Isaia 4:3 - Iaai Bible 1901 (New Caledonia)

³ Ke adre me he ka ha, me kap kolon hnyi Ziona, me at ame laba biju hnyi Jerusalema, wale tavat hia thithö adre tha sihnalimen me tavat ae möt hnyi Jerusalema:

Isaia 4:3 ပူးပေါင်းရင်းမြစ်များ

Salamo 69:28

E so adre me kot degeci ödra ûnyi hnyi tusiny möt, Ke ca tha sihnalimidra bi me tavat ae wisa.

Salamo 87:6

Ame he Iehova ka aû, e ka sihnalimen ta je hnyei, ka habe, Walang at adre me hnokoâ eling. [Sela.

Isaia 1:27

Adre me he ka omeli Ziona ûnyi ge hna owisa, me je laten adre hmetu kâu ûnyi ge hwakecin ae wisa.

Isaia 28:5

Ke hnyi bong eling ame he Iehova tuhan sabaoth ka tot hnân korona ae hmanenang, me hnabinybak ae mec, hobi kâu je kolon lakeiny:

Isaia 35:8

Ke ame he ka hu hna cit gethen eling, me ke gethen, kʼ adre me he bi ka hwenyi ien e, me, gethen ae kap; ame ca he ka vheno e ge tavat ae kong; ke ame he ka hobi kodra: ke haba tavat vheno gethen, kʼ ame ne tavat ae monu, me adre me ca he ka he monu hnyin.

Isaia 46:3

Ling nya ju lap anyi Jekob, me je kolon hia lap anyi Isaraela, tavat adre me hom tilʼ ödra ûnyi hnyi hna hnokoâ, tavat adre me kap tilʼ ödra ûnyi hnyi hnyok:

Isaia 52:1

HMAK dö, hmak dö, Ziona, khavâ thö tang hwegiâm; Jerusalema lö, taun ae kap, khavâ ju khaûâm a je ûkhaû ae hmanenang: anyin ame ca he hmetu ka o köu at adre ca peretomon, me ikiki.

Isaia 6:13

Ke ame ne tiga hu ke keihen a libenyitainy biju hnyin e, adre me he ka han metoâ e: helâ me man ela me iwajo, wale ame tiga e bi onyen, ödra ka hia but öûo; helâe ame he ka wan ae kap onyen.

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Isaia 62:12

Ke adre me he ka; hwenyi iödra, Hnyei ae kap, A ûco Iehova: ke adre me he ka hwenyi iâm, Hna elâm, Taun adre degec.

Ezekiela 13:9

Ke ame he hnyamok ka ve e me je perofeta tavat adre me wâ ûnyi ae ûnyi baû, me bi khong thoi; adre me ca he ka hnyi hanen ûhnenamö anyin lakeik, ke adre me ca he ka sihnalimidra hnyi tusiny lap anyi Isaraela, ke adre me ca he ka o ka hnyi hnyei Isaraela; ke ame he ka khanʼ öbun a inya Iehova.

Ezekiela 43:12

Walang hnanyibuiny uma: haba hnyi ban bucen, me ame he bi ka ti kap hnen e hia igigilo. Wâ bi, wale thibi e hnanyibuiny uma.

Joela 3:17

Me öbun e he ka wâ a inya Iehova Khongubun, at ame laba hnyi Ziona, anyik bucen ae kap: me ame he ka kap bi Jerusalema, ke ame ca he hmetu ta je atkanyua ka vheno e.

Obadia 1:17

Kʼ ame he ka ku hon bucen Ziona tavat adre me kec mot, kʼ adre me he ka okabâ, kʼ ame he lap anyi Jekob ka hu je idra.

Zakaria 14:2

Anyin oge me he ka ûkhacaköuâ ta je hnyei hia ûcon Jerusalema he ka vat; ke adre me he ka hûgûnâ taun, me söh je uma, me okongoâ omomo: ke adre me he ka hom bâ hafiny taun, ke adre me ca he ka subâ degecâ ûnyi hnyi taun kolon tavat.

