Isaia 40:30 - Iaai Bible 1901 (New Caledonia)

³⁰ Ke ame he je thoth ka mat me sēnyin, ke ame he je wahidröu ka ta but:

Isaia 40:30 ပူးပေါင်းရင်းမြစ်များ

Salamo 33:16

E ba than ame möt ge utbavat ae gan hmâ: Ame ca möt at ae hwege ge tang hwege ae gan.

Salamo 34:10

E ba an, ke mekihnânem bi je nak liona: Ke haba tavat adre me elöm Iehova, me ba ke ûnyi ae so ame he ka hia gadra.

Salamo 39:5

Wâ bi, u je hia but oâ bonguk je bong helâ me je tulutiny hnyam; Ke helâke e ca ûnyi hnathu je hunaik hnyi hnyimâkâm: [Sela. Awe, thatûnyi tavat hia thithö adre op.

At Khet 9:11

Oge me hmetu me wâ hmelen seûno, a gʼ ame ca bân ka o at ae hâhâ can, ke haba khaca ame ca ton bi at ae hwege, ke haba khaca e ca tren jeû at ae metâ, ke haba khaca ame ca o je omjeû ka at ame wâhmakhmeto, ke betenge baû, ka at ame huliwa tremang; ke haba ûen, me ûnyi ame o monu, ame o kodra hia.

Isaia 13:18

Ke ame he anyidra je cafana ka öūo wahidröu; ke adre me ca he ka betenge ge wan hnyok; ame ca he li emaködra ka hna baûâ je wanakat.

Isaia 9:17

Anyin a wale ame ca he Than ka senyin ge je hidröu unyidra ke e ame ca he ka betenge ge tavat ae ba kamödra, me je safac: anyin a ödra hia thithö adre me ca ot, ke tavat bi ae kong, me je hnyem hia ame hwen monu. Hnyi ta je ûnyi e hia, ame ca hwio anyin hmonyin, ke ame lau bala bi hnyamen.

Jeremia 48:15

Adre kot hia thö Moaba, ke adre me he ka hnyi je taun, ke haba anyin je hidröu e ame ûca, adre me he unyin tavat adre me he ka hlingʼ ödra, haingen Than, Iehova tuhan sabaoth ien.

Jeremia 6:11

Anyin a wale, oge me unöngöt ge hmonyin anyi Iehova; iny sënyin dut ge hok hnyok: hingâlâ but e hon je thoth eû hnyi gethen, me hon wahidröu adre me tha ûkhacaköu: anyin adre me he ka tha hom baga me âiân momo, me hingat me at ae se hia hunainy.

Jeremia 9:21

Anyin ame o but mok a deny hnyi anyita je mamalama, ame dit ka hnyi umöta je umen than: he ka subâ degecâ ta je wanakat eû hnyi hwanuma, me wahidröu eû hnyi ta je gethen.

Amosa 2:14

Ke ame he ka ba but hnabâ anyin at ae hâhâ can, kʼ ame ca he at ae hwege ka oâ tang hwegien, kʼ ame ca he at ae gan ka omelo e bi:

I. Samuela 30:10

Ke Davita ame ûhnûhnû, a e me foa haded tavat: anyin a laba biju lo li haded tavat ae sënyin me ca khanʼ ödrin he ka hanyâûâ wagewe Besor: