Isaia 34:4 - Iaai Bible 1901 (New Caledonia)

⁴ Ke ame he ka aû but ta je döiny drany hia, ke adre me he ka vhec drany helâ me tusi: ke ame he je dö hnyin e ka kolu helâ me lan vine ame kolu, ke helâ me lan ae meleca ûnyi huyi imeta.

Isaia 34:4 ပူးပေါင်းရင်းမြစ်များ

Isaia 13:10

Anyin a haba ta je okhûiny drany me ta je deo okhûiny, ame ca he ka manen melamidra, ke ame ca he tehi ka oumumelamâ.

Isaia 13:13

Anyin a wale oge me he ka oöbubunâ je drany, ke ame he ka jijingâ hmeledrany ûnyi hnyi hnen e, hnen hmonyin ga Iehova tuhan sabaoth, me hnyi bonginy anyin wathethot ae kahwa.

Isaia 14:12

Okhû lan lö, nokon hnyomakatu, ekölö ge hnâm hna ta ûnyi ethö hnyi drany! at ame ohnyikânâ ta je hnyei lö, ekölö ge hnödra hna si u hagutö u hnyikânâi.

Isaia 51:6

Bwele thö goranyai ka hnyi drany, ke wâ ju hmeledrany eû: anyin ame he ka didrut drany helâ me hai, kʼ ame he ka amam hmeledrany helâ me ûkhaû, kʼ ame he tavat adre me! labā e ka mok helâe: ke ame he ka e balua bi anyik ûhomeli, kʼ adre me ca he ka ohia hwakecik ae wisa.

Joela 2:10

Ame öbubuny hmeledrany hnyi hnyimakodra; kʼ ame jijing drany; ame menekholom seûno me tehi, kʼ ame ca melam ta je okhû:

Joela 3:15

A lit ut seûno me tehi, ke ame ca melam ta je okhû.

Mataio 24:29

Ke hwaban vec hnyi ûen eling, ame he ka ie menekholom but seûno, ke ame ca he hmetu ka melam tehi, ke ame he ka kolu but ta je okhû, ke adre me he ka jijing ta je man hnyi drany:

Mataio 24:35

Ame he ka hia drany me hmeledrany, kʼ ame ca he bi ka hia hok ta je hofuc.

Heberu 12:27

Ke haba bongon hofuc ang, ka habe, Okhaca biju, me ame ha a gʼ adre me he ka hom dö ta je ûnyi adre me hmejijingâ, helâ me ta je ûnyi adre hia but op, me me he bi ka tethmâ ta je ûnyi adre ca hia but hmejijingâ.

Hna Omanenâ 20:11

Ke oge me wâ theron ae gan ae hau, me at ame tabâ, ke ame kec hnyi hnyimakan hmeledrany me drany; ke ca manen bi ke dok hobi ködru.

Hna Omanenâ 6:12

Ke oge me wâ e ame khong hna ohmâ haten a siksiny, me ame gan hmâ but hwiöi; me ame hlit ut seûno helâ me mano a leûnen meno, ke haba tehi hia, me helâ me dra;

Hna Omanenâ 8:12

Ke ame tûâ thö trutru hnen angela a vakiny, me adre me kot ke keihen a kuniny seûno, me ke keihen a kuniny tehi, me ke keihen a kuniny ta je okhû; waleling me me menekholom but je ke keihen a kuniny, ke ame ca melam hmetu ke keihen a kuniny bong, ke helâe minya ge lit.