Isaia 32:2 - Iaai Bible 1901 (New Caledonia)

² Ke ame he at ka helâ me hna lubaduöng ge ang, ke nedrong ge weneû; helâ me je di hnyi dok ae hwahwacit, helâ mē dok ae hmenu hnyi kic ae gan hnyi hnyei ae sēnyin.

Isaia 32:2 ပူးပေါင်းရင်းမြစ်များ

Salamo 143:9

Iehova lö, hûgûnö nya but unyin ta je iwahnaihmiony mönya: Oge hia but lubaduöng unyâm.

Salamo 32:7

U thibi hnok hna lubaduöng; u me he ka tuö nya ge vec; U me he ka igigili nya ge je khumönginy ûhomeli. [Sela.

Salamo 63:1

KHONG lö, u thibi Khonguk, o ge me he ka elöm u hnyi haolany: E beic hanuk unyâm, e gan hmâ weny unyik köu, Hnyi hnyei ae mada me sënyin, dok ae ba köiö hnyin.

Salamo 91:1

HABA at ame laba hnyi hna lubaduöng anyi Beönua, Me ame he ka laba bala huyi hmenon Ataekhanahia.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 16:3

Ha ju bongon, owisa thö; bi hmenom ju helâ me lit hnyi jebigo: ikhâlâ ju je hna obâ; ca he ka hâiâ tavat adre kec.

Isaia 25:4

Anyin a u thibi hnabâ ka at ae vec, me hnabâ ka at ae theduoc hnyi anyin hmak, me hnedrong hnyi weneû, me hna baelelu hnyi kahwa, e ka helâ me weneû anyin tavat ae hwege hnyimakodra ka hnyi hna up veto.

Isaia 28:17

Ke oge me he ka ânyâ hna owisa hnân tulut, ke hwakecin ae wisa hnân tulut ûhni; kʼ ame he we wahma ka aba degecâ hna-bâiny thoi, kʼ ame he ka bahihingölö ta je köiö ka hnyi dok adre me lubaduöng hnyin.

Isaia 41:18

Oge me he ka oâ je wagewe hon je bucen ae ba leûnen, ke je hna pupua köiö hnyi je hnyigöulen je bucen: oge me he ka wia hnyebuba me me köiö, ke hnyei ae hwahwacit me me je an ame pupua.

Isaia 43:19

Wâ bi, oge me he ka ânyâ ûnyi a teb ûnyi; kʼ ame he ka kû walang ang; ame ca he ka khanʼ öbun e? Oge me he ka bi gethen hnyi hnyebuba, me bi wagewe hnyi hnyei baga.

Isaia 43:20

Ke ame he ka oganö nya hnen je menoiny hnyot, je luko me je iaena: anyin oge me oâ köiö hnyi hnyebuba, me je wagewe hnyi dok ae hnyei baga, he ka habelen lakeik waleji oge ûca:

Isaia 44:3

Anyin oge me he ka hingâlâ köiö hon at ame beic, me je wagewe hon dok ae hwahwacit: oge me he ka hingâlâ hanuk hon je mâtrânâm, me hnahicik hon tavat adre me o ûnyi gam:

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Jeremia 33:14

Wâ bi, ame he ka o je bong, haingö Iehova, me oge me he ka ohwâdâ hofuc ae so waleji oge ha ge lap anyi Isaraela me lap anyi Juda.

Je tenge anyi Jeremi 4:20

Haba hna menû hnyi je hnyingöihmun, wale a hû Iehova, me ame didrut hnyi anyidra je thop; Waleji at ohmun e ha gan, ka habe, Ohmun e he ka mot unyin je hnyei hnyi hmelen hmenon.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Ioane 7:37

Hnyi bong a biliny bonginy bijeû, wale bong ae gan, Iesu ame todrö me ha hwegiâ, ka habe, A ne ke at ae beic, he but jem ka ic unyik.

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

Hna Omanenâ 22:1

KE e ame omanenâ könya wagewiny köiö möt ae alai helâ me uselat, ame di hnyi theron anyin Khong me Arenio,