Isaia 41:10 - Iaai Bible 1901 (New Caledonia)

¹⁰ awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 41:10 ပူးပေါင်းရင်းမြစ်များ

Genese 15:1

HWABAN ta je ûnyi e ame o thö hofuc ho Iehova kö Aberama hnyi hna omanenâ, haingen, ka habe, Aberama lö, ca ot: inya ang becâm, me troban hobi köu ae ti gan hmâ.

Genese 26:24

Ke Iehova ame manen dut kâu hnyi hnyinghet eling, me ha, ka habe, Inya Khongu Aberahama a kâmâm: ca ot, anyin a tha inya möu, ke oge me he ka ohnahici u, me osehia ta je mâtrânâm can athnyabaik a Aberahama.

Genese 31:5

me haingen ködru, ka habe, Oge wâ but hnyimakan kamöbu a ca helâ hmetu ehac könya; ke so bi a hia but tha e mönya Khongu cica.

Genese 49:24

Ke hwege balua anyin cafana, Kʼ adre ohwegiâ li hnyamen me li benyin, Unyi ge li hnyamen thani Jekob, (Ûheny e at tuö mamoe, wale veto anyi Isaraela,)

II. Samuela 22:19

Adre me o könya hnyi bonginy anyik vec: Ke Iehova cik.

I. Man Ûlabainy Je Than. 12:18

Me haba hanu ame o kö Amasai wale taben thote, haingen, ka habe, Davita lö, ohmun je atâm, me je lahiâm, nöku Jese lö: ûsoköu, ûsoköu köu, me ûsoköu ka tavat adre me hadruo u, anyin a Khongom ame hadruo u. Haba Davita ame kop ödrin me otilʼ ödrin hnân je taben vat.

II. Man Ûlabainy Je Than. 20:17

E ca ûnyi hnathu köbun he ka vat eling: tot metâ ju, me todru, me wâ ûhomeli anyi Iehova hobi köbun a at Juda me Jerusalema: ca ot bi, me ca öbubuny: he thʼ öbun ködrin nyi: anyin a tha Iehova möbun.

II. Man Ûlabainy Je Than. 32:8

haba e unyin, me benyin at; ke unyitin Iehova Khongutin he ka hadruʼ otin, me vâtâ anyitin je vat. Ke haba tavat me adre me labageju ka hofuc ho Hezekia than Juda.

Salamo 144:11

Omeli nya me hûgûnö nya ûnyi hnyi hnyamen ta je atkanyua, Hnyat adre me fuc baû ge je hnyimödra. Ke haba je hnyamödra a metödra, me, uthumetu ae thoi.

Salamo 144:8

Hnyat adre me fuc baû ge je hnyimödra, Ke haba je hnyamödra a metödra, me, ûthumetu ae thoi.

Salamo 145:14

Iehova ame cö tavat hia adre me ta, Me otilâ wisa tavat hia adre me iyâû.

Salamo 147:12

Jerusalema lö, oganö Iehova thö: Ziona lö, ogânâ thö Khongom.

Salamo 18:36

U je ogânâ hnok je hna okca hmelik, Kʼ ame ca haûhaû li hnyeûcak.

Salamo 27:1

IEHOVA melamik me at ame omeli nya; oge ma outö ia? Iehova tang hwegien anyik möt; ia oge ma outen?

Salamo 29:11

Ame he Iehova ka ham hwege ka lakeiny; Ame he Iehova ka ohnahicâ lakeiny ge ûsoköu.

Salamo 33:12

Hnahic hnen hnyei a Iehova Khongon; A tavat e ame ûca hnân hing jekhon.

Salamo 37:17

Anyin adre me he ka thu je benyin tavat ae kong: Ke haba Iehova ame cö tavat ae wisa.

Salamo 37:24

Kʼ ame ne he bi ka ta, me ame ca he ka ta kong: Anyin a Iehova ame kât ge hnyamen.

Salamo 41:12

Ke haba inya, me u je ci nya hnyi hwakecik ae hnathu, Me otilö nya hnyi hnyimâkâm nyiele balua.

Salamo 46:11

Tha e mota Iehova tuhan sabaoth; Hnöta hnabâ Khongu Jekob. [Sela.

Salamo 46:7

Iehova tuhan sabaoth ame laba unyita! Khongu Jekob hnöta hnabâ [Sela.

Salamo 63:8

Ame hwege he hanuk hotom: Haba at ame ci nya, me, hnyamâm a metâm.

Salamo 65:5

Khong lö, at ame omeli ohmun, U me he ka thu kohmun ge ta je ûnyi hnân outen hnyi hwakecin ae wisa. U thibi at adre me labageju kâu ke ne o but hnyi je can hmeledrany, Me hnyi köiö hnyi dok ae sâkâû:

Salamo 99:4

Ke haba hwegien than me ame hnyok ka hna owisa; U je otethmâ hnathu, U je mâdrâ hna owisa me wisa unyi Jekob.

Esodo 14:13

Ke haba Mose ame ha ka tavat, ka habe, Ca ot, tot ju, me wâ ûhomeli anyi Iehova, wale ame he ka ânyâ hobi köbun hnyi bong ang: anyin a haba at Aigupito öbun e wâ hnyi bong ang, me öbun e ca he ka wâ hmetu nyiele balua.

Esodo 20:20

Ke haba Mose ame ha ka tavat, ka habe, Ca ot bi: anyin a o but Khong me me cubic öbun, mʼ öbun e he ka outen e, mʼ öbun e ca he ka monu.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 35:4

Ha thö kodra tavat ae sēnyin hnyok, ka habe, Hwege thö, ca ot bi: wâ bi, ame he ka o Khongubun tha e me hwaban, ame he Khong ka bi hwaban; e ame he ka o me omeli öbun.

