Isaia 33:2 - Iaai Bible 1901 (New Caledonia)

² Iehova lö, betenge ju gahmun; öhmun e hia but halubahingâm: e so u ma bi hnyamödra hnyi je hnyomakatu, ke melihmun minya hnyi ûen vec.

Isaia 33:2 ပူးပေါင်းရင်းမြစ်များ

Salamo 123:2

Wâ bi, je li emakan ta je athnyaba ame hngele ka hnyi hnyamen ta je tuhödra, Ke li emakan in ame hngele ka hnyi hnyamen tuhan a momo; Helâe minya je li emaköta kö Iehova a Khonguta, Ke ne o but e ame he ka betenge gata.

Salamo 143:8

Hnö nya he ka long ânyâm ibetengiö hnyi hnyomakatu; Anyin a inya oge me labageju köu: Okhanö nya thö gethen deny hanymök; Anyin oge me ogöranyâ hanuk köu.

Salamo 25:3

Eke, ame ca he ka hmehma at ame halubahingâm: Ke ame he ka hmehma tavat adre me iyawö ke ba can.

Salamo 27:1

IEHOVA melamik me at ame omeli nya; oge ma outö ia? Iehova tang hwegien anyik möt; ia oge ma outen?

Salamo 33:22

Iehova lö, e so e e huhmun ânyâm tang betenge, Hoton hnöhmun hna hia but labageju köu.

Salamo 37:39

Ke haba ûhomeli anyin tavat ae wisa, me ûnyi ga Iehova; E thibi tang hwegiödra hnyi ûen vec.

Salamo 46:1

KHONG thibi hnöta hnabâ me tang hwegiöta, E ûhadruo ae hakekeny hmonyin hnyi vec.

Salamo 46:5

E but Khong hnyi wanben e; kʼ ame ca he ka bwebwet: Ame ie he Khong ka hadruâ e, wale hnyi okubelit.

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Salamo 60:11

Hadruʼ ohmun dö ûnyi ge iwahnaihmiony: Anyin ae ûnyi baû bi hna hadruâ hnen at.

Salamo 62:1

AME laba hnyibû hanuk ka Khong thibi: Ûnyi gan anyik möt.

Salamo 62:5

Hanuk lö, e so u me he ka laba hnyibû ka Khong thibi; Anyin a ûnyi gan hnok hna gejon.

Salamo 62:8

Tavat lö, labageju thö kâu hnyi je bong; Hingâlâ but je hnyekubun hnyi hnyimakan: Khong thibi hnöta hnabâ. [Sela.

Salamo 90:15

Osenyini ohmun dö hoton ûseiny je bong waleji u je oveci ohmun hnyin, Waleji ta je huna ohmun e wâ monu hnyin.

Salamo 91:15

E ame he ka hawo nya, me oge me he ka thu kâu; Oge me he ka tha inya mē hnyi vec: Oge me he ka omelo e, me ogânâ e.

Esodo 14:27

Ke haba Mose ame inâ hnyamen hon köiö, me ame khutu hmetu but köiö ka hnyi hnen, hnyi ioiny dö lany; ke haba at Aigupito adre me kec me ûkhöû me: ke Iehova ame khûâ at Aigupito ka hnyi wanben köiö.

Isaia 17:10

Anyin a u je hnying Khongon ânyâm ûöhmeli, ke u je ca ûnykûme kicin tang hwegiâm; anyin a wale u je tā je ûo ae hmanenang, me tā ta je hatong kanyua:

Isaia 25:4

Anyin a u thibi hnabâ ka at ae vec, me hnabâ ka at ae theduoc hnyi anyin hmak, me hnedrong hnyi weneû, me hna baelelu hnyi kahwa, e ka helâ me weneû anyin tavat ae hwege hnyimakodra ka hnyi hna up veto.

Isaia 25:9

Ke adre me he ka ha hnyi bong eling, ka habe, Wâ bi, Khonguta ang; ate me halubahingen, ke e ame he ka omeli öta: Iehova ang; ate me halubahingen, ate me he ka senyin me hobâ anyin ûhomeli.

Isaia 26:16

Iehova lö, hnyi ûen vec adre hia but senö u, adre me hingâlâ hic, u ka hom ûhnyûkongu ödra.

Isaia 26:8

Eke, Iehova lö, hnyi gethen deny hnâm je hna owisa, öhmun e hia but halubahingâm; ke weny je hnyekuhmun ka iâm, ke he ka ûnykûmi u.

Isaia 37:3

Ke ödrin e ha kâu, ka habe, Walang hna ha hnö Hezekia, ka habe, Bonginy vec, me û, me ûhaikonguny bong ang: anyin a ûen a o ta je wanakat, ke ba at ae hwege he ka hnokoâ.

Isaia 40:10

Wâ bi, ame he Than Iehova ka o helâ me at ae man, kʼ ame he benyin ka musi hobi kâu e bi: wâ bi, e unyin hwaban, ke e hnyi hnyimakan hwaban anyin huliwa.

Isaia 51:5

E hakekeny jut hwakecin ae wisa, a he but anyik ûhomeli, ke ame he li benyik ka owisa ta je hnyei; ke ame he ta je bomene ka halubahing nya, me labageju ka hnyi benyik.

Isaia 59:16

Ke e ame wâ ae ba at, me e ame lâiâ ae ba at ame khöûâ: anyin a wale ame ka ânyâ möt hobi kâu e hnen hnyamen bi; ke ame cö e anyin bi hwakecin ae wisa.

Isaia 8:17

Ke oge me he ka halubahing Iehova, at ame ikhâlâ hnyimakan ge lap anyi Jekob, ke oge me he ka elâm e.

Jeremia 14:8

Gejon Israela lö, at ame omelo e hnyi ûen vec, anyin a ieû u je helâ me atkanyua hnyi hnyei, me helâ me at ame vheno gethen me e ame saû thö ka mokut?

Je tenge anyi Jeremi 3:23

Kʼ ame teb ûnyi hnyi je hnyomakatu; e gan hmâ ânyâm hnathu.

Hosea 14:2

Hom dö je ifucibun ke hmeto ju kö Iehova, ha thö kâu, ka habe, Hom dö hulo hia, me kap ju ûnyi ae so: me ohmun e he ka ham je hudiny hnyi-möhmun.