Isaia 32:19 - Iaai Bible 1901 (New Caledonia)

¹⁹ Ke ame he ka ta we ae wahma, hnyi ûen ame he ka û hnyot; ke ame he ka hnyikânâ taun.

Isaia 32:19 ပူးပေါင်းရင်းမြစ်များ

Isaia 10:18

Ke e ame he ka an hmanenanginy anyin hnyot, me iny hnyei ame wa wan, wale hanu me unyin: kʼ ame he ka helâke at kât boûdila ame ta ke mok.

Isaia 10:19

Ke haba kolon ta je ûöiny anyin hnyot ame he ka wakhalet, me me khana wanakat ka sihnalimidrin.

Isaia 10:33

Wâ bi ame ke Than, Iehova tuhan sabaoth, ka sö degecâ ta je vheiny ge hna outen: ke haba tavat ae beû goranyai, me adre me he ka öûo, ke adre me he ka ohnyikânâ tavat bi gan.

Isaia 24:10

Adre me hagutâ taun ae monumonu: adre hlöng je uma hia me me ca he bi at ka dit.

Isaia 24:12

E ba onyen hnyi taun, ke adre kot homagöule ge hnaûhango.

Isaia 25:2

Anyin a u je wia taun me me je hna digic thatûnyi bi; ke taun adre up haginy me me ba wan: ke uma umen je atkanyua me me ca taun hmetu bi; ke adre me ca he bala bi ka op e.

Isaia 25:4

Anyin a u thibi hnabâ ka at ae vec, me hnabâ ka at ae theduoc hnyi anyin hmak, me hnedrong hnyi weneû, me hna baelelu hnyi kahwa, e ka helâ me weneû anyin tavat ae hwege hnyimakodra ka hnyi hna up veto.

Isaia 26:5

Anyin a e ame hia but öüo tavat adre me laba ethö, wale taun ae gorany: e ame ohnyikânâ e, me othahonâ e me sesâ.

Isaia 27:10

Anyin ame hake laba taun adre up haginy, hnyaba ae ba wan kʼ adre degec ut, helâ me hnyebuba: ame he ka han tot eling nokon kau, kʼ ame he ka mokut eling, me an ta je anginy.

Isaia 28:17

Ke oge me he ka ânyâ hna owisa hnân tulut, ke hwakecin ae wisa hnân tulut ûhni; kʼ ame he we wahma ka aba degecâ hna-bâiny thoi, kʼ ame he ka bahihingölö ta je köiö ka hnyi dok adre me lubaduöng hnyin.

Isaia 28:2

Wâ bi, e unyin Than at ae hwege me hnyok baga; helâ me hna ta hnen we ae wahma, me hou ame okongoâ, helâ me je köiö ame di hwege me bahihingölö, adre me he ka sa hwegiâ hnyikânâi.

Isaia 29:4

Ke u me he ka hnyikânâ, me fuc eû hnyi kânâ, ke ame he ka ûhnyûkong ifucâm eû hnyi sesâ; ke ame he ifucâm ka helâ me hwan at tren biobotkong, eû hnyi kânâ, ke ame he hnâm hna fuc ka ulit eû hnyi sesâ

Isaia 30:30

Ke ame he Iehova ka olöngâ ifucin ae hmanenang, me omanenâ ûköluiny hnyamen, tha e me anyin hmonyin ae gan, me bâhlân meic ame han, tha e me hna oamamâ, me weneû, me we wahma.

Isaia 37:24

U je hia but haikongoâ Than a deny je athnyabaem, me ha, ka habe, O ge ölö hon je bucen hnyi ke keihen Lebanona tha inya me anyik ta je kariota ae se hia; ke oge me he ka sö but ta je arasiny ae beû goranyai me je kopiny adre ûca: ke oge me he ka o ka hnyi dok a göranyin, hnyi hnyeuten adre belökâ.

Nahuma 1:1

HOK honen Nineve. Tusiny hna omanenâ kö Nahuma at Elekosi.

Nahuma 1:8

E ame he ka ti ohia dok e ge di at ame aba, me hnu je iwahnaihmiony më ka hnyi menekholom.

Zakaria 11:2

Kop lö, kuku tenge thö, anyin a ta but arasi, kʼame kong ut je ûö ae hmanenang: je iwajoiny Basana lö, kuku tenge thö, anyin ae hnyikânâ but uhnyot ae hwege.

Mataio 7:25

me ame ta but we, me ame o but di, me hwege but ang, me kot uma e; ke ame ca û bi: anyin a taben kic.

Hna Omanenâ 18:21

Ke haba ke angela ae hwege ame hom veto helâke me veto adre omomono ae gan me khûâ ka hnyi köiö, me ha, ka habe, Helâe minya adre me he ka hagutâ Babulona taun ae gan, ge hna khûâ ae hwege, ke adre me ca he hmetu ka wâ e bala.

Hna Omanenâ 8:7

Ke ame tûâ thö trutru hnen angela a bân, me ame ta but we ae wahma me meic adre ûhaniken me dra, me adre me khûâ ka hnyi hmeledrany: me adre me thong degecâ ke keihen a kuniny hmeledrany, kʼ adre thong minya ke keihen a kuniny je ûö, kʼ adre thong hna önying hia ae hât.