Isaia 41:18 - Iaai Bible 1901 (New Caledonia)

¹⁸ Oge me he ka oâ je wagewe hon je bucen ae ba leûnen, ke je hna pupua köiö hnyi je hnyigöulen je bucen: oge me he ka wia hnyebuba me me köiö, ke hnyei ae hwahwacit me me je an ame pupua.

Isaia 41:18 ပူးပေါင်းရင်းမြစ်များ

Salamo 104:10

E ame kunâ ta je pupua ka hnyi je hnyigöulen bucen; Kʼ ame hingölö wanben je bucen.

Salamo 105:41

E ame khong ut kic, me ame badedö but köiö; Me di ka hnyi je dok ae atgec helâ me wagewe.

Salamo 107:35

E ame wia hnyebuba me me an, Me kânâ ae mada me me je pupuainy köiö.

Salamo 126:4

Iehova lö, hmetu ju kohmun ta je bâ, Helâ me ta je wekhet hnyi Hwaiöu.

Salamo 46:4

E hu wagewe, kʼ ame osenyinâ taun anyin Khong ge je wadutö a ûnyi gan, Wale dok ae kap a hnen je uma mano umen Beönua.

Isaia 12:3

Anyin a wale öbun e he ka se köiö me senyin ûnyi hnyi je pupuainy möt.

Isaia 30:25

Ke ame he ka e bi hnyi hon ban ta je bucen hia ae beû goranyai, me je hut hia ae gorany, je wagewe me je köiö ame di, hnyi bonginy ûhlingö ae gan hmâ, e ka ta but je tap ae beû goranyai.

Isaia 32:2

Ke ame he at ka helâ me hna lubaduöng ge ang, ke nedrong ge weneû; helâ me je di hnyi dok ae hwahwacit, helâ mē dok ae hmenu hnyi kic ae gan hnyi hnyei ae sēnyin.

Isaia 33:21

Anyin ame he ka e bi eling: Iehova hnyi anyin hmanenang, wale dok ae hu je wagewe ae lau me je di; ke ame ca he hnyin je galu adre me galo, ke ame ca kec eling hu ae gan.

Isaia 35:1

AME he hnyebuba me dok ae atgec ka senyin; kʼ ame he hnyot ka hobâ me vhong helâ me obedila.

Isaia 44:3

Anyin oge me he ka hingâlâ köiö hon at ame beic, me je wagewe hon dok ae hwahwacit: oge me he ka hingâlâ hanuk hon je mâtrânâm, me hnahicik hon tavat adre me o ûnyi gam:

Isaia 48:21

Ke adre me ca beic hnyi ûen e ame su ödra hnyi hnyebuba: e ame oi köiö ûnyi hnyi kic hobi kodra: kʼ ame so kic me ame patrutrua but köiö.

Isaia 58:11

ke ame he bala bi Iehova ka su u, me osekuni u hnyi je dok ae atgec, me ohwegiâ je jeien unyâm; ke u me he ka helâ me hna belök adre hû, ke helâ me an ame ca hme bi köien.

Isaia 65:13

Anyin a wale, walang hna ha hnen Than Iehova, Wâ bi, ame he je athnyabaik ka han, ke öbun e he bi öbun ka mekihnânem: wâ bi, ame he je athnyabaik ka ic, ke öbun e he bi öbun ka beic: wâ bi ame he je athnyabaik ka senyin, ke öbun e he bi öbun ka hmehma:

Joela 3:18

Ke haba hnyi ûen eling ame he ta je bucen ka khukhula ge waina ae hnebwia, ke ame he je hut ka di ge debai, ke ame he ka khukhutu köien je wagewe Juda; ke ame he pupua ka o ûnyi hnyi uma umo Iehova, me hû hnyigöulen bucen Sitima.

Zakaria 14:8

Ke haba hnyi bong eling ame he ka di köiö möt ûheny Jerusalema; ame he ka di hanen ka hnyi köiö e deiö, ke ke hanen ka hnyi köiö e jio: ame he ka e bi hnyi honivakeny me hnyeun.

Hna Omanenâ 22:1

KE e ame omanenâ könya wagewiny köiö möt ae alai helâ me uselat, ame di hnyi theron anyin Khong me Arenio,

Hna Omanenâ 7:17

anyin ame he Arenio ka hat ödra, waleji a e hnyi wanben theron, ke e ame he ka lili ödra ka hnyi köiöiny möt ame pupua: ke ame be Khong ka kot degecâ ta je deköiö hia ûnyi hnyi ta je emaködra.

Owisa 15:19

Me haba Khong ame kia thop a e hnyi Lehi, me ame o köiö ûnyi hnyin: ke e ame ic me ame o hmetu hanon me me möt bi: anyin a wale adre hwenyi ien e me Eni-hakore, ke e hnyi Lehi ke ne o but hnyi bong ang.