Isaia 4:6 - Iaai Bible 1901 (New Caledonia)

⁶ Ke ame he ka hu ama menâ hnân hwaelu hnyi lany can kahwa, me hnân lubaduöng me nedrong ge weneû me we.

Isaia 4:6 ပူးပေါင်းရင်းမြစ်များ

Salamo 27:5

Anyin a haba hnyi ûen vec e ame he ka ikhölö nya hnyi umen uma menâ: E ame he ka tubi nya hnyi dok ae iyong hnyi umen uma mano; E ame he ka ip nya hon kic.

Salamo 55:8

Oge me he ka logot ka tung Ûnyi ge ang ae gan me weneû.

Salamo 91:1

HABA at ame laba hnyi hna lubaduöng anyi Beönua, Me ame he ka laba bala huyi hmenon Ataekhanahia.

Ta je Vejec 18:10

Hnabâ ae hwege iö Iehova: Ame kec ka hnyin at ae wisa me laba khötkic.

Isaia 14:32

Ke ieû hnân thu ka je ûthumetuiny je hnyei? ame ha, ka habe, A hia but Iehova bi taben Ziona, ke ame he ta je aten adre me vec ka lubaduöng hnyin e.

Isaia 25:4

Anyin a u thibi hnabâ ka at ae vec, me hnabâ ka at ae theduoc hnyi anyin hmak, me hnedrong hnyi weneû, me hna baelelu hnyi kahwa, e ka helâ me weneû anyin tavat ae hwege hnyimakodra ka hnyi hna up veto.

Isaia 30:30

Ke ame he Iehova ka olöngâ ifucin ae hmanenang, me omanenâ ûköluiny hnyamen, tha e me anyin hmonyin ae gan, me bâhlân meic ame han, tha e me hna oamamâ, me weneû, me we wahma.

Isaia 32:1

WÂ bi, ame he ke than ka musi hnyi hwakecin ae wisa, kʼ ame he je taben ka owisa hnyi hna owisa.

Isaia 32:2

Ke ame he at ka helâ me hna lubaduöng ge ang, ke nedrong ge weneû; helâ me je di hnyi dok ae hwahwacit, helâ mē dok ae hmenu hnyi kic ae gan hnyi hnyei ae sēnyin.

Isaia 8:14

Ke e thibi hnân dok ae kap; ke veto hnân setu me kic hnân öhûkötö ka li lap anyi Isaraela, hnân hnewe me ofific ka tavat adre me laba hnyi Jerusalema.

Ezekiela 11:16

anyin a wale, ha thö, ka habe, Walang hna ha hnen Than Iehova, ka habe, Eja ke ne oge ne hia but ûsâkâû ödra unyin je hnyei, ke eja ke ne oge ne hia but ovesei ödra unyin je hnyei, oge me he bi nya ka dok ae kap kodra hnyi ûen ae ûhnyûkong hnyi je hnyei adre me he ka o ka hnyin.

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.

Heberu 6:18

mʼ ate me he ka hu hnâu sihwegi öta, ge lo li ûnyi ae ca khana he ka wia, ke ca khana Khong he ka thoi hnyin, wale öta ate me kec ut he ka kât hmâ gejon adre ip hnyi hnyi-maköta;

Hna Omanenâ 7:16

Adre me ca he hmetu ka mekihnânem, ke adre me ca he minya ka beic; ke ame ca he ka li ödra hnen seûno me kahwa: