Isaia 40:24 - Iaai Bible 1901 (New Caledonia)

²⁴ Eke, adre me tiga ca te ödra, kʼ adre me tiga ca konim ödra; eke e tiga ca hu wân anyidra hnyiban eû hnyi kânâ; me e ame tûʼ ödra, me adre me meleca thö, ke haba weneû ame tûâ degeci ödra helâ me thatûnyin hwit.

Isaia 40:24 ပူးပေါင်းရင်းမြစ်များ

II. Samuela 22:16

Me manen dut je deny köiö ae gan, Adre me omanenâ je taben hmeledrany, Anyin a Iehova ame thawâ, Ûnyi ge homenâiny li hnyingöiny.

II. Je Than 10:11

Ke wale Jehu ame kot kolon hia lap anyi Ahaba hnyi Jezerela, me anyin je at hnathu hia, me je waeny, me anyin tavat bihut, ke ne o but ame ba but kolon.

Jobu 21:18

Mʼ ödrin e tha ûcû me thatûnyin hwit ame tûâ ang, Ke helâ me unen hwit ame tûâ degecâ höu?

Jobu 4:9

A hiʼ ödrin dut ûnyi ge imenâiny Khong Ke ödrin e aû but ge imenâiny anyin hmonyin.

Jobu 8:17

A dit ut je wân hnyin hna digic thatûnyi, E ame wâ dok ae hu veto hnyin.

Salamo 58:9

E tiga ca long bi hnen anyibun je öt je angö, Me e ame he ka tûâ degecâ e ge höu, ame ne hât ame ne möt.

Salamo 83:13

Khonguk lö, oûcû ödra me sesâ ame khenyi ge ang; Me thatûnyin hwit ame oû ang dö.

Ta je Vejec 1:27

E ka o köbun ot helâ me weneû, E ka o köbun vec helâ me hou; E ka o köbun vec me hmak.

Isaia 11:4

ke e ame he ka owisa ka ta je theduoc hnyi hwakecin ae wisa, me nâ hnyi tulut ae ûcû ka tavat ae menyik eang hmeledrany: ke e ame he ka kot hmeledrany ge osöiny hnyimen, me hlingâ tavat ae kong ge homenâ ûnyi hnyi hnyimen.

Isaia 17:11

hnyi bong u je tā hnyin u je si haginy, ke hnyi hnyomakatu u je ovhöngâ ânyâm je hatong: ke ame he ka ba menu hnyi bonginy hlöuhlöu me vec ae gan hmâ.

Isaia 17:13

Ame he je hnyei ka wadring helâ me wekhetiny je köiö ae se hia: ke e ame he ka thawʼ ödra, mʼ adre me kec sâkâû ai, ke adre me he ka hnu ödra helâ me unen hwit hon je bucen ge ang, ke helâ me thatûnyi ge hon.

Isaia 30:33

Anyin adre hia but penapena Tofet kâû adrem; eke, adre hia but penapena e hobi kâu than; e ame hia but ânyâ e ae dit me lau: haba hna khon e, wale meic me uto ae se hia, ke ame vâc e ge homenö Iehova, helâ me wagewe teio.

Isaia 37:7

Wâ bi, oge me he ka ip ke hanu eû hnyi hnyekon, me e ame he ka long ûthumetu me hmetu ka hnyi iny hnyei; ke oge me he ka öta e ge hele vat hnyi iny hnyei bi.

Isaia 40:7

ame meleca hna önying, ke ame kolu vongon; anyin ame tûâ hon e homenö Iehova: e hnathu a hna önying tavat.

Isaia 41:16

U me he ka ulic ödra, kʼ ame he ang ka tûâ degeci ödra, kʼ ame he hou ka ovesei ödra: ke u me he ka senyini Iehova, ke u me he ka hobâ Kabi Isaraela.

Isaia 41:2

Ia oâ ke at ûheny jimeio, waleji e ame hawâ ka hnyi li can hnyi hwakecin ae wisa? e ame hna je hnyei kâu, me otilâ he ka musi hon ta je than; e ame hnʼ ödra ka hnyi anyin hele vat helâ me sesâ, me ka anyin cafana helâ me je thatûnyin hwit ame tûâ ang.

Jeremia 22:30

Walang hna ha hnö Iehova, ka habe, Sihnalimen ju at ang a gʼ ame he ka ba nokon, ke ame ca he ka so bongon je bong: anyin ame ca he ka hnahic ke mâtrâniny, at ame he ka tabâ theron anyi Davita, me musi hmetu hnyi Juda.

Jeremia 23:19

Wâ bi, ame o but weneû anyi Iehova, wale anyin hmönyin, eke, weneû ame khenyo: e ame he hwege hon ban tavat ae kong.

Hosea 13:15

Eja ke ne a ne se hia but e unyin je liamekeiny, ame he bi ka o ang hwei wale ang anyi Iehova unyi hnyi hnyebuba, me me hwahwacit anyin pupua, me hme belen an: e ame he ka soh tang omjeû hia ae hmanenang.

Hosea 13:3

Anyin a wale adre me he ka helâ me ûlâ hnyi hnyomakatu, ke helâ me dân hau ae logot hia, ke helâ me unen hwit ame oû ang dö ûnyi hnyi hna huje hwit, ke helâ me hai ûnyi hnyi deny hai.

Nahuma 1:14

Ke a hia but Iehova hûna gam a gʼ adre me ca he hmetu ka tā hnyat a iâm bi: ke oge me he ka subâ degecâ je khongom a je hnatheat adre me kave me oköiâ ûnyi hnyi umödrin je uma; ke oge me he ka ânyâ ânyâm erkemok; anyin a u kong ut.

Hagai 1:9

Öbun e gejon ûnyi ae gan, ke wâ bi, e ûhnyûkong; ke öbun e hom e ka hnyi hnyaba, me oge me tûâ e. Geû? haingö Iehova tuhan sabaoth. Can umök uma ae hnyot dö, ke öbun bi, öbun e ve wadring ka hnyi umöbun je uma.

Zakaria 7:14

ke oge me he ka ovesei ödra ge höu ka hnyi je hnyei hia waleji ae ca khanʼ ödra. Me ba wan hnyei hwabödra, ke ba at ame he ehele me hmetu: anyin adre me öba wan hnyei ae hmanenang.

Zakaria 9:14

Ke ame he Iehova ka manen hudrin, ke ame he anyin fana ka gâ helâ me hucuce: ke ame he Than Iehova ka tûâ trutru, me he hnyi je höu ûheny hnyi hwaiöu.