Isaia 40:22 - Iaai Bible 1901 (New Caledonia)

²² E at ame laba hon wathelabainy hmeledrany, ke helâ me ta je wahamon tavat adre me labā e; at ame ulolo drany helâ me imano, kʼ ame ulolo e me helâ me uma mano adre me laba hnyin:

Isaia 40:22 ပူးပေါင်းရင်းမြစ်များ

Genese 1:6

Ke Khong ame ha, ka habe, E so e me hu ke bwang hnyi wanben je köiö, me me bi hnyigöulen je köiö ûnyi hnyi ke je köiö.

Jobu 22:14

Kʼ ame oiyongâ e ge je ulâ ae haki, me me ca wâ bi; Ke e ame vheno wathelabainy drany.

Jobu 26:7

E ame ulolo ke keihen ka hnyi hwadro hon ba onyen, Me uhno hmeledrany ka hnyi hon ba.

Jobu 36:29

Eke, ie at ame wâûnykûme hna ulolo je ûlâ, Ke hwan than ûnyi hnyi umen uma menâ?

Jobu 37:18

Hawa, e khanö u he ka tha ulolo mē drany, Waleji ae hmâ helâ me uselat bras adre okoiâ?

Jobu 9:8

Hake e ke thibi at ame lau drany, Me uto hon je waköiöiny köiö

Salamo 104:2

U je tubi u ge melam helâ me ûkhaû; Me ulolo drany helâ me imano:

Salamo 18:11

E ame lubaduöng hnyi menekholom, wale umen uma menâ igigilo e; Wale angwe, a je ûlâiny drany ae haki

Salamo 19:4

Ame he but anyidrin tö tutut ka hnyi hmeledrany hia, Me hodrin je hofuc ke ne o but ka hnyi je can hmeledrany. E ame hia but otilâ hnyin uma menâ hobi kâu seûno,

Salamo 2:4

Ame he at ame laba ethö hnyi drany ka hluma: Ke ame he than ka hiʼ ödra.

Salamo 29:10

Iehova ame laba me than hnyi ûen Uoû; Eke, Iehova ame laba a than nyiele balua.

Salamo 68:33

At ame tabâ draniny ta je drany, a ûnyi adrem; Wâ bi, e ame ha hofuc ge hwan ae hwege.

Ta je Vejec 8:27

Hnyi ûen e ame penapena drany, inya but ling: Hnyi hnen hna tuluto wathelaba hon köiö:

Isaia 19:1

HOK honen Aigupito. Wâ bi Iehova ame tabâ ûlâ ae logot, kʼ ame he ka o hnyi Aigupito: me ame he ka bwebwet je idolainy Aigupito hnyi hnyimakan, kʼ ame he ka köiö but hnyekon Aigupito eû hnyin e.

Isaia 37:16

Iehova tuhan sabaoth lö, Khongu Isaraela, ke at ame laba wanben li kerubi, u thibi Khong, a hake u ke, hnyi ta je dokhu hia eang hmeledrany; u je op drany me hmeledrany.

Isaia 40:15

Wâ bi, haba je hnyei me helâ me ûkhulainy baket, kʼ adre me ûnykûmi ödra me helâ me kânâ hnyi ûnyi hnân tulut: wâ bi, e ame kap goranyai je bomene helâ me ûnyi ae ti ûhnyûkong hmonyin.

Isaia 40:17

Haba ta je hnyei hia, me helâke ba hnyi hnyimakan; ke ti ba me ba onyen hnyi ûnykûmenen.

Isaia 42:4

E ame ca he ka sēnyin me ngâ, ke ne o but e ame he ka ip hna owisa eang hmeledrany; ke ame he ta je bomene ka halubahingen anyin hnanyibu.

Isaia 42:5

Walang hna ha hnö Iehova a Khong, at a op drany, me ulolo e; at a olauâ hmeledrany me ta je ûnyi ame kû hnyin; at a ham homenâ ka tavat hia thithö hon e, ke hanu ka tavat adre me vheno e:

Isaia 44:24

Walang hna ha hnö Iehova, at a ûcû u, ke at a up u hwân hnyi hnyekon hinyâm: inya Iehova at a op ta je ûnyi hia; at a hake ulolo drany; at thibi a olauâ hmeledrany; ie at unyik?

Isaia 51:13

ke u me hnying Iehova bi At a up u, at ame ulolo drany kʼ ame bi taben hmeledrany; ke u me labö outen hnyi ta je bong hia can wathethot anyin at ûöveci, hnyi ûen e ame penapena he ka ohia? ke e but ua hmonyin anyin at ûöveci?

Isaia 66:1

WALANG hna ha hnö Iehova, ka habe, Anyik theron drany, ke taben li hnyeûcak hmeledrany: ieû bongon uma öbun e he ka op hobi könya? ke ewa dok oge me he ka menâ hnyin?

Jeremia 10:12

E thibi at a op kânâ ge maniny man, e ame otilâ hmâ hmeledrany ge anyin metâ, me ulolo drany ge anyin wâhmakhmeto:

Zakaria 12:1

WALANG hok, wale hofuc ho Iehova ge Isaraela.

Numera 13:33

Ke ohmun e wâ eling ta je hmai ae beû hmâ, a je laku Anaka, a mâtrâniny je hmai ae beû, ke ohmun helâ me je wahamon hnyi hnyimaköhmun, ke helâe minya hnyi hnyimaködrin.