Isaia 40:2 - Iaai Bible 1901 (New Caledonia)

² Ha thö hofuc ae kaukahwa kö Jerusalema, ke hongot dö kâu a ga um dö bonginy vec, ke adre hia but thang degecâ anyin hulo; a hia but kap ûnyi ga Iehova hna olo bi hwaban anyin ta je hulo hia.

Isaia 40:2 ပူးပေါင်းရင်းမြစ်များ

Genese 34:3

Kʼ ame kece but hnyekon kö Dina nöku Jekob, ke e ame betenge ka hlu, me fuc menyik ka hlu.

II. Man Ûlabainy Je Than. 30:22

Ke Hezekia ame fuc wia ka at Levi hia tavat ae metâ hnyi huliwa anyi Iehova. Me ödrin e bijeûâ hnyi seven je bongon, me hudo je hudiny ole, me omanenö hulo kö Iehova Khongon lakamödrin.

Salamo 32:1

HNAHIC hnen at adre hia but ohia hnen hna hanyâûâ, me tube anyin hulo.

Salamo 85:3

U je hia but hom degecâ hia ânyâm wathethot: U je hia but hwio ûnyi hnyi ânyâm hmönyin ae hlöng.

Esodo 22:3

Ke a ne utö seûnö hon, me ame he ka hu dra hwaban e; ke hamen he ka bi hwaban; ke a ne ba omjehen, me adre me he ka ûco e me hwaban hnen hna venöu.

At Khet 3:4

ûen tenge, me ûen hluma: ûen hnyamok, me ûen bibiâ;

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 14:3

Ke haba hnyi bong ame he Iehova ka omeno u ûnyi hnyi ânyâm vec, me ânyâm ot, me huliwa ae hmak adre me kunö u ka hnyin,

Isaia 27:9

Anyin a wale adre me he ka hneû degecâ hulo anyi Jekob, ke walang wan hia hnyi hna ohia anyin hulo; e ka ânyâ je vetoiny hia taben hut, me me helâ me veten inyâ veto adre me oamamâ, me me ca he hmetu ka tot je Aseira, me je hna theati seûno.

Isaia 33:24

Ke ame ca he bi ka ha hnen at ame labā e, ka habe, Iny mok: adre me he ka hna degecâ hulo anyin tavat adre me labā e.

Isaia 35:4

Ha thö kodra tavat ae sēnyin hnyok, ka habe, Hwege thö, ca ot bi: wâ bi, ame he ka o Khongubun tha e me hwaban, ame he Khong ka bi hwaban; e ame he ka o me omeli öbun.

Isaia 43:25

Inya, inya thibi at ame kot degecâ hnâm ta je hna hanyâûâ cak bi; ke oge me ca he ka ûnykûme ânyâm ta je hulo.

Isaia 44:22

Oge hia but kot degecâ hnâm ta je hna hanyâûâ helâ me ûlâ ae khot, me ânyâm ta je hulo helâ me ûlâ: hmetu ju könya, anyin a oge hia but ûcû u.

Isaia 49:25

Ke so bi, walang hna ha hnö Iehova, ka habe, Adre me he ka hûgûnâ je bâ unyin tavat ae hwege, ke adre me he ka hna but hna söh hnen tavat ae hwege hnyimen: anyin a oge me he ka ivino me at ame ivino möu, ke oge me he ka omelo ta je lakom.

Isaia 51:17

Jerusalema lö, hmak dö, hmak dö, todrö, at ame ic ûnyi hnyi beli Iehova wale kaiainy anyin hmonyin; u je hia but ijem onyen kaiainy ta tot, me ijehmö e.

Isaia 53:5

Ke so bi e ame aat dö can hnöta ta je hna hanyâûâ, kʼ adre me khaû e can hwakecita ae kong: adre me ip hon e je hna kot mʼ ate me hnahic bi, ke öta metu but can hna khûâ hnân.

Isaia 53:6

Öta hia thithö ate me hia but he monu helâ me je mamoe; ate me ve saû ka hnyi je gethen, ke haba Iehova ame ip hon e anyita ta je hulo hia thithö.

Isaia 54:15

Eja ke ne adre ne ûkhacaköu, ke ca ûnyi bi gak: haba tavat adre me ûkhacaköu he ka vat möu, adre me he bi ka ta, can bi u.

Isaia 54:17

E ba ûnyi adre ânyâ hnân vat möu ame he ka ton; ke haba ta je bohmen hia thithö tavat adre me he ka tot ka ivino möu hnyi hna owisa, u me he ka haikongoâ. Wale jekhon je athnyabai Iehova, me hwakecidra ae wisa ûnyi gak, haingö Iehova.

Isaia 55:7

e so ame he at ae kong ka degec hwakecin, ke so ame he at ae monu ka degec ta je ûnykûmenen: ke so e ame hmetu kö Iehova me me he ka betenge gan; ke so e ame hmetn ka Khonguta, anyin a e ame he ka ti kot degecâ hia.

Isaia 6:7

me e ame kâlâ hnyimök kâu, me ha, ka habe, Wâ bi, ame kâlâ li esongodâm ge ûnyi e; ke adre ohia but ânyâm monu, kʼ adre me hneû degecâ ânyâm hulo.

Isaia 61:7

Ame he ka lo li hwaban köbun, hwaban anyibun hmehma; ke hwaban imonumonuny adre me he ka senyinâ jekhöûdra; anyin a wale adre me he ka olo hu hnyi idra hnyei: kʼ adre me he bi ka senyin nyiele balua.

