Isaia 4:1 - Iaai Bible 1901 (New Caledonia)

¹ KE hnyi bong eling ame he ta momo a seven ka kât baga a khaca me ha, ka habe, Öhmun e he ka an ö ʼhmun bi jeû, ke khavâ anyihmun bi je ûkhaû: haba wehmun thibi a u me ip iâm huhmun; mʼ u ma ohia but hna haikongu öhmun.

Isaia 4:1 ပူးပေါင်းရင်းမြစ်များ

Genese 30:23

Me e ame erkin dut, kʼ ame hnokoâ da: me ha, ka habe, A hia but Khong hom hna haikongu nya:

II. Samuela 6:23

Ke ba nöku Mikala nöku Saulo ke ne o but bong e ame mokcu hnyin.

Isaia 10:20

Hnyi bong eling ame ca he hmetu bi ka he je kolon hnyi Isaraela, me tavat adre kec möt hnyi lap anyi Jekob ka labageju ka at a kuc ödra: ke adre me he ka labageju, hnyi hnathu kö Iehova, wale Kabi Isaraela.

Isaia 13:12

Oge me he ka owakhaletâ at hon gol ae so, ke ame he ka wakhalet tavat hon goliny Ofira.

Isaia 17:7

Hnyi bong eling ame he at ka bwela ka At a op e, ke ame he li emakan ka wâ Kabi Isaraela.

Isaia 2:11

Adre me he ka ohnyikânâ hnyimakan tavat adre me begörany, ke adre me he ka hom ûhnyûkongo tavat adre me bi gan, ke adre me he bi ka oganö Iehova thibi hnyi bong e.

Isaia 2:17

Ke adre me he ka hom ûhnyûkongo tavat adre me begörany, kʼ adre me he ka ohnyikânâ tavat ae bi gan: ke adre me he ka oganö Iehova thibi hnyi bong e.

Isaia 3:6

Ke ame he at ka kât liamekeiny mē hnyi hnyaban kamen, me ha, ka habe, E hu ûkhaûâm, u me he ka tuböhmun, ke u me he ka muso monu ang:

Isaia 54:4

Ca ot bi; anyin a u me ca he ka hmehma: ke ca hlohlo bi; anyin adre me ca he ka ohmehmai u: anyin a u me he ka hnying hmehma waleji u ka tiga ûhnyûkong, ke u me ca he bi ka ûnykûme hna ohmehmai u waleji u tiga safac.

Jeremia 15:8

Adre ose hia je safac unyidra hnyi hnyimakök hon je waönyin köiö: oge hia but hom kodra ûcon hinyen wahidröu, at ame söh hnyi jebigo: oge hia but ie oâ kodra ot me öbubuny.

Luka 1:25

A mâdrâ helâe könya Than hnyi ta je bong e ame ō nya hnyin, he ka degec anyik hmehma hnyi hnyimakan tavat.

Luka 21:22

Anyin a ûen bi hwaban eling, me me hwâdâ ta je ûnyi hia adre me sihnalimen.

II. Thesalonika. 3:12

Ke öhmun e hûna ka tavat a helâe, me ûnö ge Tuhöta Iesu Keriso, ka habe, hamödra he ka huliwa hnyibû, me ve an ö ʼdra bi jeû.

I. Samuela 1:6

Ke haba momo a iwahnaihmiony mē ame ovecâ hwegiâ e, he ka otengiâ e, anyin a Iehova ame otoûnyö e.