Isaia 32:4 - Iaai Bible 1901 (New Caledonia)

⁴ Ke ame he je hnyok ame tot bebehû ka nâ he ka wâhmakhmeto, ke ame he je esongodiny tavat ae teta ka ie fuc wisa.

Isaia 32:4 ပူးပေါင်းရင်းမြစ်များ

Esodo 4:11

Ke haba Iehova ame ha kâu, ka habe, Ia op hnyimen at? ke ia op hum, me wijiji, me bwela, me wadröu? hawa ca inya bi Iehova?

Khumöng Hwanyi Solomona. 7:9

Ke helâ me waina ae so hnyimâm, Wale adre me omi uto hobi kâu oûnykûmik, Kʼ ame ofuco li esongodiny at ame mokut.

Isaia 29:24

Me ame he tavat ae monu hnyekudra ka wâ metâ, kʼ ame he tavat ulit ka ûnö hna ûnö.

Isaia 35:4

Ha thö kodra tavat ae sēnyin hnyok, ka habe, Hwege thö, ca ot bi: wâ bi, ame he ka o Khongubun tha e me hwaban, ame he Khong ka bi hwaban; e ame he ka o me omeli öbun.

Isaia 35:5

Me ame he ka obwela je emakan tavat a ödra wadröu, me khong je hnyikonyen tavat ae wejiji.

Mataio 11:25

Hnyi ûen e Iesu ame thu me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ me tavat ae khana wia, ke u je omanenâ bi ka ta je mendreng:

Mataio 16:17

Ke haba Iesu ame thu me ha kâu, ka habe, Hnâm hnahic Simona Bar-Jona: anyin a ca omanenâ bi köu hnen at, ke hnen bi Kamök ethö hnyi drany.

Ta je huliwa 4:13

Ke ödrin e wâ ihwegiö Peteru me Ioane, ke ödrin e wâhmakhmeto a ödru li at ae ca khanʼ ödru tusi, ke adre ca nâ, me ödrin e lâiâ; ke ödrin e wâhmakhmeto a ûnyi ödru ga Iesu.

Ta je huliwa 6:7

Ke ame khulelau hofuc hwan Khong, ke ti se hia tavat adre me long hnyi Jerusalema; ke se hia minya tavat bihut adre me hnyi labageju.

Galatia 1:23

Ke so bi adre me long thibi, ka habe, at eji ame okongu ota ehac, ame khetâ walang ang labageju waleji e ame oaûâ ehac;