Isaia 38:3 - Iaai Bible 1901 (New Caledonia)

³ me ha, ka habe, Iehova lö, u na he ju ka ûnykûme walang ang hnok hna he hnathu hnyi hnyimâkâm me hnyok ae wisa, ke ânyâ so hnyi hnyimâkâm. Ke Hezekia ame tenge hwege.

Isaia 38:3 ပူးပေါင်းရင်းမြစ်များ

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Genese 6:9

Walang ta je dö anyi Noa. Haba Noa, at ae wisa, ke fâfâ but hnyi anyin ta je dö: haba Noa ame tha he me Khong.

I. Je Than 15:14

Ke adre ca ohia je dok ae görany: ke so bi e bekhot ut hnyeku Asa nnyi Iehova hnyi bongon ta je bong hia.

I. Je Than 2:4

me me he Iehova ka ohmâ hwan hofuc, waleji e ame ha gak, ka habe, Ame ne he lakom ka tuö dedrin je gethen he ka he hnyi hnyimakök hnyi hnathu ge hnyekudrin ae bekhot me hanu ae bekhot, (haingen,) ame ca he ka ba hwabâm hon theron hnyi Isaraela.

II. Je Than 18:3

Ke e ame ânyâ wisa hnyi hnyimakö Iehova, helâ me hna ânyâ hia hnö Davita a kiben.

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

I. Man Ûlabainy Je Than. 29:19

ke ham kö Solomona a nokuk hnyok ae bekhot, he ka tuö hnâm je hna hûna, me hna ohnathoâ, me hnâm je hnanyibu, me he ka ânyâ ta je ûnyi hia eling, me otilâ uma, wale oge me penapena kâu.

I. Man Ûlabainy Je Than. 29:9

Ke haba tavat ödrin e senyin he ka ham baûâ, anyin a ödrin e ham baûâ me hnyok ae bekhot kö Iehova: ke haba Davita than ame senyin gan hmâ.

II. Man Ûlabainy Je Than. 16:9

Anyin ame labö ngele mweimwei li emakö Iehova hnyi hmeledrany hia, he ka hadruâ tavat ae bekhot ut je hnyekudrin kâu. U je hwen monu hnyi ûnyi ang; anyin a hwân hnyi ûen ang u me he bala ka labö vat.

II. Man Ûlabainy Je Than. 25:2

Ke e ame ânyâ wisa hnyi hnyimakö Iehova, ke so bi e ca bekhot ut hnyekon.

Ezera 10:1

Kʼ AME tiga hic Ezera, me omanenö hulo, me tenge, me ta hnyikânâi hnyi hnyimakan uma umen Khong, me ame ûkhacaköu kâu tavat ae ti se hia ûhedrin Isaraela, obaga me omomo me je wanakat: anyin ame tenge hwege tavat.

Nehemia 1:4

Ke hnyi ûen oge me long hofuc e, me oge me laba but me tenge, me hmak hnyekuk hnyi ke je bong, me ca han, ke oge me hic hnyi hnyimakan Khongon drany,

Nehemia 13:14

Khonguk lö, ûnykûmi nya ju hnyi ûnyi ang, ke ca he ka kot degecâ anyik je huliwa ae betenge waleji oge me ânyâ ka hnyi uma umen Khonguk, me je huliwainy.

Nehemia 13:22

Me oge me kunâ at Levi he ka obosoi ödrin bi, mʼadre me he ka tuö je homagöule, me okabâ bong sabath. Khong lö, ûnykûmi nya ju hnyi ûnyi eang minya, me betenge gak helâ me ûganiny ânyâm ibetengiö.

Nehemia 13:31

me hobi kâu hudiny uto, hnyi ûen adre owisa, me wan a bân. Khonguk lö, ûnykûmi nya ju, me ohnahici nya.

Nehemia 5:19

Khonguk lo, ûnykûmi nya ju mʼ inya hnahic, e ûcû me ta je ûnyi hia wale oge me ânyâ ka tavat ang.

Salamo 101:2

Oge me he ka metâ hnyi gethen ae wisa: Ie ûen u me he ka o hnyin könya? Oge me he ka he hnyin umök uma me hnyok ae wisa.

Salamo 102:9

Anyin oge hia but an dröu helâ me jeû, Me ûthueniken belik me dân ecmak.

Salamo 119:80

E so e ba hnyikongon hnyekuk hnyi ânyâm ta je hnanyibu; Me inye ca he ka hmehma.

Salamo 16:8

Oge hia but ip Iehova bala hnyi hnyi-makök: Oge me ca he ka bwebwet, anyin a e bi hnyi ke keihök a metök.

Salamo 26:3

Anyin ame laba bala cicö li emakök ânyâm ibetengiö; Ke oge hia but vheno ânyâm hnathu.

Salamo 32:2

Hnahic hnen at wale Iehova ame ca ha anyin hulo, Ke ba iyawö hnyi banon.

Salamo 6:6

Iny sënyin dut ge anyik mâng; Ame uoû hnok hna mokut ge tenge hnyi je lit hia; Oge me okhubetâ hnok hna mokut ge deköien li emakök.

Salamo 6:8

Ûsâkâûö but mönya, öbun hia th hö hnyat öbun e ânyâ hulo; Anyin a hia but Iehova long hok hwatenge.

Isaia 38:2

Me Hezekia ame wia hnyimakan ka hnyi hnyeige uma, me hic kö Iehova,

Isaia 38:4

Ke ame o but hofuc ho Iehova kö Isaia, ka habe,

Hosea 12:4

eke, e ame ûjöng ka angela, me hwege bi: e ame tenge me khöû kâu: e ame wâ e hnyi Beth-ela, ke e ame ûhnenamö möhmun eling;

Ioane 1:47

Haba Iesu ame ö Nathaniela ame he kâu, me e ame ha gan, ka habe, Wâ bi at Isaraela ae hnathu, e ba tang iyawâ gan!

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

Deuteronomi 6:18

Ke u me he ka ânyâ ûnyi ae wisa me so hnyi hnyimakö Iehova; mʼ u me so, mʼ u me he me hu gam hnyei ae so waleji Iehova ame khemanyin ka lakâmâm,

Heberu 5:7

Ke haba hnyi ta je bong a e tiga at hnyin, me e ame hic me khöû me tenge hwege, ke hu deköien, ka at ae khana he ka omelö e ûnyi hnyi mok, me adre me löng kâu, anyin a e outen Khong,

Heberu 6:10

anyin a ca hwakecin ae ca wisa Khong, me me he ka hnying anyibun huliwa, me ibetengiö öbun e omanenâ ka hnyi ien, wale hnyi hnobun hna bi athnyabainy wakap, me labö bi athnyabaidra.