Isaia 41:22 - Iaai Bible 1901 (New Caledonia)

²² E so adre me he ka omanenâ, me thumetu öta ge ta je ûnyi ame he ka kû: ha thʼ öbun ge bongon ta je ûnyi kâû adrem, mʼ ate me ûnykûme me wâ obiny ta je ûnyi e; ke ame ne he ka omanenâ köta ta je ûnyi ame he ka o.

Isaia 41:22 ပူးပေါင်းရင်းမြစ်များ

Isaia 41:26

Ie at ame haimemenâ e ûnyi hnyi can, me me khanʼ öta thö? me kâû adrem mʼ ate me he ka ha ka habe, E at ae wisa? eke, e ba at a haimemenâ, eke, e ba at ame omanenâ, eke, e ba at a long hobun je hofuc.

Isaia 42:9

Wa bi, a hwâdâ thö ta je ûnyi a bân, ke inya oge me omanenâ ta je ûnyi ae teb ûnyi: ke oge me bok ka omanenâ köbun, ke tiga ca kû ta je ûnyi e.

Isaia 44:7

Ke ia ame he ka hongot helâ mönya, me haimemenâ, me penapena hobi könya, hwân hnyi hnok hna ip tavat kâû adrem? ke so adre me he ka haimemenâ ta je ûnyi ame he ka o, me ta je ûnyi ame he ka aat dö.

Isaia 45:21

Haimemenâ thö, ke hakekenyâ thö; eke, e so adre me tha ûhnenamö: ia omanenâ e hwân kâû adrem? ia haimemenâ e hwân kâû ehac? hawa, ca hnok Iehova? ke ba ju ke Khong, ke hake inya ke; Khong ae wisa me at ûhomeli; ke ba ju ke at, ke inya thibi.

Isaia 45:22

Bwele ju jem könya mʼ adre me he ka omeli öbun, öbun hia thithö je can hmeledrany: anyin a inya thibi Khong ke ba minya ju ke at.

Isaia 46:10

at ame haimemenâ obiny ûnyi hnyi can, ke ame ha ehac ta je ûnyi a ödra, tiga ca ânyâ bi; kʼ ame ha, ka habe, Ame he ka tethmâ anyik musi, ke oge me he bi nya ka ânyâ hia wek:

Isaia 48:14

Ûkhacaköu thʼ öbun hia thithö me long; ie at gadra ame haimemenâ ta je ûnyi e? Iehova ame betenge gan, e ame he ka ânyâ weny ka Babulona, ke ame he benyin ka e hon at Kaledaia.

Isaia 48:3

Oge me bok ka ha ta je hofuc kâû adrem: eke, ame he but ûnyi hnyi hnyimök, me oge me omanenâ: oge me ie ânyâ, me adre me ohwâdâ bi.

Ioane 13:19

Oge me ha ang köbun ke tiga ca hwâdâ bi, hobi kâu e ka hwâdâ thö, mʼ öbun e he ka labageju a inya e.

Ioane 16:14

E ame he ka oganö nya: anyin a e ame he ka hom but ûnyi gak me omanenâ köbun.