Isaia 31:3 - Iaai Bible 1901 (New Caledonia)

³ Ke ta je at thibi at Aigupito, ke ca Khong bi; ke je viny haledra je hors, ke ca je hanu bi; ke e ka he Iehova ka hai hnyamen, me ame he ka tha ta, a at ame hadruâ me at hok ûhadruo, mʼ ödru me he ka tha hia! but.

Isaia 31:3 ပူးပေါင်းရင်းမြစ်များ

II. Man Ûlabainy Je Than. 32:8

haba e unyin, me benyin at; ke unyitin Iehova Khongutin he ka hadruʼ otin, me vâtâ anyitin je vat. Ke haba tavat me adre me labageju ka hofuc ho Hezekia than Juda.

Salamo 118:8

E ûnyi hnathu he ka labageju kö Iehova Hon he ka labageju ka at.

Salamo 33:17

E ûnyi baû hors hnân omelo: Ke e ame ca he ka omelo at ge tang hwegien ae gan.

Salamo 9:20

Iehova lö, ooti ödra ju; Omanenâ thö ka aten ta je hnyei a ödra tavat bi. [Sela.

Isaia 10:3

Ke ieû öbun e he ka ânyâ hnyi bonginy sene, ke hnyi hnaûhango ame he ka o ûnyi hnyi dok ae sâkâu? öbun e he ka kec kö ia me me hadruʼ öbun? ke öbun e he ka ip ua anyibun hmanenang?

Isaia 20:4

helâe minya ame he than Asuria ka lelö at Aigupito a je bâ me at Aithiope tavat adre me ca, wahidröu me wahingat ae ba ûkhaûidra me tangen hnyeucadra, kʼ adre ca tube je hûjiödra me me hmehma Aigupito.

Isaia 20:6

Ke ame he tavat adre laba hnyi hobat köiö ka tha ha hnyi bong eling, ka habe, Wâ bi, wale hnöta hna geju kâu, mʼ ate me kec kâu me me hadruʼ öta mʼ ate me möt ûnyi ge than Asuria: ke haba öta ate ma hawa ka kec?

Isaia 30:16

Ke haingöbun, ka habe, E ba, anyin öhmun e he ka tabö hors me kec; awe, öbun e he ka kec: ke haingöbun, Öhmun e he ka tabâ je meno ae logot; awe ame he bi ka logot tavat hnu öbun.

Isaia 30:5

Ödra hia thithö adre me he ka hihmehma tavat ae ba troban kodra, ke ca hnân ûhadruo me troban, ke hnân hmehma me haikongoâ minya.

Isaia 30:7

Ke ca ûnyi hnathu, ke ûnyi baû ûhadruo ge Aigupito: anyin a wale oge me hwenyi ien e, Rahaba, at ame laba thibi.

Isaia 36:6

Wâ bi, u me labageju ka uci hlowe ae mita eû, wale Aigupito; ke e ka hlec hnyiban e ge at, me ame he ka dâoâ hnyamen: ke helâe Farao than Aigupito kodra hia adre me labageju kâu.

Isaia 36:9

Ke u me he ka kâmâu ka ohmeto ke taben vat ae ûhnyûkong hmonyin unyin lathnyabainy tuhok, me labageju kö Aigupito hobi kâu je kariota me tavat tabö hors?

Isaia 9:17

Anyin a wale ame ca he Than ka senyin ge je hidröu unyidra ke e ame ca he ka betenge ge tavat ae ba kamödra, me je safac: anyin a ödra hia thithö adre me ca ot, ke tavat bi ae kong, me je hnyem hia ame hwen monu. Hnyi ta je ûnyi e hia, ame ca hwio anyin hmonyin, ke ame lau bala bi hnyamen.

Jeremia 15:6

Haingö Iehova, ka habe, U je hia but hna degeci nya, ke u je hmetuhmetu: anyin a wale oge hia but hai hnyamok gam, me ohiö u; oge sënyin dut ge ietra.

Jeremia 17:5

Walang hna ha hnö Iehova, ka habe, E ka mok at ama labageju ka at, me wia at me me hnân hnyamen, ke haba hnyekon ame hota degeci Iehova.

Ezekiela 28:2

Nokon at lö, ha thö ka je tuhan Turo, ka habe, Walang hna ha hnen Than Iehova, ka habe, Anyin ae bi gan hnyekom, ke u je ha, ka habe, Inya ang ke khong, me oge me Aba hnyi tap taben Khong hnyi wanben je köiö; ke so bi u thibi at ke ca Khong, ke u je oûco hnyekom me hnyekon Khong:

Ezekiela 28:9

Hawa, u me he bala ka labö ha hnyi hnyimakan at ame hlingö u, ka habe, Iny Khong? ke u at bi, ke ca Khong hnyi hnyamen at ame okongu u.

Amosa 2:15

kʼ ame ca he bi ka tot at ame hok cafana: kʼ ame ca he ka kec mot at ae hâhâ can: ke haba khaca, ame ca he at tabö hors ka omelo e bi:

Mataio 15:14

Hnʼ ödra but: ödra je hnyat kû gethen kʼ ödra wadröu. Ke a ne lelö wadröu ge ke wadröu, ödru me he ka tha ta eû hnyi hmonop.