Isaia 32:13 - Iaai Bible 1901 (New Caledonia)

¹³ Ame he ka kû hnyi kânâ kânân lakeik ta je iwadekong me je iwateta-föcö, eke, hon je umainy senyin hia hnyi tauniny senyin:

Isaia 32:13 ပူးပေါင်းရင်းမြစ်များ

Salamo 107:34

Me kânâ ae wa me me hnyebubainy sâlt, Can hulo anyin tavat adre me labâ e.

Isaia 22:2

U at ae unöngöt ge hwan kuku, taun ae mede, taun ae senyin; haba je kokâm me adre me ca hlingâ ge hele vat, kʼ adre me ca mok hnyi vat.

Isaia 23:7

Hawa, wale tauniny anyibun senyin, ae kâû adrem hwân, waleji ame labö hom e ge li can ka hnyi dok ae sâkâû he ka mē laba?

Isaia 23:9

Ame ûnykûme e hnö Iehova tuhan sabaoth, hnân he ka oûnyibaûâ bigan anyin tavat hia ae hmanenang, me ohûkötiâ je at hnathuiny hia hmeledrany.

Isaia 24:11

Adre me tenge eû hnyi gethen can waina; e lit ut senyin hia, e hia but hobâ anyin tavat.

Isaia 27:10

Anyin ame hake laba taun adre up haginy, hnyaba ae ba wan kʼ adre degec ut, helâ me hnyebuba: ame he ka han tot eling nokon kau, kʼ ame he ka mokut eling, me an ta je anginy.

Isaia 34:13

Ke ame he ka kû ta je iwatetaföcö hnyi je uma umen je thaniny, ke je vhat me iwadekong hnyi je hnabâiny: ke e ame he ka hnân hnen je luko me je mun.

Isaia 5:10

Anyin a ten ta ekeriny hnyei ame he ka wa thibi bath a khaca, ke khaca homer wan adre tä ame he ka wa khaca thibi efa.

Isaia 5:6

ke oge me he ka oûnyibauâ e; ke adre me ca he ka ânyâwia me jien; ke ame he ka kû hnyin e je iwadekong me watetaföcö: ke oge me he ka hûna ka je ûlâ me me ca he ka ta we kâu.

Isaia 55:13

Ame he ka kû kop hwaban watetaföcö, ke ame he ka kû adasi hwaban iwadekong: ke e ame he ka hnân ien kö Iehova, me hnân haten nyiele balua, ke adre me ca he ka subâ degecâ.

Isaia 6:11

Me oge me ha, ka habe, Than lö, ke ne o but kehö î Ke haingen, ka habe, Ke ne o but ame ba but wan je taun, ke ba at ame labā, ke ba but at hnyi je uma; ke ba but wan hnyei,

Isaia 7:23

Ke haba hnyi bong eling, hnyi ta je hnyei hia ae hu vine hnyin a wan thauzan, a hwaban je ong sileva a wan thauzan, me wale ame he bi ka hnen ta je iwadekong me watetaföcö.

Jeremia 33:4

Anyin a walang hna ha hnö Iehova, Khongu Isaraela ge je umainy taun ang, me je uma umen je than Juda, wale adre kia hnân singidra ge je dok adre hlu goranyai me je hele vat, ame ha, ka habe,

Jeremia 39:8

Ke haba at Kaledaia adre me thong uma umen than, me je uma umen tavat ge meic, me kia hna up haginy Jerusalema.

Jeremia 52:27

Ke haba than Babulona ame kot hlingʼ ödra hnyi Ribela hnyi hnyei Hamath. Me adre me hom hwenbâ at Juda ûnyi hnyi idra hnyei.

Hosea 10:8

Adre me he ka ohia minya je dok ae gorany hnyi Aven, wale hulöiny Isaraela: ame he ka kû ûö ae ûdedö me watetaföcö hon anyidra je taben hut; ke adre me he ka ha ka je bucen, ka habe, Tubi ohmun ju; me ka je hut, ka habe, öbun kolu takû ohmun ju.

Hosea 2:3

wâ oge nye uny jut anyin je ûkhaû, me hna but e, helâ me hnyi bong e ame o hnyin, me wia e me me helâ me hnyebuba, me ip e helâ me hnyei ae hwahwacit, me hlingâ e ge beic;

Hosea 9:6

Anyin a wâ bi adre me he me degec hna ûhangö, ke so ame he Aigupito ka ûkhacaköu ödra, kʼ ame he Nofi ka konim ödra: haba hnen anyidra je sileva ae hmanenang, me ame he ka watetaföcö: kʼ ame he ka hnen iwadekong hnyi umödra je uma mano.