Isaia 37:6

Ke ame ha Isaia ködrin, ka habe, Öbun e he ka ha helâng ka tuhöbun, ka habe, Walang hofuc ho Iehova, ka habe, Ca he ka outen hofuc u je long, waleji hnen athnyabainy than Asuria hna haikongu nya.

Isaia 43:5

Ca ot bi, anyin a tha inya möu: oge me he ka hom ta je mâtrânâm ûheny jimeio, me ûkhaca-köuö u ûheny jimeû;

Isaia 44:2

walang hna ha hnö Iehova at a huliwön u, at a up u hwân hnyi hnyekon hinyâm, at ame he ka hadruo u, ame ha, ka habe, Ca ot bi, Jekob a athnyabaik; me u Jesuruna, waleji oge ûca.

Isaia 49:8

Walang hna ha hnö Iehova, ka habe, Oge me thu köu hnyi ûen ae ûcû, ke oge me hadruo u hnyi bonginy möt: ke oge me he bi nya ka tuö u, me hnö u hnân ûhihinyköu me tavat, he ka ogöranyâ hnyei, me olabʼ ödra hnyi hnyei ae ba aten:

Isaia 50:9

Wâ bi, ame he Than Iehova ka hadruo nya; ie at ame he ka haikongu nya wâ bi adre me he hia thithö ka amam helâ me ûkhaû; ame he walelaba ka ön ödra.

Isaia 52:7

E so hmonyin hon je bucen li can at ame hom ûthumetu ae so, at ame haimemenâ ûsoköu, at ame hom ûthumetu ae kese, at ame haimemenâ ûhomeli; at ame ha kö Ziona, ka habe, Ame musi Khongom!

Isaia 60:19

Ame ca he hmetu seûno ka hnân melamâm hnyi lany; ke ame ca he ka omelami u ge melaminy tehi: kʼ ame he Iehova ka olanyi u nyiele balua, ke Khongom a mecâm.

Je tenge anyi Jeremi 3:57

U je hakekenyâ hnyi bong oge me hao u hnyin: u je ha, ka habe, Ca ot bi,

Daniela 10:12

Ke haingen könya, ka habe, Daniela lö, ca ot bi; anyin a hwân hnyi bong a bân, waleji a mou hnyin hnyekom he ka wâhmakhmeto, me hom ûhnyûkongu u hnyi hnyimakan Khongom, adre long ut ifucâm: ke oge me o but ang ûnyi ge hwâm je hofuc.

Daniela 6:16

Ke than ame hûna me adre me lili Daniela, me khûâ e ka hnyi op liona. Ke haingen than kö Daniela, ka habe, Haba Khongom, wale u je bi athnyabainy hnyi je bong, me e ame he ka omeli u.

Hosea 1:9

Ke haingö Iehova, ka habe, Hwenyi ien dö, me Lo-ami; anyin a ca lakeik ut öbun, me oge me ca he bi nya ka Khongubun.

Hagai 1:13

Me haba Hagai, me ûthumetu anyi Iehova hnyi hofuc ho Iehova, me e ame ha, ka habe, Tha inya but möbun haingö Iehova.

Hagai 2:5

hoton hofuc oge me ûhi-hinyköuâ mʼ öbun hnyi ûen öbun e he but ûhebun Aigupito, kʼ ame laba hanuk unyibun: ca ot bi öbun.

Zakaria 10:12

Ke oge me he ka ha hwegiödra ûnyi ga Iehova; ke adre me he ka ngenu ûnyi ge ien e haingö Iehova.

Zakaria 10:6

Ke oge me he ka ha hwegien lap anyi Juda, me omelö lap anyi Josefa, me ohmetu ödra, anyin oge me betenge gadra; ke adre me he ka helâ ke mʼ oge me ca digic ödra: anyin a inya Iehova Khongudrin, ke oge me he ka ling ödra.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Luka 1:13

Ke haingen angela ame ha kâu, ka habe, Zakaria lö, ca ot: anyin adre me löng hijâm hic, me ame he âiâm Elisabeth ka hnokoâ nokom, ke u me he ka hwenyi ien Ioane.

Luka 1:30

Ke haingen angela ame ha kâu, ka habe, Maria lö, ca ot: anyin a Khong ame betenge gam.

Roma 8:31

Ieû ate me he ka ha hnyi ta je ûnyi e? A ne tha hien mʼ öta Khong, ia ûcûta?

II. Korinito 12:9

Ke e ame ha könya, ka habe, E ûcû köu anyik ibetengiö baû: anyin adre obekhötâ manik man hnyi sēnyin. Anyin a wale oge me sēnyin gan hmâ he ka hobeluâ hnyi anyik je sënyin, me me tubi nya hnen man manin Keriso.

Efeso 3:16

me me he ka ham köbun, hoton ûganiny anyin hmanenang, he ka ohwegi öbun ge man ûnyi hnyi Hanu hnyin at eû hnyi hnyibun;

Deuteronomi 20:1

U KA he ka vat me je iwahnaihmiony mou, me wâ je hors, me je kariota, me tavat ae se hia hom, me u me ca he ka outʼ ödra: anyin a e unyâm Iehova Khongom, a at ame hum u ûheny hnyi hnyei Aigupito.

Filipi 4:13

E khanö nya he ka ânyâ ta je ûnyi hia thithö hnen at ame ohwegiö nya.

Josua 1:9

Hawa, oge ca hûna köu? Hwege thö, ke hnyok baga but; ca ot, ke ca öbubuny bi, anyin a e bi unyâm Iehova Khongom hnyi je dok u me be ka hnyin.

Owisa 6:16

Haba Iehova ame ha kâu ka habe, Oge me he ka tha e möu, ke u me he ka kot at Midiana helâ me at a khaca.