Isaia 34:7 - Iaai Bible 1901 (New Caledonia)

⁷ Ke ame he je bolokiny hnyot ka tha ta mödra, me je nokon kau me je bolok; ke ame he ka monu idra hnyei ge dra, me ame he ka opipikhenya könödra kânâ.

Isaia 34:7 ပူးပေါင်းရင်းမြစ်များ

Salamo 22:21

Omeli nya thö hnyi hnyimen liona; Eke, u je hia but long könya ûnyi hnyi li faoiny bolokiny hnyot.

Salamo 68:30

Thawâ ju je menoiny ta saamun, Me je bolok ae se hia, tha ödra me je nokon kau halen tavat, Adre me uto ge je cadra je ong sileva; E ame hia but oveseâ tavat adre me senyinâ vat.

Salamo 92:10

Anyin a u je hia but ogöranyâ anyik faoiny meno helâ me faoiny rema: Adre me hû nya ge wakaco ae teb ûnyi.

Isaia 63:6

Ke oge me ututo tavat hnyi anyik hmonyin, ke omonu ödra hnyi anyik wathethot, ke oge me hingâlâ dren anyidra möt ka hnyi hon kânâ.

Jeremia 25:34

Kuku tenge thö, öbun tavat tuö mamoe; ke tenge thö me seset hnyi kânâ öbun je homakan hnahat mamoe, anyin a hwâdâ thö je bong hnân he ka hlingʼ öbun, ke oge me he ka tha oamemʼ öbun, ke öbun e he ka kolu helâ me kaia ae so.

Jeremia 46:21

Haba je aten adre me hok hwaban hnyi wanben e, ödra helâ me je nokon kau adre me tuö hnyi uma; anyin adre me hwio minya me tha kec, adre me ca tot hmâ bi: anyin ame o but kodra bong bongudra vec, ûen he ka senʼ ödra.

Jeremia 50:11

Anyin a öbun e senyin me hobâ, tavat adre me soh ik, anyin a öbun e ututut helâ me nak kau at ame utö wan hwit, me kuku helâ me je hors ae hwege;

Jeremia 50:27

Hlingâ but haleny je bolok hia; e so adre me he ka hnyi hna hlingâ: ekölö gadra! anyin ame o but bongudra bong, ûen senâ e.

Ezekiela 32:6

Oge me he minya ka hû hnyei u je hai hnyrn ke ne o but hnyi je bucen, ge drâm; ke ame he ka unöngöt je deny köiö gam.

Ezekiela 39:17

Ke haba u, nokon at lö, walang hna ha hnen Than Iehova, ka habe, Ha thö ka je meno hia ame gâ, me je menoiny hnyot hia, ka habe, Ûkhacaköu thö, ke ai öbun; ûkhacaköu ûhebun hnyi je ke keihen hia ka hnyi anyik hut wale oge me hudo hobi köbun, a hut ae gan hmâ walethö hon je bucen Isaraela, mʼ öbun e he ka an utiö me ijem dra.

Ezekiela 39:18

Ke öbun e he ka an utioiny tavat ae hwege, ke ijem dren je taben eang hmelen, ke je mamoe baga, me je nokon mamoe, me je got, me je bolok, a je meno hia ae pipikhenya ûnyi hnyi Basana.

Numera 23:22

Khong ame hum ödra ûhedra Aigupito; Ke e hu but gan helâke tang hwegeiny bolok ae hiny.

Numera 24:8

Haba Khong ame hom e ûheny Aigupito E hwege helâ me bolok ae hiny: E ame he ka an je hnyei, a je iwahnaihmiony mē, Me thu omomonou je jeiödra Me sânʼ ödra ge anyin je fana.

Deuteronomi 33:17

E hmanenang nokon haleny bolok a bân; Ke haba li faoiny, me wale faoiny bolok ae hiny: Ge li ûnyi e e ame he ka hukâ je hnyei hia ke ne o but je obiny hmeledrany: Ke haba ödra, me, je ten thauzan anyi Eferaima, Ke ödra je thauzan anyi Manasi.