Isaia 31:8 - Iaai Bible 1901 (New Caledonia)

⁸ Me ame he at Asuria ka ta ge hele vat, ca hele vat bi anyin at; ke ame he ka an e ge hele vat, a ca hele vat anyin at: ke e ame he ka kec ge hele vat, kʼ ame he wahidröu unyin ka bi fat.

Isaia 31:8 ပူးပေါင်းရင်းမြစ်များ

Genese 49:15

Kʼ ame wâ dok ae so hnân menâ hnyin, Me hnyei ae hmanenang; Kʼ ame ham bajebenyin he ka hije hok Kʼ ame bi athnyaba hnyi hna khene huliwa.

II. Man Ûlabainy Je Than. 32:21

Ke haba Iehova ame kunâ angela, he ka subâ degecâ tavat ae hwege, me je homakan, me je taben, hnyi hna hunuma anyin than Asuria. Me e ame hmehma me hmetu ka hnyi iny hnyei. Ke e ame o but ka hnyin uma umen khongon, me haba li hing lakon ödru me hlingâ e ge hele vat.

Isaia 10:12

Anyin a wale e ka hia but Than umo anyin huliwa hia ka bucen Ziona me Jerusalema, me oge me he ka senâ wan hnyok bigan anyin than Asuria, me hmanenanginy li emakan ame begörany.

Isaia 10:25

Anyin a mē okhaca, me ame he ka hwâdâ wathethot, me anyik hmonyin hnyi ûohiʼ ödra bi.

Isaia 14:2

Ke ame he je hnyei ka hum ödra, me ip ödra hnyi hnödra: ke ame he lap anyi Isaraela ka hum ödra ka hnyi hnyei i Iehova hnân je athnyaba obaga me omomo: ke adre me he ka hwenbödra bi, waleji tavat adre me bâ gadra; kʼ adre me he bi ka musi ka tavat adre me sedʼ ödra.

Isaia 14:25

Ke oge me he ka oamâmâ at Asuria hnyi ik hnyei, me uto e hmelen li cak hon anyik je bucen: me ame he ka hia hna ûhûkâlâköuâ ûnyi gadra, me honen hok ûnyi hnyi hon je bajebenyidra.

Isaia 17:13

Ame he je hnyei ka wadring helâ me wekhetiny je köiö ae se hia: ke e ame he ka thawʼ ödra, mʼ adre me kec sâkâû ai, ke adre me he ka hnu ödra helâ me unen hwit hon je bucen ge ang, ke helâ me thatûnyi ge hon.

Isaia 21:15

Anyin adre me kec ge je hele vat, a hele adre oc, me cafana adre lau, me vecin vat.

Isaia 27:7

Hawa, e ame kot e bi helâji me hnen hna kot tavat adre me kot e? ke hawa, adre me hlingâ e bi helâ me hnen hna hlingâ tavat adre hlingâ e?

Isaia 29:5

Ke ame he ka ûcû me sesâ ame gâ ûganiny je iwahnaihmiony möu, ke ame he ka helâ me unen hwit ame oû ang ûseiny tavat ae hwege hnyimakodra: eke, e ame he ka ie o helâ me thuthubademak.

Isaia 33:1

EKÖLÖ gam at ame söh, kʼ adre ca sei u bi; ke u at ame iyawo, kʼ adre ca iyawo u bi! U ka hia but söh, me adre me he ka sei u; ke u ka bi obiny ânyâm iyawo, me adre me he ka iyawo u.

Isaia 37:7

Wâ bi, oge me he ka ip ke hanu eû hnyi hnyekon, me e ame he ka long ûthumetu me hmetu ka hnyi iny hnyei; ke oge me he ka öta e ge hele vat hnyi iny hnyei bi.

Isaia 66:16

Anyin ame he Iehova ka ivino me tavat hnen meic, me anyin hele vat: ke ame he ka se hia hani Iehova.

Jeremia 46:10

Anyin a bong bongon Than Iehova tuhan sabaoth bong eling, a bong bi hwaban, he ka bi hwaban ka je iwahnaihmiony më: ke ame he hele vat ka an, me sekon, ke ijem drödra me me sekon: anyin ae hu hut ka Than Iehova tuhan sabaoth hnyi hnyei hnyi hwadro hnyi wagewe Euferate.

Ezekiela 21:28

Ke haba u, nokon at lö, perofeta thö me ha, ka habe, Walang hna ha hnen Than Iehova ge je laku Amona, me hna haikongu ödra; ke u me he ka ha, ka habe, Hele vat, hele vat adre oc, adre khet me me ûhlingö, me me an, me me helâ me hucuce.

Hosea 1:7

Ke so bi, oge me he ka betenge ge lap anyi Juda me omeli ödra a deny Iehova Khongudrin, ke oge me he ka omeli ödra ge cefana, me hele vat, me vat, me je hors, me tavat tabô hors.