Isaia 41:19 - Iaai Bible 1901 (New Caledonia)

¹⁹ Oge me he ka tä ta je arasi hnyi hnyebuba, ke je ohum, ke adasi, ke ûö hnân wakaco; oge me he ka tha ip hnyi hnyei baga kop, ke tidera, ke tasura:

Isaia 41:19 ပူးပေါင်းရင်းမြစ်များ

Isaia 27:6

Hnyi ûen ame he ka o me ame he Jekob ka hu iwân; kʼ ame he Isaraela ka vhei me vhong: kʼ ödru me he ka ounöngötâ hon hmeledrany ge ta je wan ûö.

Isaia 32:15

ke ne o but adre me hingâlâ huta hanu ûnyi ethö, kʼ ame he ka hnyei belök hnyebuba, kʼ adre me he ka aû hnyei belök me hnyot bi.

Isaia 35:1

AME he hnyebuba me dok ae atgec ka senyin; kʼ ame he hnyot ka hobâ me vhong helâ me obedila.

Isaia 43:19

Wâ bi, oge me he ka ânyâ ûnyi a teb ûnyi; kʼ ame he ka kû walang ang; ame ca he ka khanʼ öbun e? Oge me he ka bi gethen hnyi hnyebuba, me bi wagewe hnyi hnyei baga.

Isaia 51:3

Anyin ame hia but Iehova otubweli Ziona; e ame hia but otubwelâ je dok hia thithö unyin ae ba wan, me wia hnyebubainy me me ûcû me Edena, me iny hnyei baga me me helâ me hna belök hnö Iehova; adre me he ka wâ hnyin e senyin me hobâ, me ole, me hwan khumöng.

Isaia 55:13

Ame he ka kû kop hwaban watetaföcö, ke ame he ka kû adasi hwaban iwadekong: ke e ame he ka hnân ien kö Iehova, me hnân haten nyiele balua, ke adre me ca he ka subâ degecâ.

Isaia 60:13

Ame he ka o köu hmanenanginy Lebanona, wale kop, me tidera, me tasura; hnân he ka ohmanenangâ anyik dok ae kap, ke oge me he bi nya ka ohmanenangâ e a hnen li cak.

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Isaia 61:11

Anyin a kânâ ame okûâ je vongon, ke ta hnyei ame okûâ je hatong adre me tä hnyin; helâe minya ame he Iehova ka okûâ kwakecin ae wisa me ogânâ hnyi hnyimakan ta je hnyei hia thithö.

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Ezekiela 47:12

Ke haba hnyi li baten wagewe hnyi ke keihen me ke keihen me ame he ka kû ta je ûö hia hnân an wan, ae ca meleca lan ke ca ba wan: ame he ka wa wan ae teb ûnyi hnyi je tehi hia, anyin ame hingölö köiö ûnyi hnyi dok ae kap; ke hnân an je wan, ke hnân bubuny je lan.

Hosea 14:8

Ame he Eferaima ka ha, ka habe, Hnân eû hmetu könya je idola? oge hia but thu kâu ke oge me he ka wâ e: iny helâ me köp ae hât; adre me he ka wâ gak wan gam.

Zakaria 1:8

Oge me wâ hnyi hnyinghet, ke wâ bi at ame tabâ hors ae dra, ke e ame tot hnyi wanben je ûö adasi hnyi dok ae hwaelu; ke hwaban e je hors ae dra, ke hngingidra, ke hau.