Isaia 41:27 - Iaai Bible 1901 (New Caledonia)

²⁷ Oge ma bok ka ha kö Ziona, ka habe, Wâ bi, wâ bi ödra; ke oge me he ka ham kö Jerusalema at ame he ka hom ûthumetu ae so.

Isaia 41:27 ပူးပေါင်းရင်းမြစ်များ

Isaia 40:9

At ame omanenâ ûthumetu ae so kö Ziona lö, ölö thö ka hnyi bucen ae beû gorany; at ame omanenâ ûthumetu ae so kö Jerusalema lö, fuc hwege thö; fuc hwege thö goranyai ca ot bi; ha thö ka je tauniny Juda, ka habe, Wâ bi, Khongubun!

Isaia 41:4

Ia mâdrâ me ânyâ e, ame hawâ je dö ûnyi hnyi can? Inya Iehova at a bân me biliny, inya thibi e.

Isaia 43:10

Öbun tavat ohnathu nya, haingö Iehova, ke athnyabaik waleji oge me ûca: me me khanʼ öbun me labageju könya, me wâ ûnykûme a inya thibi; e ba ke Khong a ban ke bilik bi, ke haba khaca, me ba ke at hnyi hwabök.

Isaia 44:28

at ame ha ga Koreso, ka habe, At tuö mamoe hobi könya, e ame he ka ânyâ hia: e ame he bi ka ha ge Jerusalema, ka habe, Adre me he ka up vetoiny; e ame he ka ha ge uma kap, ka habe, adre me ke ka bi trobâm.

Isaia 44:6

Walang hna ha hnö Iehova, Tuhö Isaraela, me at ûco anyin möt, wale Iehova tuhan sabaoth: inya ang at a bân, me a biliny; ke ba ju ke Khong ke inya thibi.

Isaia 46:9

Ûnykûme ju ta je ûnyi waleji a bân: anyin a inya Khong, ke ba minya ju; inya Khong, ke ba at ae ûcû mönya;

Isaia 48:12

Ling nya ju Jekob me Isaraela waleji oge ûca: inya thibi; inya ang at a bân, ke inya minya ang at a biliny.

Isaia 48:3

Oge me bok ka ha ta je hofuc kâû adrem: eke, ame he but ûnyi hnyi hnyimök, me oge me omanenâ: oge me ie ânyâ, me adre me ohwâdâ bi.

Isaia 52:7

E so hmonyin hon je bucen li can at ame hom ûthumetu ae so, at ame haimemenâ ûsoköu, at ame hom ûthumetu ae kese, at ame haimemenâ ûhomeli; at ame ha kö Ziona, ka habe, Ame musi Khongom!

Nahuma 1:15

Wâ bi, e hon je bucen li can at ame hom uthumetu ae so, at ame haimemenâ ûsoköu! Juda lö, tuö ju ânyâm je bijeû, ke thamuâ ânyâm je khöbi: anyin ame ca he hmetu at ae kong ka vhenu u; kʼ adre hia but subâ degecâ e.

Roma 10:15

ke adre me he ka kâmâu ka khet, kʼ adre me ca kunʼ ödra bi? helâ me hna sihnalimen, ka habe, Shaiba ge soiny je li cadra adre me hom je ûthumetu ae so onyen!

Hna Omanenâ 2:8

Ke sihnalimen ju ka angela anyin ekalesia hnyi Semurina, ka habe, Walang je hofuc ame ha hnen at a bân ke a biliny, waleji a mokcu ke a möt hmetu thö.