Isaia 39:3 - Iaai Bible 1901 (New Caledonia)

³ Me haba Isaia perofeta ame he kö Hezekia than me ha kâu, ka habe, Ieû hna ha hnen tavat e? ke ûhedrin ua köu î Me Hezekia ame thu ka habe, Ûhedrin hnyi hnyei ae sâkâû ka o könya, wale Babulona.

Isaia 39:3 ပူးပေါင်းရင်းမြစ်များ

II. Samuela 12:1

ME haba Iehova ame kunö Nathana kö Davita. Ke e ame o but kâu, me ha, ka habe, E hu li at hnyi taun a khaca; e tren omjeû ke at, ke ba ta ûnyi anyin ke at.

II. Man Ûlabainy Je Than. 16:7

Haba hnyi ûen eling ame o but Hanani at wâ kö Asa than Juda me ha kâu, ka habe, Anyin a u je hia but labageju ka than Suria, me ca labageju kö Iehova Khongom, anyin a wale a haûhaû but gam utbavat anyin than Suria.

II. Man Ûlabainy Je Than. 19:2

Ke haba Jehu nöku Hanani at wâ ame he me ûkhanö më, me ha kö Jehosafata than, ka habe, Hawa, e so köu he ka hadruâ at ae kong, me betenge gadrin adre me hûkötiö Iehova? anyin a wale e hu hmonyin anyi Iehova köu.

II. Man Ûlabainy Je Than. 25:15

Me ame ubâhlâ thö hmonyin anyi Iehova kö Amazia, me e ame kunâ kâu ke perofeta, at ame ha kâu, ka habe, Anyin a ieû u je elâm unyin je khongon tavat, wale ödrin e ca hia but omelö je atödrin ûnyi hnyi hnyamâm?

Isaia 38:1

KE haba hnyi ûen eling ame he but Hezekia ka mok. Ke ame o kâu Isaia perofeta nöku Amosa me ha kâu, ka habe, Walang hna ha hnö Iehova, ka habe, Ûhûneköu thö me ânyâm lap; anyin a u me he but ang ka mok, ke u me ca he bi ka möt.

Isaia 38:5

He thö me ha kö Hezekia, ka habe, Walang hna ha hnö Iehova Khongu Davita a kibâm, ka habe, Oge hia but long hijâm hic, me wâ ta je deköiâm: me wâ bi oge, me he ka bi hanen bongom je bong a fiftin je huna.

Isaia 39:4

Ke haingen, ka habe, Ieû ödrin e hamâ hnyi umâm uma? Ke Hezekia ame thu, ka habe, Ödrin e hia but wâ ta je ûnyi hia thithö hnyi umök uma: e ba ju ke omjehek oge me ca omanenâ ködrin.

Jeremia 4:16

ha thö ka ta je hnyei: wâ bi, haimemenâ thö ka Jerusalema, a ame he jem tavat tue ûheny hnyi hnyei ae sâkâû, me kuku goranyai ka hnyi je tauniny Juda.

Jeremia 5:15

Wâ bi, oge me he ka hom tavat ûnyi hnyi dok ae sâkâû köbun, lap anyi Isaraela, haingö Iehova: hnyei ae hwege, hnyei kâû adrem, hnyei ae ca khanö u hwan idra, ke u me ca wâhmakhmetoâ bi ifucidra.

Jeremia 8:19

Wâ bi, ûtengien hluiny ik hnyei ûnyi hnyi hnyei ae sâkâû: hawa, ca e bi Iehova hnyi Ziona? ke ca e bi ling thaniny? anyin a ieû adre hia but ohmönyini nya ge anyidra je hnatheat, me anyidra ta je ûnyi baû a je atkanyua.

Deuteronomi 28:49

Ke ame he Iehova ka oâ köu vat, a hnyei ûnyi hnyi dok ae sâkâû ûheny hnyi can hmeledrany, helâ me ugâiny aeto; hnyei ae ca khanö u he ka löng hwan;

Josua 9:6

Me ödrin e he kö Josua hnyi hna hunuma e Gilegala, kʼ ödrin e ha kâu, me at Isaraela, ha habe, Ûhehmun hnyi hnyei ae sâkâû: ke walang ang e so öbun e ânyâ ûhihinyköu möhmun.

Josua 9:9

Me ödrin e ha kâu, ka habe, Ûhehmun hnyi hnyei ae ti sâkâû lathnyabaem can iö Iehova Khongom: anyin a öhmun e hia but long ûlunginy, me hnen hna ânyâ hia hnyi Aigupito,