Isaia 33:4 - Iaai Bible 1901 (New Caledonia)

⁴ Adre me he ka hlo hnobun ta je hna söh helâ me hna hlo hnen ihmâ: helâ me hna gâ ge ta je wahamon, adre me he ka gâ kâu.

Isaia 33:4 ပူးပေါင်းရင်းမြစ်များ

II. Man Ûlabainy Je Than. 14:13

Ke haba Asa me tavat unyin ödrin e hnu ödrin ke ne o but hnyi Gerara: me ame ta but at Aithiope ae se hia me me ba hmetu manidrin; anyin adre ohi ʼödrin hnyi hnvimakö Iehova, me anyin utbavat; ke ti gan ta je ûnyi adre so.

II. Man Ûlabainy Je Than. 20:25

Kʼ a o but Jehosafata me lakeiny he ka sö anyidrin ta je ûnyi, ödrin e wâ unyidrin je omjeû ae se hia tha e me je komok, me je omjeû ae so, wale ödrin e uny jut hobi ködrin bi, me ba hmetu hmai he ka hom: ke kun bongudrin ka labö sukhöûnâ ta je ûnyi, anyin ae ti gan.

Isaia 33:23

A ok ut je toiny hom hu; e ca ûcû hnân ohmâ taben anyidra aneunya, e ca khanʼ ödra he ka ulolo hûnyû: me adre me khenâ but hna söh ae gan hmâ: ame he tavat ae kong je cadra ka hûgûnâ hna söh.

Isaia 33:3

Ame kec ta je hnyei ge hwan imonumonun; kʼ ame vese but ta je hnyei u ka todrö.

Isaia 33:5

Adre me oganö Iehova; anyin a e ame laba ethö: e ame hia but ounöngötâ Ziona ge hna owisa me hwakecin ae wisa.

Ezekiela 25:7

anyin a wale, wâ bi, oge me he ka hai hnyamok hom, kʼ oge me he ka hnö u me hnân söh hnen ta je hnyei; ke oge me he ka subâ degeci u unyin tavat, me ohiö u ûnyi hnyi je hnyei: kʼ oge me he ka ohiö u, me u me he ka wâ a inya Iehova.

Joela 1:4

Haba kolon ame hna ge lakon wahamon, me ame han e hnen wahamon veto, ke haba ju hna hna hnen wahamon veto, me ame han hnen oböu, ke haba hna hna hnen oböu, me ame han hnen walewi.

Joela 2:25

Ke oge me he ka bi hwaban köbun je huna, waleji a an hnen wahamon veto, me oböu me wale wi, me nokon wahamon, wale anyik utbavat ae gan oge kunâ köbun.

Joela 2:3

Ame han meic hnyi hnyimakodra, ke haba bâhlân ame hlâ hwabödra: haba hnyei hnyi hnyimakodra, me helâ me hnyei Edena, ke hnyebuba ae ba wan hnyi hwabödra; eke, ke ba at ame kec mot ge ioidra.

Joela 2:9

Adre me utut ka hnyi taun; adre me wadring hon hak veto; adre me ölö ka hnyi hnyin je uma; kʼ adre me didro hnyi je mamalama helâ me at venöu.