Isaia 33:9 - Iaai Bible 1901 (New Caledonia)

⁹ Ame tenge me sēnyin hnyei: e hmehma Lebanona, ke meleca thö: ke ûcû but Sarona me hnyebuba; ke ame öbubuny Basana me Karemela.

Isaia 33:9 ပူးပေါင်းရင်းမြစ်များ

Jobu 15:33

E ame he ka jijingâ degecâ anyin je wan ae but helâ me vine, Kʼ ame he ka kolu anyin je vongon helâ me elaio.

Khumöng Hwanyi Solomona. 2:1

INYA ang obedilainy Sarona, Me sosaniny je hwatapkölu

Isaia 10:34

Ke e ame; he ka sö hnyot ae khot ge fao, kʼ ame he Lebanona ka ta ge at ae hwege.

Isaia 14:8

Eke, ame senyin köu ta je kop, me je arasiny Lebanona, me ha, ka habe, Hwân hnyi hnödra hna omokuli u, me ba at si uto ame o kohmun.

Isaia 2:13

ke hon je arasiny hia Lebanona, ae gorany ke beû; ke hon je iwajoiny hia Basana;

Isaia 24:1

WÂ bi, Iehova ame öba ûnyi hnyi hmeledrany, me öba waniny, me ohnyimenâ e hnyikânâi, me oveseâ tavat adre me labā e.

Isaia 29:2

me oge me he ka ovecâ Ariela, ke ame he ka hu hlöuhlöu me tenge: ke e ame he ka hing Ariela könya.

Isaia 3:26

Kʼ ame he je homagouleny ka tenge me hlöuhlöu; ke e ame he ka laba eû hnyi kânâ ke ba at unyin.

Isaia 35:2

E ame he ka vhong gan hmâ me senyin ge hobâ me khumöng; adre me he ka ham kâu hmanenanginy Lebanona me mecin Karemela me Sarona: adre me he ka wâ hmanenangi Iehova, wale mec anyin Khonguta.

Isaia 37:24

U je hia but haikongoâ Than a deny je athnyabaem, me ha, ka habe, O ge ölö hon je bucen hnyi ke keihen Lebanona tha inya me anyik ta je kariota ae se hia; ke oge me he ka sö but ta je arasiny ae beû goranyai me je kopiny adre ûca: ke oge me he ka o ka hnyi dok a göranyin, hnyi hnyeuten adre belökâ.

Isaia 65:10

Ke ame he Sarona ka hnân hnyeuleiny ta je mamoe, ke haba, hwatapkoluiny Akora me hnân mokut hnen je hna hat meno, hobi kâu lakeik waleji tavat adre me elom nya.

Jeremia 50:19

Ke oge me he ka ohmetu Isaraela ka hnyi hnyaban; ke e ame he ka han tot hon Karemela me Basana, ke e ame he ka han me sekon hon je hut hnyi Eferaima me Gileada.

Hosea 4:3

Anyin a wale ame he hnyei ka tenge, kē sēnyin hia but tavat adre me labâ e, tha ödra me je menoiny hnyot, me je meno ame gâ ethö; eke adre me he minya ka hom but je wâ eû hnyi köiö.

Amosa 1:2

Ke haingen, ka habe, Ame he Iehova ka kuku hwege hnyi Ziona, me fuc ûnyi hnyi Jerusalema; kʼ ame he bi ka tenge je hnyaban tavat tuö mamoe, kʼ ame he ka meleca ban Karemela.

Mika 7:14

Han ju lakem ge ânyâm uci, wale hnahat mamoe a jekhom, wale hnyat adre me hake laba hnyi hnyot hnyi wanben Karemela: e so adre me he ka an tot hmetu hnyi Basana me Gileada helâ me hnyi je bong kâû adrem.

Nahuma 1:4

E ame thawâ köiö me omada e, me ohmö ta je wagewe hia: e sënyin thö Basana me Karemela, e meleca thö vongon hnyi Lebanona.

Ta je huliwa 9:35

Ke haba tavat hia adre me laba hnyi Lida, me Sarona adre me wâ ûnyi eling me hwio ka Than.

Deuteronomi 3:4

Ke ate me hûgûnâ anyin ta je taun hia hnyi ûen eling; ke ba taun ate me ca hûgûnâ ûnyi gadra; a sikste je taun, wale hnyei hia hnyi Aregoba, dökhu dökhu Oga e Basana.