Isaia 40:8 - Iaai Bible 1901 (New Caledonia)

⁸ Hna önying ame meleca, ke vongon ame kolu: ke tethmâ bi nyiele balua hofuc hwan Khonguta.

Isaia 40:8 ပူးပေါင်းရင်းမြစ်များ

Salamo 111:8

E tethmâ e ke ne o but nyiele nyiele balua, Ke ame ânyâ hoton hnathu me wisa.

Isaia 59:21

Ke haba inya, waleû anyik ûhihinyköu mödra, haingö Iehova: Haba hanuk at ame laba hom, me hok je hofuc waleji oge ip hnyi hnyimâm, ame ca he ka hia ûnyi hnyi hnyimâm, me hnyimen ta je mâtrânâm, me hnyimen ta je mâtrâniny ta je mâtrânâm, hwân walang ang, ke ne o but nyiele balua, haingö Iehova.

Jeremia 44:29

Ke haingö Iehova, ka habe, Walang haten köbun a; oge me he ka bi hwaban köbun hnyi dok ang, me me khanʼ öbun a gʼ ame he ka ton hok hofuc köbun hnân okongon:

Zakaria 1:6

Ke haba hok je hofuc ke anyik je hnanyibu, waleji oge me hûna ka lathnyabaik a je perofeta, hawa, ödrin e ca khaû lakamöbun? me adre me hmetu me ha, ka habe, Haba Iehova tuhan sabaoth ame ûnykûme he ka ânyâ kohmun, hoton dehmun je gethen, ke anyihmun je huliwa, ke helâe e ame hia but ânyâ kohmun.

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Mataio 24:35

Ame he ka hia drany me hmeledrany, kʼ ame ca he bi ka hia hok ta je hofuc.

Mataio 5:18

Anyin ae hnathu inya oge me ha köbun, a gʼ ame ca he bi ka hia ke iota, ame ne ke ong ûnyi ae ûhnyûkong hmonyin ûnyi hnyi hnanyibu, ke ne o but ame he ka hia drany me hmeledrany, me me he ka hwâdâ ta je ûnyi hia thibut.

Mareko 13:31

Ame he bi ka hia drany me hmeledrany, kʼ ame ca he ka hia hok ta je hofuc.

Ioane 10:35

A ne hia but ha, ka habe, Ödrin je khong, wale tavat a o ködrin hofuc hwan Khong, (ke ca khana bi he ka ohavâ hna sihnalimen),

Ioane 12:34

Haba tavat ae se hia adre me thu kâu, ka habe, Ohmun e long ut ûnyi hnyi hnanyibu a gʼ ame he ka tethmâ Keriso nyiele balua: ieû gam u me ha a ga ûcû he ka ogöranyâ Nokon at? ia Nokon at eling?

I. Peteru 1:25

Ke haba hofuc hwan Than, me ame tethmâ nyiele balua. Ke wale hofucin ûthumetu ae so adre me khetâ köbun.