Isaia 37:6 - Iaai Bible 1901 (New Caledonia)

⁶ Ke ame ha Isaia ködrin, ka habe, Öbun e he ka ha helâng ka tuhöbun, ka habe, Walang hofuc ho Iehova, ka habe, Ca he ka outen hofuc u je long, waleji hnen athnyabainy than Asuria hna haikongu nya.

Isaia 37:6 ပူးပေါင်းရင်းမြစ်များ

Esodo 14:13

Ke haba Mose ame ha ka tavat, ka habe, Ca ot, tot ju, me wâ ûhomeli anyi Iehova, wale ame he ka ânyâ hobi köbun hnyi bong ang: anyin a haba at Aigupito öbun e wâ hnyi bong ang, me öbun e ca he ka wâ hmetu nyiele balua.

Isaia 35:4

Ha thö kodra tavat ae sēnyin hnyok, ka habe, Hwege thö, ca ot bi: wâ bi, ame he ka o Khongubun tha e me hwaban, ame he Khong ka bi hwaban; e ame he ka o me omeli öbun.

Isaia 37:5

Me ame o lathnyabai Hezekia kö Isaia.

Isaia 51:7

Ling nya ju öbun tavat ae khanʼ öbun wisa, tavat ae hu anyik hnanyibu eû hnyi hnyekudra; ca he ju öbun ka outen hna haikongu öbun ge at, ke ca gāubun ge hnödra hna hlumʼ öbun.

Isaia 7:4

me ha kâu, ka habe, Wâ ju, me mē laba ju; ca ot bi, ke ca sēnyin bi hnyekom, can li hnyiban uto eang ae hai, ke can hmonyin anyi Rezina, me Suria, me nöku Remalia.

Levitiko 26:8

Kʼ ame he thabûng gabun ka hnu khaca haded, kʼ ame he haded gabun ka hnu ten thauzan: kʼ ame he ka ta hnyi hnyimaköbun ta je iwahnaihmiony möbun ge hele vat.

Mareko 4:40

Me e ame ha ködrin, ka habe, Ieû gabun öbun e ot? Hawa, e tiga ca hu gabun labageju?

Mareko 5:36

Ke haba Iesu ame ca oûnyihnatho hna ha, ke ame ha ka taben sunago, ka habe, Ca ot, ke labageju ju.

Josua 11:6

Ke Iehova ame ha kö Josua, ka habe, Ca he ka oût ödra; anyin a nyi hnyi ûen a helâng, oge me he ka hnʼ ödra hia thithö adre hlingʼ ödra, hnyi hnyimakan at Isaraela: u me he ka sö can haledrin je hos, me le anyidrin je kariota ge meic.