Malaki 3:16

Me ame ûhnenamököuâ tavat adre me outö Iehova: ke Iehova ame tevehlöng me long, me adre me sihnalimen tusi hnân oûnykûmeâ hnyi hnyimakan, hobi kâu tavat adre me outö Iehova, me ûnykûme ien.

Luka 10:20

Ke ca senyin bi ge hna ling öbun hnen ta je hanu; ke senyin dö ge hna sihnalimen je iöbun ethö hnyi drany.

Ta je huliwa 13:48

Ame long e hnen Aten ta je hnyei, me adre me senyin me ogânâ hofuc hwan Khong: me ame labageju hnen tavat hia adre me hawâ ka hnyi möt ame ca ba balua.

Roma 11:4

Ke ieû hna thu kâu hnen Khong? walang, Oge me ip biju hobi könya tavat a seven thauzan, waleji adre me ca hnyi cibouca kö Baala.

Roma 11:5

Ke helâe minya walang ang, e hu wan hoton hna ûca hnen ibetengiö baû.

Efeso 1:4

helâ me hnen hna ûcʼ öta kâu, kʼ adre me tiga ca bi taben hmeledrany, mʼ ate me he bi ka kap me ba hnyikonguta hnyi hnyimakan hnyi ibetengiö:

Filipi 4:3

Eke, oge me sumatö u minya at ame hadruo nya hnathu nya, ka habe, hom hadruâ thö omomo tavat adre me tha huliwa mönya hnyi ûthumetu ae so, me jia Kelemene minya, me keihen tavat adre me tha huliwa mönya, a eû hnyi tusiny möt je iödra.

Kolose 3:12

Anyin a wale, haba öbun je hna ûca hnen Khong, a wakap me laoûnykûminy, me so öbun e khavâ ibetengiö vec, me hwakecin ae so, me hnyok ae hnyikânâ, me hwakecin ae menyik, me hokhnyok beû hmâ;

Heberu 12:14

Hnu hoton dʼ öbun ûsoköu unyin tavat hia, me hwakecin ae kap, e ba at ame he ka wâ Than e ka hia e:

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

Hna Omanenâ 13:8

Ke ame he ka khudrung ju kâu ödra hia adre me laba eang hmeledrany, waleji tavat adre ca set je iödra hnyi tusiny möt anyin Arenio waleji adre hlingâ hwân hnyi hna bi taben hmeledrany.

Hna Omanenâ 17:8

Haba meno u me wâ, me, ka e bi ehac, ke ba bi walang ang; ke e ame he ka ölö ûheny eû hnyi hmonop ae dit hmonyin me he but ka hnyi hnaûhango. Ke ame he ka lâiâ hnen tavat adre me laba hnyi hmeledrany, tavat adre me ca hia but set je iödra hnyi tusiny möt hwân hnyi hna bi taben hmeledrany, ödra ka wâ meno, a e bi ehac, ke ba bi walang ang, kʼ ame he ka o.

Hna Omanenâ 20:15

Ke e ka manen dut khaca waleji adre ca sihnalimen hnyi tusiny möt me adre me khûâ but e ka hnyi nem a meic.

Hna Omanenâ 21:27

ke ame ca he ka hnyi dit kâe ke ûnyi ae kong, me at ame ânyâ ikiki me thoi: ke hake ödra thibi tavat adre sihnalimidrin hnyi tusi anyin Arenio a tusiny möt.

Hna Omanenâ 3:5

Haba at ame ton, me adre me he bi ka okhaûâ helâe ge je ûkhaû ae hau; ke oge me ca he ka kot degecâ ien hnyi tusiny möt, ke oge me he ka ha ien hnyi hnyimakö Cica, ke hnyi hnyimakan anyin ta je angela.