Isaia 36:8 - Iaai Bible 1901 (New Caledonia)

⁸ Ke walang ang, u na he ju ka uhihinyköu me tuhok thaniny Asuria, ke oge me he bi nya ka ham köu lo li thauzan je hors a ne khanö u he ka ve bi at he ka tabʼ ödrin.

Isaia 36:8 ပူးပေါင်းရင်းမြစ်များ

I. Je Than 20:10

Haba Ben-adada ame ukhû-nöng kâu me ha, ka habe, Ame he je khong ka ânyâ helâe könya me bi hanen minya, ame ne ûcû kânâiny Samaria, me me ûsa khaca hna auk hobi kâu tavat adre me he ka hnu hotuk.

I. Je Than 20:18

Ke haingen, ka habe, ödrin e ne he so, hom melö thö, ke ödrin e ne he ka vat, hom melö thö.

II. Je Than 14:14

Ke e ame hom gol hia, me sileva, me ta je kaia hia adre me wâ hnyi uma umo Iehova, me hnyi hnyeuleny omjeû hnyi uma umen than, me tavat adre hûgûnâ me hnân hwaban hnyei,; me adre me hmetu Samaria ai.

II. Je Than 18:13

Ke haba hnyi huna a fotini Hezekia than, ame o but Saneribi than Asuria he ka vat me je taun hia adre up haginy veto hnyi Juda, me hûgûnâ.

II. Je Than 18:23

Ke walang ang u me he ka ham je haten ka tuhök than Asuria, me oge me he bi nya ka ham köu lo li thauzan je hors, a ne khanö u he ka ve otabâ ge tavat.

Isaia 36:2

Ke haba than Asuria ame kunö Rabesake ûheny Lahisa Jerusalema ai kö Hezekia than me utbavat ae gan hmâ. Ke e ame tot hnyi deny köiö ethö, hnyi gethen ame he ka hnyi utkânâ anyin at ame hnû khaû.

Isaia 36:7

Ke u je ne ha könya, ka habe, Öhmun e labageju kö Iehova Khonguhmun; hawa, ca anyin je dok ae gorany me anyin je taben hut waleji a ohia hnö Hezekia, me ha ka at Juda me Jerusalema, ka habe, Öbun e he ka hic hnyi hnyimakan taben hut ang?

Isaia 36:9

Ke u me he ka kâmâu ka ohmeto ke taben vat ae ûhnyûkong hmonyin unyin lathnyabainy tuhok, me labageju kö Aigupito hobi kâu je kariota me tavat tabö hors?