Isaia 34:9 - Iaai Bible 1901 (New Caledonia)

⁹ Ke ame he ka wia je wageweiny me me tar, ke adre me he ka wia sesâiny me me teio, ke ame he kânâiny ka tar ame hiâ.

Isaia 34:9 ပူးပေါင်းရင်းမြစ်များ

Genese 19:28

ke e ame bwele Sodoma ai me Gomoroai me hnyei hia ae thahon, me wâ, ke wâ bi ame sâ göranyai hainy hnyei helâke hainy inyâ ji.

Jobu 18:15

Ame he ka labâ umen uma mano me me ca he ka umen hmetu: Kʼ adre me he ka jijingâ teio ka hnyi hon hnyaban.

Salamo 11:6

E ame he ka ota helâ me we ta je hnewe hon at ae kong; Haba meic, me teio, me ang ame hiâ, me wale kaia a jekhöûdra.

Isaia 30:33

Anyin adre hia but penapena Tofet kâû adrem; eke, adre hia but penapena e hobi kâu than; e ame hia but ânyâ e ae dit me lau: haba hna khon e, wale meic me uto ae se hia, ke ame vâc e ge homenö Iehova, helâ me wagewe teio.

Jeremia 49:13

Anyin oge hia but khemanyin gak bi, haingö Iehova, a ga me he Bozera ka hnân kuko, me haikongo, me ba wan, me hnân hangâ; ke ame he ka ba wan je tauniny hia nyiele balua.

Luka 17:29

ke haba hnyi bong ame kec Lota ûheny Sodoma, me ame ta meic me teio ûnyi hnyi drany, me ohiʼ ödra hia:

Deuteronomi 29:23

me haba hnyei hia me teio, me alase, me ame hiâ, kʼ adre ca belökâ, kʼ ame ca wa, ke ba hnaonying ame kû hnyin, helâ me hna ohia Sodoma, me Gomora, me Adema, me Zeboim, waleji Iehova ame ohia ge anyin hmönyin me anyin û:

Juda 1:7

Helâ me Sodoma me Gomora me je taun igigilo adre me tha hwakecidra me bi ûnyi monu, kʼ adre me hnu hoton ke je unyin bi, me adre me ip ödra hnân haten, kʼ adre me hângʼ ödra ka hnyi meic ame ca he bi ka mok.

Hna Omanenâ 19:20

Me adre me kât meno ae hiny; me perofeta thoi minya waleji at ame ânyâ ta je haten hnyi hnyimakan, hnân omono tavat adre me kap haten meno, mʼ ödra minya adre me khudrung ka at ae we e: ke adre me khûʼ ödru meli ödru ka hnyi nem a meic ame hiâ ge teio:

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.