Isaia 41:2 - Iaai Bible 1901 (New Caledonia)

² Ia oâ ke at ûheny jimeio, waleji e ame hawâ ka hnyi li can hnyi hwakecin ae wisa? e ame hna je hnyei kâu, me otilâ he ka musi hon ta je than; e ame hnʼ ödra ka hnyi anyin hele vat helâ me sesâ, me ka anyin cafana helâ me je thatûnyin hwit ame tûâ ang.

Isaia 41:2 ပူးပေါင်းရင်းမြစ်များ

Genese 11:31

Haba Tera ame hom Aberama a nokon, me Lota nöku Harana, a öbiny, me Sarai a ûngon, öiö Aberama a nokon; ke ödrin e tha he ûhedrin Ure hnyi Kaledaia ka he ka hnyi hnyei Kanana; ke ödrin e o but Karan me laba e.

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

II. Samuela 22:43

Me oge me kot omomonu ödra helâ me sesâiny kânâ, Oge uti ödrin helâ me hmudrainy je gethen, me ulili ödra.

II. Je Than 13:7

Ke e ame ca hna tavat kö Johoaza, ke so bi ödrin fifte thibi a tavat tabô hors, ke ten je kariota, ke ten thauzan tavat he hon kânâ; anyin a than Suria ame ohiʼ ödrin, me wiʼ ödrin me me helâ me sesâ adre me uto.

II. Man Ûlabainy Je Than. 36:23

Walang hna ha hnö Koreso than Peresi, ka habe, Haba Iehova Khongon drany ame hia but ham könya ta je dokhu hia thithö eang hmeledrany; ke e ame hia but hûna könya he ka op ke uma hobi kâu hnyi Jerusalema, wale hnyi hnyei Juda. Haba tavat hia unyibun a hanen je lakeiny hia, e so e ame he thö kâe, me ame he Iehova a Khongon ka tha e mē.

Ezera 1:2

Walang hna ha hnö Koreso than Peresi, ka habe, A hia but ham könya ga Iehova Khongon dran ta je dokhu hia eang hmelen; ke a hia but hûna könya he ka op umen uma hnyi Jerusalema, wale hnyi hnyei Juda.

Isaia 40:24

Eke, adre me tiga ca te ödra, kʼ adre me tiga ca konim ödra; eke e tiga ca hu wân anyidra hnyiban eû hnyi kânâ; me e ame tûʼ ödra, me adre me meleca thö, ke haba weneû ame tûâ degeci ödra helâ me thatûnyin hwit.

Isaia 41:25

O ge hia but oâ ke at ûheny hnyi hwadro, ke e ame he jem; ke ûheny hnyi hna o hnen seûno, oge me oâ ke at ame hawâ iök: e ame he ka je than helâ me hna dâ dröu, ke helâ me at ame op kaia ame ututo kânâ ae kece.

Isaia 41:3

E ame hnu hotudra, me he so; waleji hnyi gethen e ame tiga ca vheno ge li can.

Isaia 42:6

haba inya Iehova, oge hia but hawo u hnyi wisa, ke oge me he ka kât benyâm, me tuö u, me hnö u hnân I ûhihinyköu me tavat hnân melaminy ta je Ethen;

Isaia 45:1

WALANG hna ha hnö Iehova kö Koreso, a at e ame hû, at oge me kât hnyamen a metân he ka hom ûhnyûkongoâ je hnyei hnyi hnyimakan, ke oge me he ka thang wen hnyin je than; he ka khong je hlinginy hnyi hnyimakan, kʼ adre me ca he ka hlöng je homagöule;

Isaia 45:13

Oge hia but oâ at e hnyi wisa, ke oge me he ka owisa deny je gethen hia, e ame he ka op anyik taun, me hna ta je atök a je hwenbâ, ke ca ge hwaban ke ca ge bwihlany, ame ha Iehova tuhan sabaoth.

Isaia 46:11

at ame hawâ meno ame gâ ae behan ûheny jimeio, ûheny hnyi hnyei ae sâkâû, waleji at oge me ûsabö mē; eke, oge hia but ha, me oge me he ka ohwâdâ e; oge hia but ip hnyi hnyekuk, me oge me he bi ka ânyâ.

Isaia 48:15

Inya, inya at ame ha; eke, oge hia but hawâ e: oge hia but hom e, ke e ame bi sot hnyi deny bi gethen.

Je tenge anyi Jeremi 1:15

Haba Than ame hia but hûkotiâ anyik tavat hwege hia unyik; E ame hia but hawâ ûcûk ûkhacaköu ae ûnyi hnathu he ka oamamâ je wahidröu unyik: Than ame hia but ututo hlu, wale hluiny Juda hnyi hna hlec wan vine.

Heberu 7:1

ANYIN a haba Melekisedek eang, tuhan Salema, at bihut ka Khong ae Beönua, at ame ûkhanö me Aberahama ûheny hnyi hna kot je than, me ame ha hnahicâ e,

Hna Omanenâ 16:12

Ke haba at a siksiny ame hingâlâ anyin kaia ka hnyi wagewe ae gan Euferate; me ame hme thö köiö, mʼ adre me he ka penapena ke gethen deny je than ûhedra e jimeyo.

Hna Omanenâ 7:2

Ke inya oge me wâ ke angela ame o jimeyö, ke e unyin hna ohmâ haten anyin Khong ae möt: ke e ame hongot ge ifucin ae gan ka je angela a vak waleji adre ham ködrin he ka okongo hmeledrany me köiö,