Isaia 37:13 - Iaai Bible 1901 (New Caledonia)

¹³ Ke ewa tuhan Hamath, ke tuhan Arepada, ke tuhan taun Sefaravaima, ke Hena, ke Iva?

Isaia 37:13 ပူးပေါင်းရင်းမြစ်များ

II. Je Than 17:24

Ke haba than Asuria ame hom tavat ûheny Babulona, me Kutha, me Ava, me ûheny Hamath me Sefaravaima, me ip ödrin hnyi je tauniny Samaria hwaban lakon Isaraela: me ödrin e labâ Samaria, me laba hnyi je tauniny.

II. Je Than 18:34

Ewa je khongon Hamath, me Arepada? ewa je khongon Sefaravaima, me Hena, me Iva? hawa, ödrin e hia but omeli Samaria ûnyi hnyi hnyamok?

II. Je Than 19:13

Ewa thaniny Hamath, me thaniny Arepada, me thaniny taun Safaravaima, me Hena, me Iva?

Isaia 10:9

Hawa, e ca tha ûcû Kalene me Kakemis? ke ca ûcû Hamath me Arepada? ke ca ûcû Samaria me Damaseko?

Isaia 36:19

Ewa je khongon Hamath me Arefada? ewa je khongon Sefaravaima! hawa, ödrin e hia but omeli Samaria unyi hnyi hnyamok?

Isaia 37:12

Hawa, a hia but je khongon je hnyei omeli ödra waleji a ohia hnen lakamök, waleji Gozana, me Karan, me Rezef, me laku Edena hnyi Thalasa?

Isaia 37:14

Ke haba Hezekia ame kap tusi ûnyi hnyi hnyamen je ûthumetu me ame aû: me Hezekia ame he ka hnyi uma umo Iehova, me e ame ulolo e hnyi hnyimakö Iehova.

Jeremia 49:23

Ge Damaseko. Ame hmehma but Hamath me Arefada; anyin adre me hia but long je uthumetu ae kong, kʼ ame oaû ödra but: e bi hlöuhlöu hon köiö, ke ca khana bi he ka ta hau.

Habakuka 1:10

Eke, e ame hluma je than, ke taben ûhiö kâu je taben: e ame hluma je hnabâ hia; anyin a e ame okhibö goranyai kânâ me hûgûnâ.