Isaia 38:19 - Iaai Bible 1901 (New Caledonia)

¹⁹ Ame he at ae möt ka oganö u, a at ae möt, helâ me hnok hna ânyâ hnyi bong ang: Hamen kamen he ka omanenâ ânyâm hnathu ka lakon.

Isaia 38:19 ပူးပေါင်းရင်းမြစ်များ

Genese 18:19

Anyin a oge hia but wâhmakhmetoâ e, me me hamen he ka hûna ka lakon me anyin lap hwaban e, mʼ adre me he ka tuö de Iehova, he ka ânyâ wisa me owisa; me me he Iehova ka ohmâ kö Aberahama hna ha bânâ gan.

Salamo 118:17

Oge me ca he ka mok, ke oge me he ka möt, Me omanenâ ta je huliwa anyi Ja.

Salamo 119:175

E so e he hanuk ka möt, me e ame he ka oganö u; Ke so e he hnâm je hna owisa ka hadruo nya.

Salamo 145:4

Ame he ke dö ka ogânâ ânyâm ta je huliwa ka ke dö, Me omanenâ hnâm ta je hna ânyâ ae man.

Salamo 146:2

Oge me he ka oganö Iehova inye tiga möt. Oge me he ka khumöng oganâ Khonguk e me tiga inya ang.

Esodo 10:2

mʼ u ma he ka ha hnyi li hnyikönyen nokom, me öbem, ta je ûnyi oge hia but ânyâ ka Aigupito, me ta je hatök oge hia but ânyâ hnyi wanbödra; me me khanʼ öbun dö a inya Iehova.

At Khet 9:10

Haba hna wâ hnen li hnyamâm he ka ânyâ, ânyâ thö hnen hwegiâm; anyin ae ba huliwa, me ûnykûme, me wâhmakhmeto, me metâ, hnyi erkemok, u me he ka hnyin.

Joela 1:3

Thumeto thö lakubun ge ûnyi eling, ke ame he lakubun ka thumeto lakudra bi, ke hamen lakudra ka thumeto dö a biliny.

Ioane 9:4

E ûcû köta he ka mâdrâ ta je huliwa anyin at a kunö nya e me tiga lany: ame he jem lit ke ca khana hmetu ke at he ka ânyâ ke huliwa.

Deuteronomi 11:19

Ke öbun e be ka nâ hofuc e ka lakubun, me ûhnenamö gan, u ka laba hnyin umâm uma, me he eû hnyi gethen, ke u ka he ka mokut me köûö hmetu bi.

Deuteronomi 4:10

waleji hnyi bong u je tot hnyi hnyimakö Iehova Khongom hnyi Horeba, kʼ ame ha könya Iehova, ka habe, Ûkhacaköu thö könya tavat, mʼ adre me he ka löng hok je hofuc, me me khanʼ ödra he ka outö nya hnyi ta ogo bong bongon anyidra möt hnyi hnyei, mʼ adre me he ka ûnö ka lakudra.

Deuteronomi 4:9

Ke so bi o u âu, me tuö u wia, wâ u nye hnying ta je ûnyi u je wâ, ke wâ e nye hia ta je ûnyi e hnyi hnyekom, hnyi ta je bongon ânyâm möt; ke u me he ka ûnö e ka lakom me laöbem;

Deuteronomi 6:7

ke u me he ka labö nâ e ka lakom, me ûhnenamö gan u ka laba hnyin umâm uma, me he eû hnyi gethen, me u ka mokut, me u ka köûö hmetu.