Isaia 41:1 - Iaai Bible 1901 (New Caledonia)

¹ TA je bomene lö, laba hnyibû ju hnyi hnyimakök; ke ame he ta je hnyei ka ohâtâ tang hwegeiödra: he but jem ödra, mʼ adre me fuc dö: ate me he ka ûkhacaköu me ûhnei.

Isaia 41:1 ပူးပေါင်းရင်းမြစ်များ

Jobu 38:3

Hûkâlâ ju walang ang wen hnyekom me bi baga ju; Anyin a oge me he ka hnei u, ke u ma omanenâ könya.

Salamo 46:10

Më soju, ke khanʼ öbun dö a inya thibi Khong: Oge me he ka beönua hnyi ta je hnyei, oge me he ka beönua eang hmeledrany.

Isaia 1:18

Haingö Iehova, ka habe, Ai öbun walang ang, ate me he ka tha ûsabö: eja ke ne a ne helâ me dra vec anyibun ta je hulo, me ame he ka hau bi helâ me kiona; ke ame ne dra helâ me dila, me ame he ka helâ me leûnen mamoe.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 34:1

ÖBUN ta je hnyei lö, hakekeny dö he ka long; ke öbun tavat, tevehlöng ju: e so ame he hnyei me unöngötiny ka long, me hmeledrany minya me ta je ûnyi hia ame kû hnyin.

Isaia 40:31

ke ame he tavat adre me halubahing Iehova ka ohâtâ tang hwegiödra; adre me he ka gâ goranyai ge je labenyidra helâ me aeto; adre me he ka wadring, ke adre me ca he ka mat; adre me he ka he, me ca he bi ka sēnyin.

Isaia 41:5

Haba je bomene adre me wâ me ot; haba je can hmeledrany adre me öbubuny: adre me hakekenyâ, me o.

Isaia 43:26

Oûnykûmi nya thö; ate me he ka tha ûhneiköu: ha thö hnâm hna ivino, mʼ adre me he ka haiwisai u.

Isaia 43:9

Ûkhacaköuâ thö ta je hnyei hia, me ame he tavat ka ûkhacaköu: ie at gadra ame he ka haimemenâ e, me omanenâ köta ta je ûnyi a bân? hamödra he ka hawâ tavat ohnatho, mʼ adre me he ka ohnathu ödra: ke adre me ne he ka long me ha, ka habe, E hnathu.

Isaia 48:16

Hok ju jem könya, long ju ang; oge ca fuc hnyi dok ae iyong hwân hnyi can; hnyi ûen eji, inya ling: ke walang ang Iehova Than ame kunö nya, me hanon.

Isaia 49:1

LING nya ju öbun je bomene; ke tevehlöng ju öbun ta je hnyei ae sâkâû: Iehova ame ha iök ûnyi hnyi hnyok; kʼ ame ha iök ûnyi hnyi hnyeku bai:

Isaia 50:8

E hakekeny jut at ame haiwisö nya; ie at ame he ka ivino mönya? otu me he ka tha todrö: ie at ama tot könya? e so e ame he jem könya.

Habakuka 2:20

Ke e bi Iehova hnyi hnyin umen uma ae kap: e so ame he hmeledrany hia ka laba hnyibû ju hnyi hnyimakan.

Zakaria 2:13

Tavat hia thithö lö, laba hnyibû ju hnyi hnyimakö Iehova; anyin a e ame todrö ûheny hnyi hnyaban ae kap.