Isaia 32:14 - Iaai Bible 1901 (New Caledonia)

¹⁴ anyin adre me he ka hna bi uma ae mec, adre me he ka degec taun ae ti hu aten; ame he dok ae hut me tap tue ka hnân op nyiele balua, hnân senyin hnen je asinainy hnyot, hnân han tot hnen ta je hnahat meno;

Isaia 32:14 ပူးပေါင်းရင်းမြစ်များ

II. Je Than 25:9

me e ame thong degecâ uma umo Iehova, me uma umen than; me je uma hia hnyi Jerusalema, wale je uma ae gan, e ame thong degecâ ge meic.

II. Man Ûlabainy Je Than. 33:14

Ke hwaban, e me ame op ke hak veto hoton eû taun anyi Davita, hnyi ke keihen e jio Gihona, hnyi hnyigöulen bucen, ke ne o but hnyi gethen ame dit hnyi homagouleny je wâ; kʼ ame khenyi ka hnyi Ofela, me ti op goranyai: ke e ame ip je taben vat hnyi ta je taun hia adre up haginy hnyi Juda.

Nehemia 3:26

(Ke haba at Nethini me ödrin e laba hnyi Ofela, ke ne o but dok cicö homagouleny köiö hnyi hnyimakan e deiö, me hnabâ ame silöû.)

Salamo 104:11

Ame ijem e hnen ta je menoiny hnyot hia; Ke sekon dö ta je asinainy hnyot adre beic.

Isaia 22:2

U at ae unöngöt ge hwan kuku, taun ae mede, taun ae senyin; haba je kokâm me adre me ca hlingâ ge hele vat, kʼ adre me ca mok hnyi vat.

Isaia 24:10

Adre me hagutâ taun ae monumonu: adre hlöng je uma hia me me ca he bi at ka dit.

Isaia 24:12

E ba onyen hnyi taun, ke adre kot homagöule ge hnaûhango.

Isaia 25:2

Anyin a u je wia taun me me je hna digic thatûnyi bi; ke taun adre up haginy me me ba wan: ke uma umen je atkanyua me me ca taun hmetu bi; ke adre me ca he bala bi ka op e.

Isaia 27:10

Anyin ame hake laba taun adre up haginy, hnyaba ae ba wan kʼ adre degec ut, helâ me hnyebuba: ame he ka han tot eling nokon kau, kʼ ame he ka mokut eling, me an ta je anginy.

Isaia 3:26

Kʼ ame he je homagouleny ka tenge me hlöuhlöu; ke e ame he ka laba eû hnyi kânâ ke ba at unyin.

Isaia 5:9

Ame ha Iehova hnyi li hnyikönyök, ka habe, E hnathu ame he ka ba onyen ta je uma ae se, je uma ae gan me hmanenang, ke ba at ame he ka labā.

Isaia 6:11

Me oge me ha, ka habe, Than lö, ke ne o but kehö î Ke haingen, ka habe, Ke ne o but ame ba but wan je taun, ke ba at ame labā, ke ba but at hnyi je uma; ke ba but wan hnyei,

Isaia 7:23

Ke haba hnyi bong eling, hnyi ta je hnyei hia ae hu vine hnyin a wan thauzan, a hwaban je ong sileva a wan thauzan, me wale ame he bi ka hnen ta je iwadekong me watetaföcö.

Jeremia 14:6

Ke haba je asinainy hnyot adre me tot hnyi je dok ae gorany, adre me momokhon can ae ba ang, helâ me je alegeta: a dit ut je emaködra anyin ae ba but önying.

Jeremia 33:4

Anyin a walang hna ha hnö Iehova, Khongu Isaraela ge je umainy taun ang, me je uma umen je than Juda, wale adre kia hnân singidra ge je dok adre hlu goranyai me je hele vat, ame ha, ka habe,

Jeremia 52:27

Ke haba than Babulona ame kot hlingʼ ödra hnyi Ribela hnyi hnyei Hamath. Me adre me hom hwenbâ at Juda ûnyi hnyi idra hnyei.

Jeremia 6:5

Todrö, mʼ ate me he ka ölö hnyi hnyinghet, me ate me he ka ohia je uma umen tuhan.

Hosea 2:3

wâ oge nye uny jut anyin je ûkhaû, me hna but e, helâ me hnyi bong e ame o hnyin, me wia e me me helâ me hnyebuba, me ip e helâ me hnyei ae hwahwacit, me hlingâ e ge beic;

Mika 3:12

Anyin a wale adre me he ka wia kânâiny Ziona helâ me utkânâ can gabun, ke haba Jerusalema, me ame he bi hnân digic thatûnyi hnyin, ke buceniny uma me ame he ka helâ me je hut hnyi hnyot.

Zefania 2:15

Walang taun waleji ame senyin me laba wia, at ame ha eû hnyi hnyekon ka habe, Inya thibi, ke ba hmetu ke at: Ekölö, e ba but wan e, hnân mokut hnen je meno ae hiny! ame he tavat adre me he unyin ka jû, me nyinyikâ ban.

Zefania 2:7

Ke haba hobat köiö, me ame he ka hnân hobi kâu je kolon lap anyi Juda; kʼ adre me he ka han haledrin ta je hnahat mamoe eling: kʼ adre me he lû mokulec je uma umo Asekelona hnyi sahac; anyin ame he Iehova Khongudrin ka senʼ ödrin, me ohmetu ödrin ûhedrin hnyi hna bâ.

Luka 21:20

Ke öbun ka wâ Jerusalema adre me igigilo hnen vat, me wâhmakhmeto ju öbun ae hakekeny jut he ka ohia e.

Luka 21:24

Ke adre me ke ka ta ge homakan hele vat, me he ka hom hwenbʼ ödra ka aten ta je hnyei: kʼ ame he ka uto Jerusalema hnen aten ta je hnyei, ke ne o but ame bekhöt ut ûen aten ta je hnyei.