Isaia 40:5 - Iaai Bible 1901 (New Caledonia)

⁵ ke adre me he ka omanenâ hmanenangi Iehova, ke ame he ka tha wâ hnen tavat hia thithö: anyin a ha hnen hnyimö Iehova.

Isaia 40:5 ပူးပေါင်းရင်းမြစ်များ

I. Je Than 14:11

Haba atö Jeroboama ame ne he ka mok hnyi taun, me ame he je kuli ka an; ke haba at ame he ka mok hnyi hnyei, me ame he je meno ame gâ ka an: anyin a hia but Iehova ha.

Salamo 102:16

Anyin a hia but Iehova up Ziona, E manen dut e hnyi anyin hmanenang.

Salamo 102:17

E ame hia but hwio ka hic hijin at ae ba ta ûnyi, Me ca hûkotiâ bi hijidrin je hic.

Salamo 72:19

Ke so adre haisoâ ien ae hmanenang nyiele balua; Ke so e unöngöt hmeledrany hia thithö ge anyin hmanenang. Amen me Amen.

Salamo 96:6

E bi hnyi hnyimakan hna ogânâ me hmanenanginy than: Eio hnyi umen uma ae kap tang hwege me hmanenang.

Salamo 97:6

Ame omanenâ hwakecin ae wisa hnen ta je drany, Ke a hia but wâ hnen ta je hnyei anyin hmanenang.

Esodo 16:7

ke haba hnyi hnyomakatu öbun e he ka wâ soi Iehova; anyin a e ame löng hna etrö Iehova gabun: ke ie li at ohmu, mʼ öbun e he ka etrʼ ohmu?

Isaia 1:20

ke öbun e ne höcö ke ûkhin fuc, me adre me he ka ön öbun ge hele vat: anyin a hia but ha ge hnyimö Iehova.

Isaia 11:9

Adre me ca he ka ovecâ me okongoâ hnyi anyik bucen hia ae kap: anyin ame he ka unöngötö hmeledrany ge wâ ûnykûme ga Iehova, helâ me köiö ame tube taben köiö ae gan.

Isaia 26:15

Iehova lö, u je hia but osehiâ hnyei, u je osehia hnyei; adre hia but oganö u: u je oc ûsâkâûöâ je hnyigöuleny hnyei hia.

Isaia 34:16

Elâm dʼ öbun tusi anyi Iehova, ke aû thö: ame ca he ka hia ke at a khaca gadra, ke ame ca he bi ka ba ûcon: anyin a hia but hûna e hnen hnyimök, ke a ûkhacaköuâ e ge hanon.

Isaia 35:2

E ame he ka vhong gan hmâ me senyin ge hobâ me khumöng; adre me he ka ham kâu hmanenanginy Lebanona me mecin Karemela me Sarona: adre me he ka wâ hmanenangi Iehova, wale mec anyin Khonguta.

Isaia 40:4

Adre me he ka ogöranyâ ta je hnyigöuleny bucen hia, ke adre me he ka ohnyikânâ ta je bucen me ta je hut hia: ke adre me he ka owisa ta je dok ae hwahwali, ke adre me he ka othahonâ ta je dok ae ûjejöng:

Isaia 41:20

mʼ adre me he ka wâ me khanʼ ödra, me ûnykûme, me tha wâ ûnykûme a ga ânyâ hnen benyi Iehova, ke a op e hnen Kabi Isaraela.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 52:10

A hia but Iehova vhec ûkhaûen benyin ae kap hnyi hnyimakan je hnyei hia; ke ame he je can hmeledrany hia ka wâ ûhomeli anyin Khonguta.

Isaia 58:14

awe, u me he ka senyin kö Iehova; ke oge me he ka hum u, mʼ u me tabâ je dok ae göranyin hmeledrany; ke oge me he ka hâm ûnyi hnyi hnyei i Jekob a kâmâm: anyin a hia but ha hnen hnyimö Iehova.

Isaia 6:3

Ke adre me ûkukoköu me ha, ka habe, E kap, e kap, e kap, Iehova tuhan sabaoth: e unöngötö hmeledrany hia ge anyin hmanenang.

Isaia 60:1

HÖHÖI thö, umumelam dö; anyin a o but melamâm, ke a o but hom hmanenangi Iehova.

Isaia 66:16

Anyin ame he Iehova ka ivino me tavat hnen meic, me anyin hele vat: ke ame he ka se hia hani Iehova.

Isaia 66:18

Anyin ae khanö nya hnödra hna ânyâ, me je ûnykûmenödra: ame o thö ûen, me oge me he ka ûkhacaköuâ ta je hnyei hia thithö, me je hwen hnyei; ke adre me he ka o but, me wâ anyik hmanenang.

Isaia 66:23

Ke hwân hnyi ke imaneniny tehi, ke ne o but hnyi ke imaneniny ke tehi, ke hwân hnyi ke sabath, ke ne o but hnyi ke sabath, ame he ka o tavat hia he ka khudrung hnyi hnyimakök, haingö Iehova.

Jeremia 32:27

Wâ bi, Inya Iehova Khongon tavat hia thithö: hawa, e hu ke ûnyi ae ca khanö nya he ka ânyâ?

Jeremia 9:12

Ie at ae metâ me me wâ ûnykûme e? ke ie at ame ha kâu hnen hnyimö Iehova, me me haimemenâ e? anyin a ieû ame kong ut hnyei adre thong helâ me hnyebuba, me me ba at ama vheno?

Joela 2:28

Ke hwaban e, oge me he ka hingâlâ hanuk hon tavat hia thithö; ke ame he lakubun obaga me wahlu ka perofeta, ame he wahingatibun ka bwo je bwi, ame he wahidröu unyibun ka wâ je hna omanenâ:

Mika 4:4

Ke adre me he ka ve laba hmelen haledra je vine me hmelen haledra je imeta; ke ba at ame he ka ooti ödra: anyin a hia but ha hnen hnyimö Iehova tuhan sabaoth.

Habakuka 2:14

Anyin ame he ka unöngöt hmeledrany ge hna wâhmakhmetoâ hmanenangi Iehova, helâ me köiö ame tube je taben e.

Zakaria 2:13

Tavat hia thithö lö, laba hnyibû ju hnyi hnyimakö Iehova; anyin a e ame todrö ûheny hnyi hnyaban ae kap.

Luka 2:32

Wale melam hnân omelamâ Aten ta je hnyei, Ke hnân hmanenanginy lakem a Isaraela.

Luka 3:6

Ke ame he tavat hia thithö ka wâ, ûhomeli anyin Khong.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 12:41

Haba Isaia ame ha ta je ûnyi e, anyin a e ame wâ anyin hmanenang; kʼ ame hâiâ e.

Ioane 17:2

waleling u je hna e he ka muso tavat hia, me me he ka ham möt ame ca ba balua kodra hia u je ham kâu.

Ta je huliwa 2:17

Haingen Khong, ka habe, Hnyi ta je bong a biliny, Oge me he ka hingâlâ hanuk hon tavat hia thithö: Ke amer he lakubun obaga me wahlu ka perofeta, Ke ame he lakubun wahidröu ka wâ je hna omanenâ, Kʼ ame he wahingatibun ka bwo ta je bwi.

II. Korinito 3:18

Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Hna Omanenâ 21:23

Ke ca ûnyi hnathu bi seûno me tehi he ka omelamâ taun; anyin ame omelamâ e honen hmanenanginy Khong, ke lamepainy Arenio.