Isaia 41:13 - Iaai Bible 1901 (New Caledonia)

¹³ Anyin a inya Iehova Khongom oge me he ka kat benyâm a metâm, me ba köu, ka habe, Ca ot; oge me he bi nya ka hadruo u.

Isaia 41:13 ပူးပေါင်းရင်းမြစ်များ

Salamo 109:31

Anyin a e ame he ka tot hnyi hnyamen a metân at ae ba ta ûnyi, He ka omelo e ûnyi ge tavat adre me he ka owisa hanon.

Salamo 118:7

Hiök Iehova e unyin tavat adre me hadruo nya: Anyin a wale oge me he ka wâ wek ge tavat adre hûkötiö nya.

Salamo 63:8

Ame hwege he hanuk hotom: Haba at ame ci nya, me, hnyamâm a metâm.

Salamo 73:23

Ke so bi inya bala bi unyâm: U je kât hnyamok a metök.

Esodo 14:13

Ke haba Mose ame ha ka tavat, ka habe, Ca ot, tot ju, me wâ ûhomeli anyi Iehova, wale ame he ka ânyâ hobi köbun hnyi bong ang: anyin a haba at Aigupito öbun e wâ hnyi bong ang, me öbun e ca he ka wâ hmetu nyiele balua.

Esodo 20:20

Ke haba Mose ame ha ka tavat, ka habe, Ca ot bi: anyin a o but Khong me me cubic öbun, mʼ öbun e he ka outen e, mʼ öbun e ca he ka monu.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 42:6

haba inya Iehova, oge hia but hawo u hnyi wisa, ke oge me he ka kât benyâm, me tuö u, me hnö u hnân I ûhihinyköu me tavat hnân melaminy ta je Ethen;

Isaia 43:6

oge me he ka ha ka ke keihen hwadro, ka habe, Hna but; ke ka ke keihen hwaiöu, Ca behânâ bi; hom but lakuk obaga ûhedra sâkâû, ke lakuk wahlu ûnyi hnyi je can hmeledrany;

Isaia 45:1

WALANG hna ha hnö Iehova kö Koreso, a at e ame hû, at oge me kât hnyamen a metân he ka hom ûhnyûkongoâ je hnyei hnyi hnyimakan, ke oge me he ka thang wen hnyin je than; he ka khong je hlinginy hnyi hnyimakan, kʼ adre me ca he ka hlöng je homagöule;

Isaia 51:18

E ba at ame he ka su tilâ e wale unyin je lakon hia e ame hnokoâ; ke ba at ame hom hnyamen wale unyin je lakon hia e ame hat.

Jeremia 30:10

Anyin a wale Jekob lö, athnyabaik, ca ot, haingö Iehova; ke Isaraela lö, ca hlohlo bi: anyin a wâ bi, oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji adre hwenbʼ ödra hnyin; ke ame he Jekob ka hmetu me menâ, me laba hnahic, ke ba at ame he ka ootâ e.

Jeremia 46:27

Ke haba u Jekob a athnyabaik, ca ot bi, me Isaraela, ca hlohlo bi: anyin a wâ bi oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji oge hum ödra ka hnyin; ke ame he Jekob ka hmetu, me laba so me menâ, ke ba hmetu bi at ame he ka ootâ e.

Hagai 2:5

hoton hofuc oge me ûhi-hinyköuâ mʼ öbun hnyi ûen öbun e he but ûhebun Aigupito, kʼ ame laba hanuk unyibun: ca ot bi öbun.

II. Timoteo 4:17

Ke so bi ame tha tot mönya Than, me ham könya man; me me he ka ti manen dut gak hna khetâ hofuc, me me löng hia Aten ta je hnyei: ke iny möt bi ûnyi hnyi hnyimen liona.