Isaia 66:13

Ame otubwelâ wanakat hnen hinyen, ke helâe oge me he ka otubweli öbun; ke adre me he ka otubweli öbun bi hnyi Jerusalema.

Jeremia 16:18

Ke oge me he ka bok ka olo bi hwaban hwakecidra ae kong me anyidra hulo; anyin adre hia but oikikiâ ik hnyei hnen unyin anyidra ta je ûnyi ae bon a gʼ adre mokcu, ke adre hia but öunöngötâ ik hnyei ge anyidra ta je ûnyi ae ikiki.

Jeremia 17:18

E so e hmehma tavat adre mo sedö nya, ke ca hnö nya bi he ka hmehma: e so ödra hlohlo, ke ca hnö nya bi he ka hlohlo: oâ ju kodra bong ae kong, ke ohiʼ ödra but, me olo ohia.

Jeremia 29:11

Anyin ae khanö nya bi ta je ûnykûme, oge me ûnykûme köbun, haingö Iehova, je hna ûnykûme ae hnahic, ke ba kong hnyin, me me he ka hu gejon hnyi obiny.

Jeremia 51:10

Haba Iehova ame hia but oâ hwakecita ae wisa: ai öbun mʼ ate me he ka ba gaga hnyi Ziona huliwa anyi Iehova Khonguta.

Je tenge anyi Jeremi 4:22

Hluiny Ziona lö, a hwâdâ but hna bi hwaban ânyâm hulo; E ame ca he hmetu ka hwenbö u ehele: Hluiny Edoma lö, e ame he ka senâ ânyâm hulo; E ame he ka omanenâ je hwakecâm ae kong.

Ezekiela 16:42

Helâe oge me he ka bi obiny anyik hmönyin köu, ke ame he ka hwio gam hnok hna ciâ, ke oge me he ka menâ, ke oge me ca he hmetu ka hmönyin.

Daniela 11:35

Ke ame he keihen tavat ae metâ ka ta, madre me cubic ödra, me ânyâwia, me ohawâ, ke ne o but ûen obiny: anyin ame he ka e hnyi ûen adre thu.

Daniela 12:4

Ke haba u Daniela lö, ikhâlâ ju je hofuc, me ohmâ ju haten tusi, ke ne o but hnyi ûen obiny: kʼ ame he tavat ae se ka wadring ehele, me ame he metâ ka gan tot.

Daniela 12:9

Ke haingen, ka habe, Daniela lö, he thö; anyin adre hia but ikhâlâ me ohmâ haten ta je ûnyi e ke ne o but hnyi ûen obiny.

Daniela 9:12

Me e ame hia but ohwâdâ hwan hofuc, waleji e ame haiʼ öhmun, ke tavat owisa kohmun, me e ame oâ kohmun ûnyi ae kong hmonyin: anyin adre me ca ânyâ eang hmeledrany hia helâ me hna ânyâ ka Jerusalema.

Daniela 9:2

haba hnyi huna a bâniny anyin musi, inya Daniela oge me wâhmakhmeto ge je tusi numerainy je buna, waleji ge ioiny hofuc ho Iehova kö Jeremia perofeta hnyin, me me he ka hwâdâ je huna a se ven ti waleji hnyi hna öba wan Jerusalema.

Hosea 2:14

Anyin a wale, wâ bi oge me he ka lelö e me hom e hnyebuba ai, me ita hofuc kâu.

Hosea 2:16

Ke haingö Iehova, ka habe, Hnyi bong eling u me he ka hawo nya, me Ishi; ke u me ca he hmetu ka hawo nya, me Baali.

Habakuka 2:3

Anyin a haba hna omanenâ me hobi kâu ûen adre thu, kʼ ame he mweimwei ka hnyi obiny, kʼ ame ca he bi ka thoi: eja ke ne a ne bec, më halubahingen; anyin e hnathu e ame he ka o, kʼ ame ca he ka bec.

Zefania 3:15

A hia but Iehova hom hna owisa gam, e ame hia but ohia iwahnaihmiony möu: e bi hnyi wanbâm Iehova Tuhan Isaraela: u me ca he hmetu ka outen ûnyi ae kong.

Zakaria 1:13

Ke haba Iehova ame thu ka angela at ame ûhnenamö mönya hnyi je hofuc ae so, wale je hofuc hnân okhaukahwa hnyok.

Zakaria 1:15

Ke e gan hmâ anyik hmonyin ka tavat adre me laba hnahic: anyin ae ûhnyûkong anyik hmonyin, ke haba ödrin bi, me adre me ogânâ hna ovecâ.

Zakaria 9:12

Hmetu ju ka hnyi hnabâ, öbun tavat adre ca a tavat gejon: inya oge me ha hnyi bong ang a oge me he, ka ibi olo ham köu.

Ta je huliwa 1:7

Haingen ködrin, ka habe, E ca hanymöbun he ka wâ je bong me je huna ame ip ge Kamen kʼ ame muso bi.

Galatia 4:4

ke ame o but ûen adre thu, me haba Khong ame kunâ Nokon, adre hnokoâ hnen momo, a hnokoâ hmelen hnanyibu,

Hna Omanenâ 18:6

Bi hwaban ju kâu helâ me hnen hna ham, ke olo ju bi hwaban kâu hoton anyin huliwa: ke olo ju ûhaniken kâu hnyi utkaia e ame ûhaniken.