Isaia 31:4 - Iaai Bible 1901 (New Caledonia)

⁴ Anyin a walang hna ha hnö Iehova könya, ka habe, Ame fuc hnyinʼ liona me nak liona hon haniny adre me ne hawâ tavat tuö mamoe ae se hia ûcon, kʼ ame ca outen ifucidra, kʼ ame ca iyâû ge imediödra; ke helâe ame he Iehova tuhan sabaoth ka utut he ka vat hnyi hon bucen Ziona, ke hon hutiny eling.

Isaia 31:4 ပူးပေါင်းရင်းမြစ်များ

II. Man Ûlabainy Je Than. 20:15

ke haingen, ka habe, Löng ju öbun at Juda hia, me öbun aten Jerusalema, me u Jehosafata than: walang hna ha köbun hnö, Iehova, ka habe, Ca ot bi, me ca öbubuny can tavat ang ae se hia hmonyin; anyin a ca anyibun vat ang, ke vat bi anyin Khong.

Esodo 14:14

Ame he Iehova ka vat sing öbun, kʼ öbun e he ha laba hayibû.

Esodo 14:25

Ke ame thang je waengen hnyi anyidra je kariota, me me hmak he ka lelö: waleling me me ha hnen at Aigupito, ka habe, E so ate me kec ge at Isaraela; anyin a Iehova ame bi hiödra, me iwahnaihmiony me at Aigupito.

Isaia 10:16

Anyin a wale ame he Than, Than tuhan sabaoth, ka kunâ delâ ka anyin ta je pipikhenya; ke eû hnyi hmelen anyin hmanenang adre me he ka vâc hna hiâ helâ me hna hlâiny meic.

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Isaia 30:30

Ke ame he Iehova ka olöngâ ifucin ae hmanenang, me omanenâ ûköluiny hnyamen, tha e me anyin hmonyin ae gan, me bâhlân meic ame han, tha e me hna oamamâ, me weneû, me we wahma.

Isaia 30:32

Ko haba je hna hna hia ge uci at a i hanymen, wale ame he Iehova ka ip hon, ame he ka tha e me je bwinybet me kitara: ke e ame he ka vat mē ge je vat ae hwege.

Isaia 42:13

Ame he Iehova ka he helâ me at ae hwege; e ame he ka oâ tang hwege helâ me taben vat: e ame he ka kuku, eke, e ame he ka hongot goranyai; e ame he ka hwege hon je iwahnaihmiony mē.

Jeremia 50:44

Wâ bi, e ame he ka ölö helâ me liona ûnyi hnyi hmanenanginy Joridano ka taun ae hwege: ke oge me he ka ie okeci ödra gan; ke oge me he ka otilâ hon, at adre ûca: anyin a ie at ae ûcû mönyaî ke ie at ame he ka thu ûen könya? ke ie at tuö mamoe ame he ka tot hnyi hnyimakök?

Hosea 11:10

Adre me he ka hnu hotu Iehova, hnyat adre me he ka kuku helâ me liona: anyin a e ame he ka kuku thö, me ame he ka o je wanakat ûhedra jimeû hnyi öbubuny.

Amosa 3:8

A um dö kuku liona, ie at ame ca be ka outen? a hia but Iehova fuc, ie at ame ca he bi ka perofeta?

Zakaria 12:8

Hnyi bong eling ame he Iehova ka söng aten Jerusalema; ke haba at ae sënyin gadra hnyi bong eling ame he ka helâ me Davita; ke ame he lap anyi Davita ka helâ me Khong, helâ me angela anyi Iehova hnyi hnyimaködra.

Zakaria 14:3

Ke haba Iehova ame he ka he but, me vat me je hnyei eling, helâji me hnen hna vat hnyi bonginy vat.

Zakaria 2:5

Anyin a haba inya, me oge me he ka helâ me hak meic igigilo e, haingö Iehova, anyin a haba inya, me hnân hmanenang hnyi wanben e.

Zakaria 9:15

Ame be Iehova tuhan sabaoth ka sing ödra; ke adre me he ka han me uto je veto adre kûlûec; ke adre me he ka ic me mede helâ me tavat adre ic waina: ke adre me he ka unöngöt helâ me kaia, me helâ me je kopiny taben hut.

Zakaria 9:8

Ke oge me he ka hunuma igigilo umök uma, ûcon iwahnaihmiony, me me ca he ke at ka he me hmetu: ke ame ca he hmetu at ûöveci ka he hnyi wanbödra: anyin a walang ang inya oge me wâ ge li emakök.

Hna Omanenâ 10:3

ke e ame ha hwegiâ helâ me ifucin liona: ke e ame fuc, me ame lung je hendreng a seven.

Hna Omanenâ 5:5

ke haba ke at hnyi wahingat ame ha könya, ka habe, Ca tenge: wâ bi, e hwege Lionainy tribu Juda, Khûen anyi Davita, he ka lau tusi, me khong je hna ohmâ haten e a seven.