Isaia 36:9 - Iaai Bible 1901 (New Caledonia)

⁹ Ke u me he ka kâmâu ka ohmeto ke taben vat ae ûhnyûkong hmonyin unyin lathnyabainy tuhok, me labageju kö Aigupito hobi kâu je kariota me tavat tabö hors?

Isaia 36:9 ပူးပေါင်းရင်းမြစ်များ

II. Je Than 18:24

Ke ieû gam me u me ohmeto ke taben vat ae ûhnyûkong hmonyin anyin tuhök, mʼ u me labageju ka Aigupito ge je kariota me tavat tabö hors?

II. Je Than 7:6

Anyin a hia but Iehova olöngâ je utbavat anyin at Suria ge medien je kariota, me medien je hors, wale medien je utbavat ae gan: me ödrin e ûhnenamököuâ, ka habe, Wâ bi, than Isaraela ame hia but bi hwaban je than Heth, me je than Aigupito, mʼ adre me vat mötin.

Ta je Vejec 21:31

Adre me penapena hors hobi kâu bonginy vat: Ke hamö Iehova he ka omelo.

Isaia 10:8

Anyin a e ame ha, ka habe, Hawa, ca je hing than hia anyik je taben?

Isaia 20:5

Ke adre me be ka ot me hmehma can at Aithiope wale adre me geju kodra, me can at Aigupito wale adre me hobeluâ.

Isaia 30:7

Ke ca ûnyi hnathu, ke ûnyi baû ûhadruo ge Aigupito: anyin a wale oge me hwenyi ien e, Rahaba, at ame laba thibi.

Isaia 31:3

Ke ta je at thibi at Aigupito, ke ca Khong bi; ke je viny haledra je hors, ke ca je hanu bi; ke e ka he Iehova ka hai hnyamen, me ame he ka tha ta, a at ame hadruâ me at hok ûhadruo, mʼ ödru me he ka tha hia! but.

Isaia 36:6

Wâ bi, u me labageju ka uci hlowe ae mita eû, wale Aigupito; ke e ka hlec hnyiban e ge at, me ame he ka dâoâ hnyamen: ke helâe Farao than Aigupito kodra hia adre me labageju kâu.

Isaia 36:8

Ke walang ang, u na he ju ka uhihinyköu me tuhok thaniny Asuria, ke oge me he bi nya ka ham köu lo li thauzan je hors a ne khanö u he ka ve bi at he ka tabʼ ödrin.

Jeremia 2:36

Anyin a ieû u me labö ngenu monu gan me wia dem je gethen? u me he ka hmehma ge Aigupito, helâji me hnâm hna hmehma ge Asuria.

Deuteronomi 17:16

Ke so bi e ca so e ame osehia je hors hobi kâu, me ohmeto tavat Aigupito ai, me me he ka osehia haleny je hors: anyin a hia but ha Iehova köbun, ka habe, Öbun e ca he ka hmetu hnyi gethen eling.