Isaia 31:5 - Iaai Bible 1901 (New Caledonia)

⁵ Haba je meno adre me gâ, me helâe ame he Iehova tuhan sabaoth ka tuö Jerusalema; e ame he ka tuö, me hna e, kʼ ame he ka he me omelo e.

Isaia 31:5 ပူးပေါင်းရင်းမြစ်များ

Genese 1:2

Ke haba hmeledrany ame ba hwenöiny ke ba önyen; ke ka e menekholom hon dok ae dit: kʼ ame nap Hanon Khong hon je köiö.

II. Je Than 19:34

Anyin oge me he ka Bong taun ang he ka omelö e, gak bi, me ga Davita athnyabaik.

II. Man Ûlabainy Je Than. 32:22

Helâe Iehova ame omeli Hezekia me aten Jerusalema ûnyi hnyi hnyamö Saneribi than Asuria, me ûnyi hnyi hnyamen tavat hia, me su ödrin ka hnyi je ke keihen hia.

Salamo 37:40

Ke Iehova ame hadruʼ ödra, me hûgûnʼ ödra: E ame hûgûnʼ ödra ûnyi ge tavat ae kong, me omeli ödra, Anyin adre me lubaduöng unyin.

Salamo 46:5

E but Khong hnyi wanben e; kʼ ame ca he ka bwebwet: Ame ie he Khong ka hadruâ e, wale hnyi okubelit.

Salamo 46:6

Ame imemedien ta je hnyei, kʼ ame bwebwet ta je dokhu: E ame fuc ge hwan, me ame köiö but hmeledrany.

Salamo 91:4

E ame be ka tubi u ge leûnen, Ke u me he ka lubaduöng hmelen li labenyin: Haba anyin hnathu, me, hnân bec me bec ae gan.

Esodo 12:27

mʼ öbun e he ka thu, ka habe, Wale hut paseka kö Iehova, waleji at ame he hanyâûâ ta je uma umen lakon Isaraela hnyi Aigupito hnyi hnen hna kot at Aigupito me omelö anyitinʼta je lap. Ke haba tavat adre me nom ju me khudrung.

Esodo 19:4

Öbun e wâ but hnök hna ânyâ ka at Aigupito, a oge köp öbun hon labenyin aeto, me hum öbun könya.

Isaia 10:14

ke hnen hnyamok hna wâ ta je omjeûiny je hnyei helâ me hâûen meno; ke helâ me at ame hlo je wakunyin meno adre de degec, helâe oge hia but hlo ta je hnyei hia: ke ba at ame bwebwet abenyin, me memang, me cûk.

Isaia 26:1

HNYI bong eling adre me he ka sit khumöng ang hnyi hnyei Juda, ka habe, E hu but gata taun ae hwege; e ame he ka otilâ ûhomeli hnân hak me singiny.

Isaia 27:3

Inya Iehova at ame tuö e; oge me he ka labö hû e hnyi je ong ûen hia, oge me he ka tuö e hnyi lit me lany, wâ e nye okongoâ e hnen ke at.

Isaia 35:4

Ha thö kodra tavat ae sēnyin hnyok, ka habe, Hwege thö, ca ot bi: wâ bi, ame he ka o Khongubun tha e me hwaban, ame he Khong ka bi hwaban; e ame he ka o me omeli öbun.

Isaia 37:35

Anyin a oge me he ka tuö taun ang me omelo e gak bi, me ga Davita athnyabaik.

Isaia 38:6

Ke oge me he ka omeli u me taun ang ûnyi hnyi hnyamen than Asuria: ke oge me he ka bi singiny taun ang.

Zakaria 9:14

Ke ame he Iehova ka manen hudrin, ke ame he anyin fana ka gâ helâ me hucuce: ke ame he Than Iehova ka tûâ trutru, me he hnyi je höu ûheny hnyi hwaiöu.

Zakaria 9:8

Ke oge me he ka hunuma igigilo umök uma, ûcon iwahnaihmiony, me me ca he ke at ka he me hmetu: ke ame ca he hmetu at ûöveci ka he hnyi wanbödra: anyin a walang ang inya oge me wâ ge li emakök.

Deuteronomi 32:11

Helâ me man aeto ame ânyâwia hâuen, Ke ame gâ igigilö hon lakon, Me helâe e ame ulolo li labenyin, Me kaptilʼ ödrin hon li labenyin: