Isaia 37:3 - Iaai Bible 1901 (New Caledonia)

³ Ke ödrin e ha kâu, ka habe, Walang hna ha hnö Hezekia, ka habe, Bonginy vec, me û, me ûhaikonguny bong ang: anyin a ûen a o ta je wanakat, ke ba at ae hwege he ka hnokoâ.

Isaia 37:3 ပူးပေါင်းရင်းမြစ်များ

II. Je Than 19:3

Ke ödrin e ha kâu, ka habe, Walang hna ha hnö Hezekia, ka habe, Haba bong ang bonginy vec, me û, me ûhaikonguny: anyin a o ûen o a je wanakat, ke ba tang hwegien he ka hnokoâ.

II. Man Ûlabainy Je Than. 15:4

ke so bi hnyi ûen ödrin e hmetu kö Iehova, Khongu Isaraela hnyi anyidrin vec, me elâm e, awe ödrin e wâ e.

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Salamo 91:15

E ame he ka hawo nya, me oge me he ka thu kâu; Oge me he ka tha inya mē hnyi vec: Oge me he ka omelo e, me ogânâ e.

Salamo 95:8

Ca okhötâ bi je hnyekubun helâ me eji hnyi Meriba, Ke helâji me bonginy Masa hnyi hnyebuba:

Isaia 22:5

Anyin a bonginy hmak eling, me iututi, me monumonu ûnyi ge Than, Iehova tuhan sabaoth, hnyi hnyigöulen bucen hna omanenâ; adre me kia je hak veto, me tenge ka je bucen.

Isaia 25:8

E ame hia but utâ mok me ohia e; ke ame he Than Iehova ka kot degecâ ta je deköiö ûnyi hnyi ta je hnyimak hia thithö; ke e ame he ka ohia hna haikongoâ lakeiny ûnyi eang hmeledrany hia: anyin ame ha Iehova.

Isaia 26:16

Iehova lö, hnyi ûen vec adre hia but senö u, adre me hingâlâ hic, u ka hom ûhnyûkongu ödra.

Isaia 29:2

me oge me he ka ovecâ Ariela, ke ame he ka hu hlöuhlöu me tenge: ke e ame he ka hing Ariela könya.

Isaia 33:2

Iehova lö, betenge ju gahmun; öhmun e hia but halubahingâm: e so u ma bi hnyamödra hnyi je hnyomakatu, ke melihmun minya hnyi ûen vec.

Isaia 66:7

E ka tiga ca vec hnyekon momo e ame hnokoâ; ke tiga ca o anyin vec, e ame hnokoâ da.

Isaia 66:9

Hawa, oge me he ka oâ vec hnyekon, me ca he ka oâ? haingö Iehova: hawa, oge me he bi nya at ame oâ, ka thawâ bi? haingen Khongom.

Jeremia 30:7

Ekölö! anyin ae gan hmâ bong eling, ke ba ke bong a helâe: wale ûen vec kö Jekob; ke so bi, adre me he ka omelo e hnyin.

Hosea 13:13

Ame he ka o kâu vec, helâ me momo ame he ka hnokoâ: e nokon ae ba metâ; anyin e ca so e ame bec he ka kolu.

Hosea 5:15

Oge me he ka he but me hmetu ka hnyi hnok, ke ne o but adre me ogâ anyidra monu, me elâm hnyi-makök: ke adre me he ka ti elom nya e ka hu vec gadra.

Hosea 5:9

Ame he ka ba wan Eferaima hnyi bong û: oge hia but omanenâ ka je tribuiny Isaraela ûnyi ame he ka o.

Hna Omanenâ 3:19

Oge me nâ me kot tavat oge me betenge gadra: anyin a wale, hwege thʼ öbun me ietra ju.