Isaia 40:1 - Iaai Bible 1901 (New Caledonia)

¹ ÖTUBWELÂ ju öbun, otubwelâ ju öbun lakeik, haingen Khongubun.

Isaia 40:1 ပူးပေါင်းရင်းမြစ်များ

Nehemia 8:10

Ke e ame ha ködrin, ka habe, He thʼ öbun, an ju pipikhenya me ijem ûnyi ae senem, me kunâ je jekhoû ka tavat adre me ca penapena hobi kâu: anyin ae kap ka Tuhötin bong ang: ke ca he öbun ka hmak; anyin a haba tang hwegiöbun me senyin kö Iehova.

Salamo 85:3

U je hia but hom degecâ hia ânyâm wathethot: U je hia but hwio ûnyi hnyi ânyâm hmönyin ae hlöng.

Salamo 85:8

Oge me he ka long hna ha hnen Khong ae Iehova: Anyin a e ame he ka ha ûsoköu ka lakeiny me anyin wakap: Ke so adre me ca he hmetu bi ka hwakecidra ae monu.

At Khet 3:4

ûen tenge, me ûen hluma: ûen hnyamok, me ûen bibiâ;

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 3:10

Ha thö ka at ae wisa hwakeciu, ka habe, ame he ka hu so gan; anyin adre me he ka an wan anyidra huliwa.

Isaia 41:27

Oge ma bok ka ha kö Ziona, ka habe, Wâ bi, wâ bi ödra; ke oge me he ka ham kö Jerusalema at ame he ka hom ûthumetu ae so.

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Isaia 51:3

Anyin ame hia but Iehova otubweli Ziona; e ame hia but otubwelâ je dok hia thithö unyin ae ba wan, me wia hnyebubainy me me ûcû me Edena, me iny hnyei baga me me helâ me hna belök hnö Iehova; adre me he ka wâ hnyin e senyin me hobâ, me ole, me hwan khumöng.

Isaia 52:9

Ie tha hongot senyin dö goranyai, öbun je dok ae ba wan hnyi Jerusalema: anyin a hia but Iehova otubwelâ lakeiny, e ame ûcû meli Jerusalema.

Isaia 60:1

HÖHÖI thö, umumelam dö; anyin a o but melamâm, ke a o but hom hmanenangi Iehova.

Isaia 61:2

he ka haimemenâ hunainy ae ûcû kö Iehova, me bonginy bi hwaban ge Khonguta; he ka otubwelâ tavat hia adre me tenge thungaû;

Ezekiela 16:42

Helâe oge me he ka bi obiny anyik hmönyin köu, ke ame he ka hwio gam hnok hna ciâ, ke oge me he ka menâ, ke oge me ca he hmetu ka hmönyin.

Zakaria 1:13

Ke haba Iehova ame thu ka angela at ame ûhnenamö mönya hnyi je hofuc ae so, wale je hofuc hnân okhaukahwa hnyok.

Zakaria 1:17

Hongot hmetu thö, me ha, ka habe, Walang hna ha hnö Iehova tuhan sabaoth, ka habe, Ame he ka se hia hmetu anyik je taun ûnyi ge hnahic; ke ame he hmetu Iehova ka otubwelâ Ziona, me senyin ka Jerusalema.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

II. Korinito 1:4

at ame okahwʼ öhmun hnyi anyihmun je vec hia, me me khanʼ öhmun dut he ka okahwʼ ödra adre me vec, ge kahwa ame okahwʼ öhmun kâu hnen Khong.

I. Thesalonika 4:18

Anyin a wale ûsihwegiöbunköu thö ge ta je hofuc ang.