Isaia 41:15 - Iaai Bible 1901 (New Caledonia)

¹⁵ Wâ bi, oge me he ka wiö u hnân huje hwit ae so hwan a teb ûnyi ke hu nyon: mʼ u me he ka kokot je bucen me me ûhnyûkong ju, ke u me he ka wia je hut me me helâ me unen hwit.

Isaia 41:15 ပူးပေါင်းရင်းမြစ်များ

Jobu 41:30

Eû hnyi hmelen helâ me je ec watagi ae so homakan: E ame lau helâ me ûnyi hnân kokot hwit hnyi hon hmudra.

Salamo 18:42

Me oge me kot omomonu ödra helâ me sesâ hnyi hnyimakan ang: Oge me kot degeci ödra helâ me hmudrainy gethen.

Isaia 17:13

Ame he je hnyei ka wadring helâ me wekhetiny je köiö ae se hia: ke e ame he ka thawʼ ödra, mʼ adre me kec sâkâû ai, ke adre me he ka hnu ödra helâ me unen hwit hon je bucen ge ang, ke helâ me thatûnyi ge hon.

Isaia 21:10

Ekölö gam hnok hna kokot, me hwit hnyi anyik om hani: oge hia but omanenâ köbun hnok hna long ga Iehova tuhan sabaoth, Khongu Isaraela.

Isaia 28:27

Anyin adre me ca uja kesaka ge ûnyi ae so homakan, kʼ adre me ca wia waengeniny kat hon komina; ke adre me kokot kesaka ge uci, kʼ adre kokot komina ge ong uto.

Isaia 29:5

Ke ame he ka ûcû me sesâ ame gâ ûganiny je iwahnaihmiony möu, ke ame he ka helâ me unen hwit ame oû ang ûseiny tavat ae hwege hnyimakodra: eke, e ame he ka ie o helâ me thuthubademak.

Isaia 42:15

Oge me he ka oba wan je bucen me je hut, ke omeleca anyidra ta je khölak; ke oge me he ka wia ta je wagewe me me je bomene bi, ke oge me he ka ohmö je an.

Isaia 64:1

ÖU he ju ka kia but drany, me utut, me me badedö but je bucen hnyi hnyimâkâm;

Jeremia 51:20

U anyik utöhmu me anyik ûnyi hnân vat: oge me he ka hum u hnân he ka thö oamamâ je hnyei; me ohia je dokhu;

Jeremia 51:33

Anyin a walang hna ha hnö Iehova tuhan sabaoth, a Khongu Isaraela, ka habe, Haba hluiny Babulona, me helâ me hna huje hwit hnyi ûen adre me ututo e; ke meokhaca me ameʼ he ka o but kâu ûen menu.

Jeremia 9:10

Oge me he ka tenge thungaû can ta je bucen, me khumöng tenge can ta je dok a je sajilat hnyi hnyebuba, anyin adre thong degecâ thö, me me ca vheno hnen at; ke ca khana tavat he ka long hwan je meno; ame tha hia but je meno ame gâ ethö me je menoiny hnyok

Ezekiela 33:28

Ke oge me he ka oba wan hnyei me me hnân lâiâ, kʼ ame he ka um dö hmanenanginy maniny man; kʼ ame he ka ba wan je bucen Isaraela, ke ba at ame he ka vheno.

Daniela 2:35

Me ame tha omomonu but fao, me kânâ kece, me bras, me sileva, me gol, me helâ me unen hwit hnyi hna huje hwit hnyi honivakeny; ke haba ang ame tûâ degecâ, ke ba hmetu bi hnen: ke haba veto, at ame kot hnatheat, me e ame wia me bucen ae gan hmâ, me ame öunöngötâ hmeledrany hia.

Mika 4:13

Todrö, huje, u hluiny Ziona: anyin oge me he ka wia ânyâm fao meno me me fao bi, ke oge me he ka wia je boûjimen je bacam me me bras: mʼ u me he ka kot omomono je hnyei ae se: ke u me he ka ham kö Iehova hnödra je hna söh, ke je omjehedra ka Thaniny hmeledrany hia.

Mika 5:8

Ke ame he ka e bi kolon ga Jekob unyin ta je hnyei, hnyi wanben tavat ae se hia, helâ me liona unyin je menoiny hnyot, helâ me nak liona hnyi wanben je hnahat mamoe: wale, ame ne he wanben, e ame he ka uto, me oloû kia, ke ba at ame he ka hûgûnâ.

Habakuka 3:12

U je vheno hnyei hnyi hmonyin, U je uto je tavat hnyi wathethot.

Zakaria 4:7

U ie at, bucen ae gan? u me he bi ka helâ me dok ae tha hon hnyi hnyimakö Zerubabela: ke e ame he ka hom je veto hnân oumo, me hongot, ka habe, Ibetengiö bâu, ibetengiö baû unyin e.

Josua 17:18

kʼ ame he ka em hnyei bi bucen; kʼ ame ne hnyot, me u ma he ka khutu, ke hobi köu bi obiny: anyin a u me he ka obâ at Kanana, eja ke ne a ne hu je kariota fao, ke eja ke ne ödrin e hwege.

Owisa 6:16

Haba Iehova ame ha kâu ka habe, Oge me he ka tha e möu, ke u me he ka kot at Midiana helâ me at a khaca.