâû ka hnyi hna hlingâ: anyin oge hongot, ke öbun e ca ieû; oge me fuc, ke öbun e ca long; ke öbun e ânyâ hulo hnyi hnyimakök, me ûca ûnyi oge me ca wek.

Daniela 5:8

Ke ame o but tavat metâ hia anyin than: ke ca khanʼ ödrin he ka aû hna sihnalimen, me omananâ bongon ka than.