Isaia 33:1 - Iaai Bible 1901 (New Caledonia)

¹ EKÖLÖ gam at ame söh, kʼ adre ca sei u bi; ke u at ame iyawo, kʼ adre ca iyawo u bi! U ka hia but söh, me adre me he ka sei u; ke u ka bi obiny ânyâm iyawo, me adre me he ka iyawo u.

Isaia 33:1 ပူးပေါင်းရင်းမြစ်များ

Ta je Vejec 22:23

Anyin ame he Iehova ka ivino hobi ködra, Me hûgûnâ melen tavat adre me sei ödra.

Isaia 10:12

Anyin a wale e ka hia but Than umo anyin huliwa hia ka bucen Ziona me Jerusalema, me oge me he ka senâ wan hnyok bigan anyin than Asuria, me hmanenanginy li emakan ame begörany.

Isaia 14:25

Ke oge me he ka oamâmâ at Asuria hnyi ik hnyei, me uto e hmelen li cak hon anyik je bucen: me ame he ka hia hna ûhûkâlâköuâ ûnyi gadra, me honen hok ûnyi hnyi hon je bajebenyidra.

Isaia 17:14

Ke e ka sahac ut, wâ bi adre me öbubuny; ke e tiga ca hnyomakatu bi, e hia ödra but. Wale jekhon tavat sei öta, me jekhon tavat adre me hûgûnâ anyita ta je ûnyi.

Isaia 21:2

Adre thumetu nya ge hna omanenâ ae hmak; at ânyâ hwakecin iyawâ ame iyawâ, ke at sei ame söh. Elama lö, ölö thö; Madai lö, igigilo ju; oge hia but umo je bongon mâng hia.

Isaia 24:16

Ate me hia but long je khumöng ûnyi hnyi can hmeledrany, hna ogânâ tavat ae wisa. Ke haingök, Oge me delâ tot, oge me delâ tot, ekölö gak! a hia but iyawo ge tavat iyawo; eke, ame iyawo gan hmâ hnen tavat iyawo.

Isaia 31:8

Me ame he at Asuria ka ta ge hele vat, ca hele vat bi anyin at; ke ame he ka an e ge hele vat, a ca hele vat anyin at: ke e ame he ka kec ge hele vat, kʼ ame he wahidröu unyin ka bi fat.

Isaia 48:8

Eke, u je ca long; eke, e ca khatö u, eke, adre ca khong li hnyikönyâm hwân ehac: anyin ae khanö nya a u at iyawo gan hmâ, ke u at hanyâûâ hwân hnyi hnyekon hinyâm.

Ezekiela 39:10

mʼ adre me ca he ka thigö hnyi hnyei, me si utö hnyi hnyot; anyin adre me he ka bi meic ge ta je ûnyi hnân vat: ke adre me he ka söh tavat waleji adre me sei ödra, me hûgûnâ ûnyi ge tavat adre me hûgûnâ gadra, haingen Than Iohova.

Zefania 3:19

Wâ bi, hnyi ûen eling oge me he ka mâdrʼ ödra hia tavat adre me oveci u: ke oge me he ka omelö at ame he ci, ke hlo at adre me obâ; ke oge me he ka wiʼ ödra hnân ogânâ me lung bi, wale adre me hmehma gadra hnyi hmeledrany hia.

Mataio 7:2

Anyin a haba tulutiny hnobun hna ûnykûme hwalö, adre me he ka ûnykûme hwali öbun bi: helâe minya adre me he ka tulut köbun hoton hnobun hna tuluto.

Hna Omanenâ 13:10

A ne ke at ame he ka hom bâ, me adre me he ka hom hwenbâ e: a ne ke at ame hlingâ ge hele vat, me adre me he ka hlingâ e ge hele vat. Wale hok hnyok me labageju anyin wakap.

Hna Omanenâ 16:6

anyin a adre me hingâlâ dra dren wakap me ta je perofeta, ke u je habelidra ge dra: ae ûcû kodra.

Hna Omanenâ 17:17

Anyin a Khong ame ip eû hnyi je hnyekudrin he ka ohwâdâ weny, me he ka tha hnyok, me ham dökhudrin dokhu ka meno, ke ne o but ame hwâdâ je hofuc hwan Khong.

Owisa 1:7

Ke Adoni-bezek ame ha, ka habe, Odrin sevente je than adre subâ je bahnyökveto me li bacan ae gan gadrin, odrin e hlo je atmen hmelen anyik laulau: ke haba Khong ame bi hwaban könya helâ me hnok hna ânyâ. Ke odrin e hom e Jerusalema ai, me e ame mokcu eling.

Owisa 9:23

Ke haba Khong ame kunâ hanu ae kong kö Abimelek me at Sekema; ke haba at Sekema ödrin e iyawö Abimelek: