Isaia 40:9 - Iaai Bible 1901 (New Caledonia)

⁹ At ame omanenâ ûthumetu ae so kö Ziona lö, ölö thö ka hnyi bucen ae beû gorany; at ame omanenâ ûthumetu ae so kö Jerusalema lö, fuc hwege thö; fuc hwege thö goranyai ca ot bi; ha thö ka je tauniny Juda, ka habe, Wâ bi, Khongubun!

Isaia 40:9 ပူးပေါင်းရင်းမြစ်များ

II. Man Ûlabainy Je Than. 13:4

Haba Abia ame tot hon bucen Zimeri, wale hnyi hnyei ae hut hnyi Eferaima me ha, ka habe, Jeroboama lö, me Isaraela hia, long ju könya;

Isaia 1:1

HNA wâ hnö Isaia nökuʼ Amosa, waleji e ame wâ ge Juda me Jerusalema, hnyi je bong bongu Uzia, me Jotham, me Ahaza, me Hezekia, a je thaniny Juda.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 25:9

Ke adre me he ka ha hnyi bong eling, ka habe, Wâ bi, Khonguta ang; ate me halubahingen, ke e ame he ka omeli öta: Iehova ang; ate me halubahingen, ate me he ka senyin me hobâ anyin ûhomeli.

Isaia 35:2

E ame he ka vhong gan hmâ me senyin ge hobâ me khumöng; adre me he ka ham kâu hmanenanginy Lebanona me mecin Karemela me Sarona: adre me he ka wâ hmanenangi Iehova, wale mec anyin Khonguta.

Isaia 41:27

Oge ma bok ka ha kö Ziona, ka habe, Wâ bi, wâ bi ödra; ke oge me he ka ham kö Jerusalema at ame he ka hom ûthumetu ae so.

Isaia 44:26

at ame ohnathoâ hofuc hwan athnyahainy, me ohwâdâ hna ûhnenamö hnen anyin je metâ; at ame ha ge Jerusalema, ka kabe, Adre me he ka labā e; haingen ge je tauniny Juda, ka habe, Adre me he, ka up veto, ke oge me he ka otilâ hmeto je hudrei:

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Isaia 51:7

Ling nya ju öbun tavat ae khanʼ öbun wisa, tavat ae hu anyik hnanyibu eû hnyi hnyekudra; ca he ju öbun ka outen hna haikongu öbun ge at, ke ca gāubun ge hnödra hna hlumʼ öbun.

Isaia 52:6

Anyin a wale, ame he lakeik ka khanʼ ödra iök: anyin a wale, ame he ka khanʼ ödra hnyi bong eling a inya at ame ha; wâ bi inya.

Isaia 58:4

Wâ bi, öbun e ânyâ ca han mʼ öbun e he ka iwatretra me ivino, me ûkhulup ge hnyam adre vhec a hulo: kʼ öbun e ca ânyâ ca han hnyi bong ang mʼ adre me long ethö ifucibun.

Isaia 61:1

E HUK hanon Than Iehova; anyin a hia but Iehova hû nya he ka khetâ uthumetu ae so ka tavat ae ilemuk; e ame kunö nya he ka lan tavat ae vec hnyekudra, me he ka ha hna hna bâûâ ka ta je bâ, me hna khong uma ce at ka tavat adre ca;

Jeremia 22:20

Ölö thö Lebanona ai me hongot; ke hongot dö goranyai hnyi Basana: me hongot hnyi Abarima; anyin adre hia but ohia je oûnykûmâm.

Jeremia 29:11

Anyin ae khanö nya bi ta je ûnykûme, oge me ûnykûme köbun, haingö Iehova, je hna ûnykûme ae hnahic, ke ba kong hnyin, me me he ka hu gejon hnyi obiny.

Nahuma 1:15

Wâ bi, e hon je bucen li can at ame hom uthumetu ae so, at ame haimemenâ ûsoköu! Juda lö, tuö ju ânyâm je bijeû, ke thamuâ ânyâm je khöbi: anyin ame ca he hmetu at ae kong ka vhenu u; kʼ adre hia but subâ degecâ e.

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Ta je huliwa 2:14

Ke haba Peteru ame tha tot me hnyat a eleven, me ha göranyâ, ka habe, Öbun at Juda, me öbun hia tavat öbun e laba hnyi Jerusalema, wâhmakhmeto ju öbun ûnyi eang, ke long ju öbun hok hofuc.

Ta je huliwa 4:13

Ke ödrin e wâ ihwegiö Peteru me Ioane, ke ödrin e wâhmakhmeto a ödru li at ae ca khanʼ ödru tusi, ke adre ca nâ, me ödrin e lâiâ; ke ödrin e wâhmakhmeto a ûnyi ödru ga Iesu.

Ta je huliwa 4:29

Ke walang ang, Than, ö u wâ ju anyidra ta je hna ootâ: me ham dö ka lathnyabaem he ka hwege ha hwâm hofuc,

Roma 10:18

Ke inya oge me ha, ka habe, Adre me ca löng? Eke, e hnathu, Ame he but ifucidra ka hnyi hmeledrany hia, Ke hodra ta je hofuc ka hnyi je can hmeledrany.

Efeso 6:19

me hobi könya minya, mʼ adre me he ka ham könya he ka fuc, mʼ inye hwege thö he ka omanenâ ûnyi ae iyong hnyi ûthumetu ae so,

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

I. Peteru 3:14

Ke öbun e ne vec can hwakecin ae wisa, hnobun hnahic: ke ca ot bi ge hnödra hna ootâ, ke ca hlohlo bi;

Owisa 9:7

Ke adre me thumetu Jotham, me e ame he me tot hon bucen Gerezim, me fuc goranyai me hongot me ba ködrin, ka habe, Ling nya ju öbun at Sekema, me me ling öbun bi Khong.