Isaia 41:11 - Iaai Bible 1901 (New Caledonia)

¹¹ Wâ bi, adre me i he ka hmehma me hlohlo ödra hia thithö adre me hmönyidra köu: ke haba tavat adre me ivino möu me adre me he ka helâ me ba kʼ adre me he ka hia but.

Isaia 41:11 ပူးပေါင်းရင်းမြစ်များ

Esodo 11:8

Kʼ ame he lathnyabaem hia eang ka he könya, me nom ju könya, me habe, He thö me tavat hia adre me hnu hotom: ke hwaban e oge me he ka he. Ke e ame he ûheny unyi Farao me hmönyin ae gan hmâ.

Esodo 12:29

Ke haba hnyi wanbenset Iehova ame kot ta je atö hia thithö hnyi hnyei Aigupito, hwân ge atö noku Farao a tabâ anyin theron, ke ne o but ka je atö lakon je bâ hnyi uma ceat; me je atö lakon je meno hia.

Esodo 23:22

Ke u ka he ka löng hoton hwan hofuc, me ânyâ hia hnök hna ha; me oge me he ka iwahnaihmiony me je iwahnaihmiony möu, me ivinö me at ame ivinö möu.

Isaia 17:13

Ame he je hnyei ka wadring helâ me wekhetiny je köiö ae se hia: ke e ame he ka thawʼ ödra, mʼ adre me kec sâkâû ai, ke adre me he ka hnu ödra helâ me unen hwit hon je bucen ge ang, ke helâ me thatûnyi ge hon.

Isaia 29:5

Ke ame he ka ûcû me sesâ ame gâ ûganiny je iwahnaihmiony möu, ke ame he ka helâ me unen hwit ame oû ang ûseiny tavat ae hwege hnyimakodra: eke, e ame he ka ie o helâ me thuthubademak.

Isaia 29:7

Ke ame he ka helâ me bwi me hna omanenâ hnyi lit ûseiny je hnyei hia, tavat adre me vat me Ariela, tavat adre me vat mē me je singiny, me tavat adre me hlec e.

Isaia 29:8

Ke ame he ka helâ me at ae mekihnânem ame bwi, ke wâ bi, e ame han; ke e ame hmak dö, ke mekihnânem bi: ke helâ me at ae beic ame bwi, ke wâ bi e ame ic; ke e ame hmak dö, me wâ bi, e sēnyin bi, ke beic: ke ame he ka helâe ûseiny je hnyei hia tavat adre me vat me bucen Ziona.

Isaia 34:12

Adre me he ka hawâ tavat ae beönua he ka musi, ke ba at eling; ke ame he ka ûnyi baû hia je thaniny.

Isaia 40:17

Haba ta je hnyei hia, me helâke ba hnyi hnyimakan; ke ti ba me ba onyen hnyi ûnykûmenen.

Isaia 40:2

Ha thö hofuc ae kaukahwa kö Jerusalema, ke hongot dö kâu a ga um dö bonginy vec, ke adre hia but thang degecâ anyin hulo; a hia but kap ûnyi ga Iehova hna olo bi hwaban anyin ta je hulo hia.

Isaia 41:24

Wâ bi, öbun ti ba, ke ti ba onyen anyibun huliwa: e ikiki at ame ûcʼ öbun.

Isaia 41:29

Wâ bi, ödra hia, e ûnyi baû me ba onyen anyidra je huliwa: ang thibi, me monu but anyidra ta je hnatheat adre okoiâ.

Isaia 45:24

Ame he ka ha könya ke at, ka habe, E hu but gak thibi ûnyi ga Iehova wisa me hwege: ame he ka o tavat kâu, ke adre me he ka hmehma, waleji tavat adre me hmönyidra kâu.

Isaia 49:25

Ke so bi, walang hna ha hnö Iehova, ka habe, Adre me he ka hûgûnâ je bâ unyin tavat ae hwege, ke adre me he ka hna but hna söh hnen tavat ae hwege hnyimen: anyin a oge me he ka ivino me at ame ivino möu, ke oge me he ka omelo ta je lakom.

Isaia 49:26

Ke oge me he bi nya ka han tavat ge hing vidra a ödra adre me oveci u; kʼ adre me he ka monu ge hing drödra bi, helâke me hnen waina ae hnebwia: ke ame he tavat hia ka khanʼ ödra a inya Iehova, at ame omeli u, me at ame ûcû melâm, a Man mani Jekob.

Isaia 54:15

Eja ke ne adre ne ûkhacaköu, ke ca ûnyi bi gak: haba tavat adre me ûkhacaköu he ka vat möu, adre me he bi ka ta, can bi u.

Isaia 54:17

E ba ûnyi adre ânyâ hnân vat möu ame he ka ton; ke haba ta je bohmen hia thithö tavat adre me he ka tot ka ivino möu hnyi hna owisa, u me he ka haikongoâ. Wale jekhon je athnyabai Iehova, me hwakecidra ae wisa ûnyi gak, haingö Iehova.

Jeremia 12:17

Ke adre ne ca he ka löng, me oge me he ka oc degecâ, me ohia hnyei eling haingö Iehova.

Jeremia 2:3

E kap Isaraela kö Iehova, wan a bân hnyi troban hnyei: adre me ha hnaûhangöâ tavat adre me utâ e; ame he ka o ûnyi ae kong kodra, haingö Iehova.

Daniela 4:35

kʼ ame ûnykûme a helâ me thatûnyi tavat adre me labâ hia hmeledrany: ke e ame ânyâ hoton weny unyin je köiöiny drany, ke tavat adre me labâ hmeledrany; ke ba at ame he ka thawâ hnyamen me ba kâu ka habe, Ieû u me ânyâ?

Zakaria 12:3

Ke hnyi ûen eling oge me he ka wia Jerusalema hnân veto ae hmak ka tavat hia; haba tavat adre me ka kap goranyai, me adre me he ka aat bi; ke ame he ka ûkhacaköu ûcon ta je hnyeiny hia hmeledrany.

Ta je huliwa 16:39

me ödrin e he but me bi so ködru; ke a hia but hum ödru hnyöu ai, me ödrin e sumat ödru he ka he but ûnyi hnyi taun.

Hna Omanenâ 3:9

Wâ bi, oge me he ka ham keihen hanen sunago anyi Satana, wale a tavat adre me ha, ka habe, Ödra tavat Juda, ke ba bi, kʼ adre me thoi; wâ bi, oge me he ka wiʼ ödra, mʼ adre me he but jem he ka khudrung hnyi hmelen li cam, ke adre me he ka khana a oge me hia but betenge gam.