Isaia 40:15 - Iaai Bible 1901 (New Caledonia)

¹⁵ Wâ bi, haba je hnyei me helâ me ûkhulainy baket, kʼ adre me ûnykûmi ödra me helâ me kânâ hnyi ûnyi hnân tulut: wâ bi, e ame kap goranyai je bomene helâ me ûnyi ae ti ûhnyûkong hmonyin.

Isaia 40:15 ပူးပေါင်းရင်းမြစ်များ

Genese 10:5

Unyi gadrin adre me khenâ ta je bomeneiny ta je dökhu hnyi idrin je hnyei, hoton je ve hwen hodra; hoton anyidrin je lap, hnyi dökhudrin je dökhu.

Salamo 62:10

Ca geju bi ka hwakecin sedâ, Ke ca hobelöu bi ka hnyi hwakecin venöu: E ka osehia tot omejeû, ca hnyok kâu.

Salamo 62:9

Ta je thatûnyi bi houmonu, ke thoi bi tavat ae ûnyi hnathu: Ödra hâhâ hnyi tulut; Ödra tha hâhâ hon thatûnyi.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 17:13

Ame he je hnyei ka wadring helâ me wekhetiny je köiö ae se hia: ke e ame he ka thawʼ ödra, mʼ adre me kec sâkâû ai, ke adre me he ka hnu ödra helâ me unen hwit hon je bucen ge ang, ke helâ me thatûnyi ge hon.

Isaia 2:22

Soju öbun labageju ka at, ame menâ ge li hnyingöiny: anyin a hnân eû he ka ûnykûme kaû?

Isaia 29:5

Ke ame he ka ûcû me sesâ ame gâ ûganiny je iwahnaihmiony möu, ke ame he ka helâ me unen hwit ame oû ang ûseiny tavat ae hwege hnyimakodra: eke, e ame he ka ie o helâ me thuthubademak.

Isaia 40:22

E at ame laba hon wathelabainy hmeledrany, ke helâ me ta je wahamon tavat adre me labā e; at ame ulolo drany helâ me imano, kʼ ame ulolo e me helâ me uma mano adre me laba hnyin:

Isaia 41:5

Haba je bomene adre me wâ me ot; haba je can hmeledrany adre me öbubuny: adre me hakekenyâ, me o.

Isaia 59:18

E ame he ka bi hwaban hoton huliwa, wale hmonyin ka tavat a ûcon, me hwaban ka ta je iwahnaihmiony mē; e ame he ka bi hwaban ka je bomene.

Isaia 66:19

Ke oge me he ka ip unyidra haten, ke oge me he ka kunâ ka hnyi ta je hnyei tavat gadra adre me kec möt, Tasesa ai, me Pula ai me Luda ai, wale tavat hlic fana, me Tubala ai, me Heleni ai, me ka hnyi je bomene ae sâkâû, tavat adre me ca hnyi long ûthumetu gak, me ca wâ anyik hmanenang: ke adre ma he ka khetâ anyik hmanenang ka hnyi je hnyei.

Jeremia 10:10

Ke Iehova Khong ae hnathu, e thibi Khong ae mot, me Than nyiele balua: ame öbubuny hmeledrany hnyi anyin hmonyin, ke ca khana ta je hnyei ka tot hmâ hnyi anyin wathethot.

Daniela 11:18

Hwaban dö e, e ame he ka hnyimakan ka hnyi je bomene, me hûgûnâ keihen ae se: ke haba ke than ame he bi ka biobiny hnen hna haikongoâ; eke, e ame he ka wia kongon kâu bi.

Daniela 4:32

Me adre me he ka obö u unyin tavat, me u me he ka tha laba me ta je menoiny hnyot; u m he bi ka han önying helâ me bolok ke ame he ka seven je ûâm, ke ne o but ame khanö u thö a gʼ ame musi At ae Beönua hnyi dokhu dokhon tavat, me ham e ka at e ame weny kâu.

Daniela 4:35

kʼ ame ûnykûme a helâ me thatûnyi tavat adre me labâ hia hmeledrany: ke e ame ânyâ hoton weny unyin je köiöiny drany, ke tavat adre me labâ hmeledrany; ke ba at ame he ka thawâ hnyamen me ba kâu ka habe, Ieû u me ânyâ?

Zefania 2:11

Ke ame he Iehova ka ooti ödra: anyin a e ame he ka ohia tilâ je khong khongon hmeledrany hia; me ame he tavat ka khudrung kâu, ke at me ke at hnyi je ve hnödra, wale ta je bomeneiny ta ogo hnyei hia.