Isaia 39:2 - Iaai Bible 1901 (New Caledonia)

² Me Hezekia ame senyin ködrin, me omanenâ ködrin tang omjehen, wale sileva me gol, me je uto ae bo so, me wakaco ae so, me uma umen omjehen vat hia, me ta je ûnyi hia eû hnyi tang omjehen: e ba ke ûnyi hnyi umen uma me hnyi dokhon dokhu hia a ca omanenâ Hezekia ködrin.

Isaia 39:2 ပူးပေါင်းရင်းမြစ်များ

I. Je Than 10:10

Ke e ume hûn ka than gol a wan haded ke twente je talan, me je utö ae bo so ae ti gan, me je veto ae ûnyi hnathu: adre me ca oâ hmetu bi je utö ae bo so ae ti gan helâ me hna ham hnen momo than Sheba kö Solomona than.

I. Je Than 10:15

ke ca ha bi gol ûnyi ge tavat ûcû, me tavat ûcû tot, me je thaniny Arabia, me tavat muso hnyei.

I. Je Than 10:2

Ke e ame o but hnyi Jerusalema me bunyen ae se, a je kamela ame hijen je utö ae bo so, me gol ae ti gan, me je veto ae ûnyi hnathu: kʼ ame o but kö Solomona, me e ame ûhnenamö më ge ta je ûnyi eû hnyi hnyekon.

I. Je Than 10:25

Ke adre me ve hom anyidrin je bwihlany, a je kaia sileva, me je kaia gol, me je ûkhaû, me je ûnyi hnân vat, me je uto ae bo so, me je hors, me je miul, adre fâtâ hnyi ke huna me ke huna.

II. Je Than 20:13

Ke Hezekia ame ling ödrin, me omanenâ ködrin uma omjeûiny hia, a sileva me gol, me je uto ae bo so, me wakaco ae gan hwaban, me umen je omjehen vat, me ta je ûnyi hia ae hnyi uma omjeûiny: e ba ûnyi hnyi umen uma, me dokhon dökhu hia a ca omanenâ Hezekia ködrin.

II. Man Ûlabainy Je Than. 32:25

Ke haba Hezekia ame ca bi hwaban hmetu helâ me hna betenge gan; ke bi gan hnyekon: anyin a wale ame o but hmonyin kâu me at Juda me Jerusalema.

II. Man Ûlabainy Je Than. 32:27

Ke ti gan hmâ omjeû me hmanenangi Hezekia: me e ame ânyâ hobi kâu bi je uma hnân ip sileva me gol, me je veto ae ûnyi hnathu, me je utö ae bo so, me je bec, me je kaia ae so ae ve hwakecin;

II. Man Ûlabainy Je Than. 32:31

Ke so bi haba hnyi hwakecin ge je ûthumetu anyin je than Babulona, waleji adre me ûkhûnöng kâu he ka hnö e ge ûnyi hnân lâiâ adre ânyâ hnyi hnyei, me haba Khong ame hna e, he ka cubec e, me me wâ bongon hia hnyekon.

II. Man Ûlabainy Je Than. 9:1

Kʼ a long ut momo than Sheba lung anyi Solomona, me e ame o ka cubic Solomona ge ta je hofuc hnei ae hmak hnyi Jerusalema, tha e me bunyen ae se hia, me je kamela ödrin e hijen je utö ae bo so, me gol ae gan, me je veto ae ûnyi hnathu: kʼ ame o but momo kö Solomona me e ame ûhnenamö më ge ta je ûnyi hia eû hnyi hnyekon.

II. Man Ûlabainy Je Than. 9:9

Me haba momo ame ham ka than gol a wan haded ke twente je talan, me je utö ae bo so ae ti gan, me je veto ae ûnyi hnathu: ke ba hmetu utö ae bo so helâ me hnen momo than Sheba hna ham kö Solomona than.

Jobu 31:25

Oge ne senyin can ae gan hmâ tang omjehek, Ke can oge hia but hom gânâ ge li hnyamok;

Ta je Vejec 4:23

Ti tuö wia ju hnyekom; Anyin ame o but möt ûnyi e.

At Khet 7:20

Anyin ae ba at ae wisa eang hmeledrany, a at ame ânyâ so kʼ ame ca ânyâ hulo.

Jeremia 17:9

Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

II. Korinito 12:7

Ke wâ adre nye ogoranyi nya bi hnen nuainy ta je ûthumetu, me adre ham könya ûdöiny unyin, wale hna ûkhûnöng hno Satana he ka kulup nya, me inye ca ti görany bi.

I. Ioane 1:8

Ate me ne ha, ka habe, e ba anyita hulo, awe, ate me ka iyâwʼ öta, ke ba hnathu unyita.