Isaia 32:6 - Iaai Bible 1901 (New Caledonia)

⁶ Anyin ame he at ae monu ka ha hofuc ae monu, kʼ ame he hnyekon ka ânyâ hulo, wale he ka ânyâ hwakecin ae ca ûcû, me ha monu ga Iehova, me oba jeû ka at ae mekihnânem, me ohmö köiö belen at ae beic.

Isaia 32:6 ပူးပေါင်းရင်းမြစ်များ

Salamo 141:4

Ca ohmehmela hnyekuk ka hofuc ae kong, He ka tha ânyâ hwakecin ae kong Me tavat adre me ânyâ hulo: Ke ca hnö nya he ka an ö ʼdra jeû ae senem.

Ta je Vejec 19:3

Haba hwen monu anyin at, me ame ohwalö deny gethen; Ke ame hmonyin hnyekon ko Iehova.

Ta je Vejec 24:7

E ti gorany hmonyin metâ ka at ae monu: E ame ca hnyi ha hofuc hnyi homagöule.

Isaia 10:2

he ka wia at ae theduoc hnyi hna owisa, me ohia wisa ûnyi ge lakeik adre me vec, mʼ adre me söh ta je safac, me hûgûnâ ta je ûnyi anyin tavat ae ba kamödra!

Isaia 10:6

Oge me he ka kunâ e ka tavat a adre ca ot, ke oge me he ka hûna kâu hnyei ae hmönyik ka hnyin, he ka hûgûnâ ta je omjeû, me söh ta je ûnyi, me uti ödra helâ me hmudra hnyi je gethen.

Isaia 26:10

Eja ke ne adre ne betenge ge at ae kong, me ame ca he ka nâ wisa; kʼ ame he ka ânyâ hwakecin ae hwali hnyi hnyei ae wisa, kʼ ame ca he bi ka wâ hmâ hmanenangi Iehova.

Isaia 3:15

ke ieû gabun öbun e okongoâ lakeik, me omomono hnyimakan ta je theduoc? haingö Iehova tuhan sabaoth.

Isaia 31:2

Ke so bi e metâ, ke e at ame oâ ûnyi ae kong, ke ame ca he ka ohmeto hwan je hofuc: ke e ame he ka tot metâ ka lap anyin tavat ae kong, me ka singiny tavat adre me ânyâ monu.

Isaia 59:13

wale hnyi hnöhmun hna hanyâûâ me ivino Iehova, me hmetuhmetu ge Khonguhmun, me ha ûöveci me thu musi, me ûnykûme me ha ûnyi hnyi hnyok je hofuc ae thoi.

Isaia 59:7

Ke ame wadring je cadra ka hnyi hulo, kʼ adre me logot hingâlâ dra ae ba hnyikongon: je ûnykûme ae kong je ûnykûmenödra; ke eû hnyi anyidra je hna cit gethen hnaûhango me ûokonguny.

Isaia 9:17

Anyin a wale ame ca he Than ka senyin ge je hidröu unyidra ke e ame ca he ka betenge ge tavat ae ba kamödra, me je safac: anyin a ödra hia thithö adre me ca ot, ke tavat bi ae kong, me je hnyem hia ame hwen monu. Hnyi ta je ûnyi e hia, ame ca hwio anyin hmonyin, ke ame lau bala bi hnyamen.

Jeremia 13:23

Hawa, e khana at Aithiop he ka wia unen unyin, me lepad, hna bi hnahlimen unen? awe, e khanʼ öbun he ka ânyâ so, wale tavat adre me khenen he ka ânyâ hulo.

Ezekiela 34:18

Hawa, ûnyi ae ûhnyûkong köbun wale hnobun hna han hnyi sajilat ae so, me öbun e he minya ka utö bi ge cabun kolon anyibun sajilat? ke öbun e ijem je an ae alai, me ohâeâ bi kolon ge je cabun?

Daniela 12:10

Ame he tavat ae se hia ka obosoi ödra, me ohawʼ ödra, me ânyâwi ödra; ke ame he tavat ae kong ka ânyâ hwakacin ae kong bala; ke ame ca he ke at ae kong he ka wâ ûnykûme: ke so bi, ame he tavat ae metâ ka wâ ûnykûme.

Amosa 8:6

mʼ ate me ûco tavat ae ba ta ûnyi, hwaban sileva, ke at ae theduoc hwaban li tangen hnyeûca, ke ûco ta je tiren hwit.

Mataio 15:19

Anyin ame didrut ûnyi hnyi hnyok ta je hna ûnykûme ae kong, me je ûhlingö, me venöu âiân ke at, me bi ûnyi monu, me venöu, me ohnatho thoi, me haikongo:

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Iakobo 1:27

Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.

I. Samuela 24:13

Helâji me vejec ehac anyin wahingat, ka habe, Ame o ûnyi ae kong ûnyi ge at ae kong: kʼ ame ca he hnyamok bi ka mokut hom.